গীতসংহিতা 74:15 - Chakma Bible

¹⁵ তুই পয়নালা আর চিগোন ছড়াগানির পথ্‌‌‌তানি খুলি দুয়োচ্; ভালোক্ দিনোর বেই যেইয়্যে গাঙানি তুয়ই শুগেই ফেলেয়োচ্।

গীতসংহিতা 74:15 ပူးပေါင်းရင်းမြစ်များ

২ রাজাবলী 2:14

সে কাবড়ান্দোই তে পানিত্‌ বাজ্জেইনে কলঅ, “ইক্কিনে এলিয়োর্‌ গোজেন লগেপ্রভু কুদু?” তে পানিত্‌ বাজ্জানার্‌ পরেন্দি পানিগান ডেনে-বাঙে দ্বিভাগ ওই গেলঅ, আর তে পার্‌ ওই গেলঅ।

২ রাজাবলী 2:8

এলিয় তা কিয়্যের কাবড়ান্‌ বুদিনে সিয়েন্দোই পানিগান উগুরে বাজ্জেল। সেক্কে পানিগান ডেনে-বাঙে দ্বিভাগ ওই গেলঅ আর তারা দ্বিজনে শুগুনো মাদি উগুরেন্দি পার্ ওই গেলাক্‌।

গীতসংহিতা 105:41

তে পাত্তর্ খুলি দিলো, সেক্কে পানি নিগিলি এলঅ; শুগুনো জাগা ভিদিরেন্দি সিয়েনে গাঙ ধোক্ক্যেন বেঈ গেলঅ।

গীতসংহিতা 114:3

সিয়েন দেগিনে লোহিত সাগরান্ ধেই গেলঅ, যর্দন গাঙানে গঙার্ ফিরেল;

গীতসংহিতা 78:15

ধূল্যেচর-চাগালাত্ শীল্ ফাদিনে মাদি তলেত্তুন্ তে তারারে বোউত্ হেবার পানি দিলো।

যিশাইয় 11:16

মিসরত্তুন্ নিগিলি এবার্ অক্তত্ যেবাবোত্যে ইস্রায়েলীয়গুনোত্তে এক্কান্ পথ ওইয়্যে সেবাবোত্যে তার্ বাঁজি থেইয়্যে মানুচ্চুনোত্তে আসিরিয়াত্তুন্ এক্কান রাজপথ অবঅ।

যিশাইয় 44:27

মুই গভিন্ পানিগানরে কঙর্, ‘তুই শুগেই যাহ্; মুই তর্ গঙারানরে শুগেই ফেলেম।’

যিশাইয় 48:21

যেক্কেনে তে ধূল্যেচর ভিদিরেদি তারারে নেযার্ সেক্কেনে তারা পানি তিরেজে দুঘ্ ন-পান, কিত্তে তে পাত্তরত্তুন্ তারাত্তে পানি নাল্ দিয়্যে; তে পাত্তর ফাদি দিয়্যে আর সিবেত্তুন্ পানিগান নিগিলি এচ্চ্যে।

হবক্‌‌‌‌কূক 3:9

তর্ ধনুগান তুই তুলি নিলে আর তর্ কধা মজিম্ সাজা দিবাত্তে লুদিক্‌কুনে শমক্ হেইয়োন্। তুই পিত্‌থিমীগানরে ভাগ গুরি দিলে গাঙ্-ছড়ালোই।

গণাণা 20:11

এই কধাগান্‌ কোইনে মোশি আত্‌ তুলিনে তার্‌ লুদিক্কোলোই সেই পাত্তর্‌বোরে দ্বিবার্‌ বারি দিলো; সেক্কে সিয়োত্তুন্‌ জোরে বোউত্‌ পানি নিগিলি এজা ধুরিলো আর ইস্রায়েলীয়গুনে আর তারার্‌ য়েমানপালুনে সিয়েন্‌ খেলাক।

যিহোশূয় 2:10

মিসর দেজত্তুন তমারে নিগিলেই আনিবার পরেন্দি লগেপ্রভু কেধোক্ক্যেন গুরি লোহিত সাগরর্‌ পানিগান তমা মুজুঙোত্তুন শুগেই ফেলেয়্যে সিয়েন আমি শুন্ন্যেই। সীহোন আর ওগ নাঙে যর্দনর পূগ পারন্দি দ্বিবে ইমোরীয় রাজারে শেজ্‌ গুরি দিইনে তুমি তারারে কি দজা গোজ্য সিয়েন-অ আমি শুন্ন্যেই।

ফগদাং পেইয়্যে 16:12

সে পরেদি ছ লম্বর স্বর্গদূত্‌তো বড়্‌গাঙ ইউফ্রেটিস উগুরে তা কদরাবো উবোত্ গুরিলো। সেক্কে পুগেদি দেজর্ রাজাগুনোর যেবার পধ্‌তান যুক্কোল অবাত্যে সেই গাঙান পানিগান শুগেই গেলঅ।