গীতসংহিতা 72:2 - Chakma Bible

² যেনে তে গমেডালে তঅ মানুচ্চুনোরে বিচের্ গুরি পারে আর অত্যেচারগুরিয়্যেগুনোরে সুবিচের্ গুরি পারে।

গীতসংহিতা 72:2 ပူးပေါင်းရင်းမြစ်များ

২ শমূয়েল 23:3

ইস্রায়েলর গোজেনে কোইয়্যেদে, ইস্রায়েলর আশ্রয়-মুড়ো মরে কোইয়্যেদে, ‘যে মানুচ্চো গমেডালে মানুচ্চুনোরে শাজন্ গরে আর গোজেনরে দরায়,

১ রাজাবলী 10:9

তর্‌ গোজেন লগেপ্রভুর বাঈনী ওক্‌, যিবে তঅ উগুরে হুজি ওইনে তরে ইস্রায়েলর সিংহাসনত্‌ বোজেয়্যে। ইস্রায়েলীয়গুনোরে তে জিংকানিবর্‌ কোচ্‌পায় বিলিনে তে দোল্‌বিচের্‌ আর ন্যায় রোক্ষ্যে গুরিবাত্তে তরে রাজা বানেয়্যে।”

১ রাজাবলী 3:28

রাজার দিয়্যে রায়য়ান শুনিনে ইস্রায়েলর বেক্কুনোর মনত্‌ রাজার্ উগুরে ভোক্তিপূর্ণ দর্‌ জাগি উদিলো, কিত্যে তারা দেগিলাক্, দোলবিচের্‌ গুরিবাত্তে তার মনত্‌ গোজেনর দিয়্যে জ্ঞান রোইয়্যে।

১ বংশধর 29:19

মর্ পুয়ো শলোমনরে এধোক্ক্যেন উজুউস্যে মান্‌জ্য মন দান গুরিচ্‌ যেনে তে তঅ উগুমানি, তঅ কধানি আর তঅ সুদোমানি পালেই পারে আর মুই যে পাক্কা ঘরান্‌ বানেবার্‌ যুক্কোল গোজ্যং সিয়েন্‌ বানেই পারে।”

ইয়োব 34:19

তে শাজন্‌গুরিয়্যেগুনোর তপ্পে ন-লয়, নাঢা মানুচ্চুনোরে ফেলেইনে তাগোয়্যেগুনোরে দাঙর্ মনে ন-গরে, কিত্যে তারা বেক্কুনে তার্ আঢ্‌‌তোই বানেয়্যে।

গীতসংহিতা 12:5

লগেপ্রভু কইদ্যে, “দুঘি মানুচ্চুনোর্ ভস্ত অনা আর নাঢা মানুচ্চুনোর কানানার্ কারনে এবেরা মুই জাগি উদিম, আর গমেডালে থেবার্ যিগুনোর্ মনর্ আওজ্ তারারে গমেডালে রাগেম।”

গম্ উপদেজ্ 29:14

যে রাজাবো গমেডালে নাঢা মানুচ্চুনোর বিচের গরে তা সিংহাসনান্ নিত্য থির্ থায়।

যিশাইয় 32:1

চঅ, এক্কো রাজা গমেডালে রাজাগিরি গুরিবো আর শাজন্‌গুরিয়্যেগুনে ন্যায়বিচের্ গুরিবাক্।

যিশাইয় 32:17

সততাগানর্ ফল অবঅ শান্তি, আর সিয়েনর্ কারনে জনমত্তে থিদেবর্ আর নিশ্চয়তাগান এবঅ।

যিশাইয় 9:7

তার শাজন্ খেমতা বাড়ানা আর শান্তির্ থুম্ ন-অবঅ। তে দায়ূদোর সিংহাসন আর তা রেজ্যগান উগুরে রাজাগিরি গুরিবো; তে সেই সময়ত্তুন্ ধুরি উমরত্তে ন্যায়বিচের্ আর সততালোই সিয়েন থিদেবর্ গুরিবো আর সিয়েন থির্ গুরিবো। বেগত্তুন্ খেমতাবলা লগেপ্রভু গভীন্ আওজে ইয়েনি গুরিবো।

যিরমিয় 33:15

সে দিনুনোত্ আর সে সময়োত্ মুই দায়ূদোর বংশত্তুন্ এক্কো ভালেদির্ চারা উদিবাত্তে দিম্; যিবে ন্যায় আর গম্ তে দেজ ভিদিরে সিয়েনই গুরিবো।

যিহিষ্কেল 34:16

যিগুনে আজি যেইয়োন্ মুই তারারে তোগেম্ আর যিগুনে ভান্ন্যেই পধেদি যেইয়োন তারারে ফিরেই আনিম। মুই আহতগুনোরে ঘা-গানি বানি দিম্ আর বল্‌‌পোজ্যেগুনোরে সবল্ গুরিম্, মাত্তর্ পক্তামক্তা আর বোলিবন্দগুনোরে মুই ভস্ত গুরিম, কিত্যে মুই ন্যায়বিচেরর্ মাধ্যমে মর্ পালুনোরে দেগাশুনো গুরিম।

ফগদাং পেইয়্যে 19:11

যেরেদি মুই দেগিলুং স্বর্গগান খুলো আঘে, আর সিয়েনত্ এক্কো ধুব্ ঘোড়া আঘে। যিবে সেই ঘোড়াবো উগুরে বৈ এলঅ তা নাঙান্ অলঅ বিশ্বেজবলা আর সত্য। তে গমেডালে বিচের্ আর যুদ্ধো গরে।