গীতসংহিতা 72:7 - Chakma Bible

⁷ তা আমলত্ গোজেন ভক্তগুনে যেন বোউত্ আশিদ্‌বাদ পান; যেদকদিন চানান্ থেবঅ সেদকদিন তারার জিংকানিত্ ভালেদিয়্যে ভালেদিয়্যে ভুরি উদোক্।

গীতসংহিতা 72:7 ပူးပေါင်းရင်းမြစ်များ

১ রাজাবলী 4:25

শলোমনর্ জীংকানিত্‌ যিহূদা আর ইস্রায়েল, অত্তাৎ দানত্তুন্‌ বের্‌-শেবা সং বেক্কুনোর নিজোর নিজোর আংগুর গাছ আর ডোমোর গাজ্‌ এলাক্‌ আর তারা দোলেডালে বজত্তি গুরিদাক্।

১ রাজাবলী 5:4

মাত্তর্‌ ইক্কিনে মঅ গোজেন লগেপ্রভু চেরোকিত্তেত্তুন্‌ মরে সুগ-শান্দি দিয়্যে। ইক্কিনে মর্‌ কনঅ শত্রু নেই আর কনঅ দযায়ো ন-অয়।

গীতসংহিতা 92:12

গোজেন ভক্তগুনে খাজোর গাজ ধোক্ক্যেন্ ফুলে-গুলোগুলিয়ে ভুরি উদিবাক্; তে লেবাননর্ এরস গাজ ধোক্ক্যেন দাঙর্ অবাক্।

যিশাইয় 2:4

তে জাদ্‌তুুনো ভিদিরে বিচের্ গুরি দিবো; ভালোক্ দেজর মানুচ্চুনো ভিদিরে মিলেমিলি অবাক্। তারা তারার্ তলোয়ারানি ভাঙিনে নাঙ্গল ফাল্ বানেবাক্ আর যাদিগুন্ ভাঙিনে ঢাল ছাজিবার ছুরি বানেবাক্। এক জাদে অন্য জাদর্ বিরুদ্ধে আর লাম্বাছুরি ন-তুলিবো; তারা আর যুদ্ধো গুরিবাত্তে ন-শিগিবাক্।

যিশাইয় 60:1

লগেপ্রভু কোইয়্যেদে, ও যিরূশালেম, উঠ্, পহ্‌‌‌র দে, কিত্তে তঅ পহ্‌‌‌রান লুম্মেগি; লগেপ্রভুর মহিমাগানে তরে পহ্‌‌‌র দের্।

যিশাইয় 60:22

তমা ভিদিরে যে চিগোন তে আজার্ জন উগুরে অবঅ, আর যে বেগত্তুন্ চিগোন তে এক্কো খেমতাবলা জাদ্ অবঅ। মুই লগেপ্রভু; সময়মজিম মুই সিয়েন যাদিমাদি গুরিম।”

দানিয়েল 2:44

“সেই বেক রাজাগুনোর অক্তত্ স্বর্গর্ গোজেনে এমন এক্কান রেজ্য থিদেবর্ গুরিবো যিয়েন কনদিন্‌অ ভস্ত ন-অবঅ বা অন্য মান্‌জ্য আঢত্ ন-যেবঅ। সেই রেজ্যগানিয়ে উই বেক্ রেজ্যগানিরে ভস্ত গুরি শেজ্ গুরি দিবো মাত্তর্ সেই রেজ্যগান নিজে উমরত্যে থেবঅ।

সখরিয় 9:10

মুই ইফ্রয়িমর রথ আর যিরূশালেমর যুদ্ধোর্ ঘোড়া বেক্কুন্ ভস্ত গুরিম আর যুদ্ধোর্ ধনুগানি ভাঙি ফেলা অবঅ। তে জাদ্‌‌‌‌‌‌‌তুনো ইধু শান্তি ফগদাং গুরিবো। তার শাজন সাগরত্তুন্ সাগর্ সং, ইউফ্রেটিস গাঙত্তুন্ পিত্‌‌‌‌থিমীর শেজ্ দুযি সং চলিবো।

মালাখি 4:2

মাত্তর্ তুমি যিগুনে মরে ভোক্তি গুরিনে দরঅ তমা উগুরে ন্যায়র্ বেলান্ উদিবো যিবের্ ছদগত্ থেবদে গম্ থানা। তুমি নিগিলিনে গোরু ঘরত্তুন্ ছাড়া পেইয়্যে গোরু ছঅ ধোক্ক্যেন পাল্ল্যেবা।

লূকে লেখ্যে গম্ হবর্ 1:33

তে যাকোব গুট্টি মানুচ্চুনো উগুরে জনম্‌ভরা রাজাগিরি গুরিবো। তার রাজাগিরি কনদিন্অ থুম্ ন-অবঅ।”

লূকে লেখ্যে গম্ হবর্ 2:14

“স্বর্গত্ গোজেনরে বাঈনী গরা ওক্, পিত্‌থিমীত্ যিগুনো উগুরে তে হুজি তারার্ শান্তি ওক্।”

প্রেরিত্‌ 4:32

খ্রীষ্ট বিশ্বেজিগুন বেক্কুনে মনে-পরাণে এক্ এলাক্। কনঅ কিজু তারা নিজোর বিলিনে দাবি ন-গুরিদাক্ বরং বেক্কানি যার্ যার্ দরকার্ মজিম্ বেবহার গুরিদাক্।