গীতসংহিতা 72:16 - Chakma Bible

¹⁶ দেজত্ বোউত্ খেত-খেত্তি ওক্, সিগুন মুড়োগুনোর্ মাদাবো সং ওক্। খেত-খেত্তিয়ে লেবানন ঝারর্ শন্‌শন্ রঅ গরে; শঅরত্তুন্ নিগিলি এচ্চ্যে মানুচ্চুনে যেন মাদ ঘাস ধোক্ক্যেন বোউত্ বাড়ন্।

গীতসংহিতা 72:16 ပူးပေါင်းရင်းမြစ်များ

১ রাজাবলী 4:20

যিহূদা আর ইস্রায়েলর মানচ্চুন অলাক্কে সাগর পার ধূল্যেচর ধোক্কেন্‌ গুণি ন-পুড়েইয়্যে।

ইয়োব 5:25

তুই হবর্‌ পেবে, তর্‌ ভালোক্কুন্‌ ঝি-পূঅ অবাক্‌ আর তঅ গুট্টিগুন মাদঅ ঘাজঅ‌ ধোক্ক্যেন্ বোউত্‌ অবাক্।

ইয়োব 8:7

তর্‌ আগামিদি সময়ান্ অবঅ এদক্‌ ভালেদিলোই ভর্‌পূনোং, মনে গুরিবেদে তঅ পত্তম্ অবস্থাগান ইত্তুন্‌ বেশ্‌ ভান্ন্যেই এলঅ।

গীতসংহিতা 104:16

লগেপ্রভুর বানেয়্যে বেক গাজ-বাশছুন্ বোউত্ ঝড় পান; তার লাগেয়্যে লেবাননর্ এরস গাছ্‌চুনেয়ো ঝড় পান্।

গীতসংহিতা 72:6

ঘাস কাবি নেযেয়্যে ভূইয়ো উগুরে ঝড় পড়িলে যেধোক্ক্যেন অয় তে যেন সেধোক্ক্যেন অয়; তে যেন মাদি ভিস্যে ঝড়নাল ধোক্ক্যেন অয়।

যিশাইয় 29:17

কয়েক্ দিনো ভিদিরে দঅ লেবাননর্ ঝার্ এক্কান বোল্‌বোল্যে ওই উদিবো আর বোল্‌‌‌‌‌‌বোল্যে ভূইয়ান ঝার ধোক্ক্যেন মনে গুরিবা।‌‌‌‌‌

যিশাইয় 30:23

তে তমারে ঝড়্ দিবো যেনে তুমি মাদিত্ বীজ্ ফেলেই পার আর ভূইয়োত্তুন্ যে খেত্-খেত্তিগানি এবঅ সিয়েনি গম্ আর তেল্‌তেল্যে অয়। সেদিন্যে তমার্ য়েমান পালুনো বোউত্ দাঙর্ দাঙর্ মাদত্ চড়িবাক্। ‍‌

যিশাইয় 32:20

মাত্তর্ পত্তি গঙার পারত্ বীজ্ লাগেইনে আর তমা গোরু আর গাধাগুনোরে গমেডালে চড়িবাত্তে দিইনে তুমি সুগি অবা।

যিরমিয় 33:22

মর্ চাগর দায়ূদোর বংশধরুনোত্তে আর যে লেবীয়গুনে মঅ মুজুঙোত্ থিয়্যেইনে সেবা-কাম্ গরন তারারে মুই আগাজ তারা ধোক্ক্যেন বাড়েই দিম্ আর সাগর-পার কোরোলী ধোক্ক্যেন গুরিম, যিগুন গণা ন-যায়।”

প্রেরিত্‌ 1:15

সেক্কে পিতরে একদিন খ্রীষ্ট উগুরে বিশ্বেজি প্রায় একশ কুড়িজন মান্‌‌জ্য মুজুঙোত্ থিয়্যেইনে কলঅ,

প্রেরিত্‌ 2:41

যিগুনে তা কধা বিশ্বেজ্ গুরিলাক্ তারা বাপ্তিষ্ম ললাক্ আর শিচ্চ্যগুনো দল সমারে সেদিন্ন্যে গোজেনে কমেদি তিন আজার্ মান্‌জ্যরে এগত্তর্ গুরিলাক্।

প্রেরিত্‌ 4:4

মাত্তর্ যিগুনে পিতর কধা শুন্ন্যন্ তারাত্তুন্ ভালোকজনে বিশ্বেজ্ গুরিলাক্; সেক্কে বিশ্বেজিগুন বাড়িনে কমেদি পাঁচ আজার্ অলাক্।

ফগদাং পেইয়্যে 7:14

মুই তারে কলুং, “চাহ্, সিয়েন তুয়ই কোই পারচ্।” তে মরে কলঅ, “সেই অমকদ দুঘোত্তুন্ যিগুনে এচ্চ্যন ইগুনে সিগুনই। ইগুনে তারার্ কাবড়ানি ভেড়া-ছঅ লো-লোই ধোইনে ধুব্ গোজ্জ্যন।

ফগদাং পেইয়্যে 7:9

ইয়েনর্ পরেদি মুই পত্তি জাত্, গুট্টি, দেশ আর ভাষা ভিদিরেত্তুন্ এদক্ মান্‌জ্যর ভিড় দেগিলুং, তারারে কেঅ গুণি ন-পারিলাক্। ধুব্ কাবড় উরিনে তারা সেই সিংহাসন আর ভেড়া-ছবুয়ো মুজুঙোত্ খাজোর্ পাদা আঢত্ গুরিনে থিয়্যেই এলাক্।