গীতসংহিতা 73:7 - Chakma Bible

⁷ অমকদ পক্তায় তারার চোগ্‌কুন নিগিলি এচ্চ্যে; তারার মন কুজুরোমিগানি উগুরি পড়ের্।

গীতসংহিতা 73:7 ပူးပေါင်းရင်းမြစ်များ

ইষ্টের 3:11

রাজা হামনরে কলদে, “টেঙায়ো তর্‌ আর মানুচ্চুন্অ তর্‌; সেনত্তেই সেই টেঙাগুন্‌ আর মানুচ্চুনোরে নেযেইনে তর্‌ যিয়েন্‌ গম্‌ বিলিনে মনে অয় সিয়েনই গর্‌।”

ইয়োব 15:27

“তা মুয়োন্‌ তেল্লোই দাদঅ ওই যেইয়্যে আর কমরবো দাঙর্‌ ওইয়্যেদে য়েরালোই।

গীতসংহিতা 119:70

তারার মনানি পেদডাম ধোক্ক্যেন দাঙর্, মাত্তর্ মুই তর্ বেক উগুমানিলোই হুজি অং।

গীতসংহিতা 17:10

তারার বাজে মনর্ দুয়োরান তারা নাঢি রাগেয়োন; তারার্ মুয়োদি বার্বো কধা নিগিলে।

গীতসংহিতা 17:14

ও লগেপ্রভু, সেই মানুচ্চুনোর্ আঢত্তুন, দুনিয়ে মানুচ্চুনো আঢত্তুন, তুই নিজো আঢে মঅ পরানান্ বাঁজা। তারার এ বক্‌শিষ্‌ছানি এ জগদত্ আঘে- তর্ ধন-সোম্বোত্তিগানিলোই তারার পেট ভরে, তারার্ পুয়ো-ছাগুন সয়-সাগোজ্যে অন্, পুয়ো-ছাগুনোত্তে তারা তারার্ ধন-সোম্বোত্তিগানি থোই যান্।

গীতসংহিতা 73:12

ইগুনে অলাক্ সেই পাজি মানুচ্চুন যিগুনে আরামে থেইনে ধন-সোম্বোত্তি বাড়েয়োন্।

যিশাইয় 3:9

তারা মুয়ো চেঙারাগানিয়ে তারা বিরুদ্ধে স্বাক্ষি দে; তারা সদোম ধোক্ক্যেন্ তারার্ পাপ কামানি ফগদাং গরন, ন-ঢাগন্। হায়, সেই মানুচ্চুন! তারা নিজো উগুরে ভস্ত অনাগান্ ডাগি আন্যন্।

যিরমিয় 5:28

তারা পক্তা মক্তা আর তেল্‌তেল্যে ওইয়োন। তারার ভান্ন্যেই কামানির ধুঝি নেই; মা-বাপ্ নেইয়্যেগুনে যেনে ন্যায়বিচের পান সেনত্তে তারা তারার তপ্পে ন-থিয়্যেন আর তারা নাঢা মানুচ্চুনোর অধিকারান্‌অ রোক্ষ্যে ন-গরন।

যিহিষ্কেল 16:49

তর্ বোন্নো সদোমর পাপ্পানি ইয়েনি-তে আর তা ঝিগুনে এলাক্ বাড়্‌বো, কিত্যে তারার্ বোউত্ হানা এলঅ আর তারা গমেডালে বজত্তি গুরিদাক্, মাত্তর্ তারা নাঢা আর অভাবীগুনোরে সাহায্য ন-গুরিদাক্।

১ শমূয়েল 25:2

সেক্কে মায়োন আদামত্‌ এক্কো অমকদ তাগোয়্যে মানুচ্‌ এলঅ। তার কাজ-কারবার এলদে কর্মিল আদামত। তার তিন আজার ভেড়া আর এক আজার ছাগল এলাক্। সেই অক্তত্‌ কর্মিলোত্‌ তে তার ভেড়ার কেচ্‌শানি ঠিগ্ গুরি দের্।

১ শমূয়েল 25:36

অবীগলে যেক্কে নাবল ইদু ফিরি গেলঅ সেক্কে রাজঘরত্‌ যেবাবোত্যে চলিদো সেবাবোত্যে এক্কো হানা তা ঘরত্‌ চলের্‌। নাবলে মদ হেইনে হুজি ওই উদিলো আর পরেন্দি অমকদ মাত্তল্‌ ওই পড়িলো। সেনত্যে অবীগলে বেন্যেমাদান্ ন-অনা সং তারে কিচ্ছু ন-কলঅ।