গীতসংহিতা 74:1 - Chakma Bible

¹ ও গোজেন, তুই উমরত্যে কিত্তে আমারে ফেলেই যেয়োচ্? তর্ চড়েদে জাগানর্ ভেড়াগুনোর বিরুদ্ধে কিত্তে তর্ রাগর আগুনান্ ধূমেই উদের্?

গীতসংহিতা 74:1 ပူးပေါင်းရင်းမြစ်များ

২ রাজাবলী 21:14

মঅ মানুচ্চুনোর্‌ বাদবাগি কয়েক্কোরে মুই ইরি দিম্‌ আর শত্রুগুনো আঢত্‌ তারারে তুলি দিম্‌। তারার্‌ বেক্‌ শত্রুগুনে তারারে লুদেবাক্‌ আর বেক্কানি জোর্‌ গুরি নেযেবাক্‌,

গীতসংহিতা 10:1

ও লগেপ্রভু, কিত্তেই তুই দূরোত্ থিয়্যেই আগচ্? দুঘোর্ দিনোত্ কিত্তেই তুই নিজোরে লুগেই রাগেয়োচ্?

গীতসংহিতা 100:3

তুমি হরব পঅ লগেপ্রভুই গোজেন। তেয়ই আমারে বানেয়্যে, আমি তার্; আমি তার্ মানুচ্, তার চোরেয়্যে ভেড়া।

গীতসংহিতা 18:8

তা নাগত্তুন্ ধূমোগান উগুরে উদিলো, তা মুয়োনত্তুন্ ভস্তগুরিয়্যে আগুনান্ নিগিলি এলঅ, তা মুয়ো আগুনান্ আঙারালোই জুলি উদিলো।

গীতসংহিতা 42:11

ও মর্ পরাণান, কিত্তেই তুই আজা আরেয়োজ্? কিত্তেই এদক্ ওলোমোত্য ওইয়োজ্? গোজেন উগুরে আজা রাগা, কিয়া মুই আরঅ তার বাঈনী গুরিম; তে মর্ উদ্ধোর্ গুরিয়্যে আর মর্ গোজেন।

গীতসংহিতা 42:9

মর্ গোজেনর ইদু, মর্ আশ্রয়-মুড়োবোর ইদু, মুই এ কধাগান কোম্, “কিত্তেই তুই মরে ভুলি যেইয়োচ্? কিত্তেই মত্তুন্ শত্রুর অত্যেচারে মনত্ দুখ্ গুরিনে বেড়া পুরিবো?”

গীতসংহিতা 44:9

মাত্তর্ ইক্কিনে তুই আমারে ছাড়ি যেইয়োচ্ আর লাজত্ ফেলেয়োচ্; যুদ্ধোত্ আমা সৈন্যদলুনোর সমারে তুই আর্ ন-থেচ্।

গীতসংহিতা 50:1

খেমতাবলা গোজেন, লগেপ্রভু গোজেন, কধা কোইয়্যে; পূগত্তুন্ পোজিমেন্দি সং পিত্‌থিমীর বেক্কুনোরে তে ডাক্যে।

গীতসংহিতা 60:1

ও গোজেন, তুই আমারে এলাফেলা গোজ্যস্, আমারে গুড়ি গোজ্যস্; তুই অমকদ বেজার্ ওইয়োচ্, মাত্তর্ এবেরা তুই আমারে আগ অবস্‌তাদ্ ফিরেই আন।

গীতসংহিতা 60:10

ও গোজেন, তুই কি আমারে বাদ ন-দুয়োচ্? আমা সৈন্যগুনো সমারে তুই দঅ আর্ ন-যাচ্।

গীতসংহিতা 77:7

প্রভু কি উমরত্যে আমারে ছাড়ি যেইয়্যে? তে কি আমারে আর কনদিন্‌অ মেয়্যে ন-গুরিবো?

গীতসংহিতা 77:8

তার অমকদ কোচ্‌পানাগান কি উমরত্যে থুম্ ওই গেলঅ? তার শমক্তান্‌অ কি উমরত্যে বিফল ওই গেলঅ?

গীতসংহিতা 78:1

ও মর্ জাদঅ মানুচ্চুন, মঅ সল্লাগান শুনো; মর্ মুয়ো কধানি শুনো।

গীতসংহিতা 79:13

সালে আমি, তঅ মানুচ্চুন, যিগুনে তর্ চোরেইয়্যে মাদ ভেড়া, উমর সং তরে ভালেদি জানেবং আর বংশর পর বংশ ধুরি তর্ বাঈনী গুরিবোং।

গীতসংহিতা 79:5

ও লগেপ্রভু, আর কয়দিন? তুই কি জিংকানিবর্ বেজার ওই থেবে? আর কয়দিন তর্ পাইদ্যে ভোক্তি ন-পানার জ্বালা আগুনো ধোক্ক্যেন জুলিবো?

গীতসংহিতা 80:5

হেবার জিনিস ইজেবে তুই চোগো পানি তারারে হেবাত্যে দুয়োচ্ আর বোউত্ চোগো পানি খাবেয়োচ্।

গীতসংহিতা 85:6

তঅ মানুচ্চুনে যেনে তরে নিইনে ফুত্তি গুরি পারন্ সেনত্তে কি তুই তারারে আরঅ জেদা ন-গুরিবে?

গীতসংহিতা 95:7

তেয়ই আমা গোজেন, আমি তা মানুচ্; তার চোড়েয়্যে মাদঅ ভেড়া ধোক্ক্যেন তে আমারে দেগাশুনো গরে। আহ্, এচ্চ্যে যুনি তুমি তা কধানি শুনো!

যাত্রা 32:11

মোশি সেক্কে তার গোজেন লগেপ্রভুরে কোজোলী গুরিনে কলঅ‌, “লগেপ্রভু, তর্‌ খেমতাবলা আত্তান্‌ বাবেইনে দাঙর্‌ বল্লোই যিগুনোরে তুই মিসর্‌ দেজত্তুন্‌ নিগিলেই আন্যচ্‌ তর্‌ সেই মানুচ্চুনো উগুরে কিত্তেই তর্‌ এদক্‌ রাগ্‌?”

যিশাইয় 64:8

তো, ও লগেপ্রভু, তুয়ই আমার বাপ। মাদি মাদি, তুই কুমোর্; আমি বেক্কুনে তঅ আঢর্ কাম।

যিরমিয় 23:1

লগেপ্রভু কোইয়্যেদে, “অভিশাব্ পোড়োক সেই পালক্‌কুনোর, যিগুনে মর্ চড়িবার বামত্ ভেড়াগুনোরে ভস্ত গরদন্ আর ছিদি দেদন‍্।”

যিরমিয় 31:37

যুনি উগুরে আগাজ্‌চানরে মাবা যায় আর তলেদি পিত্‌থিমীর খুদোবো তোগেইনে পাহ্ যায় সালেন্ ইস্রায়েলীয়গুনে যিয়েনি গোজ্যন সিয়েনিত্তে মুই তারারে এলাফেলা গুরি পারং। মুই লগেপ্রভু এ কধাগান কঙর্‍।” ‍‍‍‍‍‍‍‍‍‍‍‍‍‍‍‍‍‍‍‍‍‍‍

যিহিষ্কেল 34:31

ও মর্ ভেড়াপালুন, মর্ চোরেয়্যে ভূইয়োর পাল, তুমি মঅ মানুচ্ আর মুয়ই তমার্ গোজেন। মুই প্রভু লগেপ্রভু এ কধাগান কঙর্।’”

যিহিষ্কেল 34:8

মুই প্রভু লগেপ্রভু মর্ জিংকানির নাঙে কঙর্, গরগ অভাবে মর্ পালুন লুদেয়্যে জিনিস ওইয়োন্ আর ঝার্‌‌বো য়েমানর্ হানা ওইয়োন। মর্ গরগ্‌‌কুনে মর্ পালুনোর হবর্ ন-লন্ আর দেগাশুনোয়ো ন-গরন; সিয়েনর বদলে তারা নিজোর্ দেগাশুনো গোজ্যন্।

লূকে লেখ্যে গম্ হবর্ 12:32

ও মর্ ভেড়া ছাগল চিগোন্ পাল্লো, ন-দোরেয়ো, কিয়া তমা বাপ্পোর্ আওজ্‌‌‌চান ইয়েন, তা রেজ্যগান্ তে তমারে দিবো।

দ্বি’লম্বর বিররণ 29:20

লগেপ্রভু কনদিনঅ তারে ক্ষেমা গুরিবাত্তে রাজী ন-অবঅ। সে মানুচ্চো বিরুদ্ধে তার রাগ্‌কান জুলি উদিবো আর তার্‌ মনত্‌ তার পাওনা ভোক্তির আওজ্ জাগিই উদিবো। এই বোইবোত্‌ যেদক্কানি অভিশাবর কধা লেগা আঘে সিয়েনি বেক্কানি তা উগুরে পুরিবো। লগেপ্রভু পিত্‌থিমীত্তুন তার নাঙান্‌ পুঝি ফেলেব।