গীতসংহিতা 72:14 - Chakma Bible

¹⁴ অত্যেচার আর আক্রমণ আঢত্তুন্ তে তারার পরাণানি রোক্ক্যে গুরিবো; তা চোগেন্দি তারার লুওর দাম বোউত্।

গীতসংহিতা 72:14 ပူးပေါင်းရင်းမြစ်များ

পত্থম 48:16

সেই স্বর্গদূত্তো, যিবে মরে বেক্‌ দজাত্তুন্‌ উদ্ধোর্‌ গোজ্যে, তে এ পুয়োগুনোরে বর্ দুয়োক্‌। ইগুনোরে দিইনে মর্‌ আর মঅ পুরোণি মানুজ্‌ অব্রাহাম আর ইসহাক নাঙানি জিংকানিবর্ বাঁজি থোক্‌। আমা দেজ ভিদিরে তারা বংশর্‌ মানুচ্চুনে জনেদি ভালোক্কুন্‌ বাড়োদোক্‌।”

২ শমূয়েল 23:17

তে কলদে, “ও লগেপ্রভু, মুই যে এ পানিগান হেম্‌ সিয়েন্‌ দূরোত্‌ থোক্‌। ইয়েন কি সে মানুচ্চুনোর্‌ লো নয় যিগুনে জীংকানির বাঁজি লোইনে সিয়েন্‌ আনিবাত্তে যেইয়োন?” দায়ূদে সিয়েন হেবাত্তে রাজী ন-অলঅ। সে তিন্নো নাঙ্-গোজ্যে বীরোর্‌ কামানি এলদে এবাবোত্যে।

২ শমূয়েল 4:9

জোবত্‌ দায়ূদে বেরোতীয় রিম্মোণর পূঅ রেখব আর তা ভেই বানারে কলঅ, “যিবে বেক্‌ দজাত্তুন্‌ মরে উদ্ধোর্ গোজ্যে সে জেদা লগেপ্রভুর নাঙে কঙর্‌,

গীতসংহিতা 116:15

লগেপ্রভু ইদু তার ভক্তগুনোর্ মরণান বোউত্ মংগা।

গীতসংহিতা 130:8

তেয়ই ইস্রায়েলরে তার বেক্ অন্যেয়ানিত্তুন্ উদ্ধোর্ গুরিবো।

গীতসংহিতা 25:22

ও গোজেন, ইস্রায়েলরে তার বেক্ দুখকানিত্তুন্ উদ্ধোর্ গর্।

গীতসংহিতা 69:18

তুই মইদু এইনে মরে ছাড়েই নেযা; তুই মরে উদ্ধোর গর্, কিত্তে মর্ শত্রু আগন্।

তীত 2:14

যীশু খ্রীষ্ট আমাত্যে নিজো জিংকানিগান দিয়্যে, যেন বেক্‌ পাপ্‌পানিত্তুন আমারে উদ্ধোর্ গুরি পারে আর সিয়েন্দোই এমন্‌ এক দল মান্‌জ্যরে সিজি গুরি পারে যিগুনে বানা তা মানুচ্ অবাক্ আর যিগুনে অন্যগুনোরে উপকার গুরিবাত্যে আয়োজি অবাক্।

ফগদাং পেইয়্যে 17:6

মুই দেগিলুং, সেই মিলেবো গোজেন মানুচ্চুনোর্ লো আর যিগুনে যীশুর্ পৌইদ্যেনে সাক্ষ্য দুয়োন সিগুনোর্ লো হেইনে মাত্তল্ ওই আঘে।

ফগদাং পেইয়্যে 19:2

কিয়া তার্ বিচেরান সত্য আর ন্যায্য। যে তার্ পর্‌পাগোল্যেলোই গোদা পিত্‌থিমীগানরে অসিজি গোজ্জ্যে সেই দাঙর্ বেশ্যেবোরে গোজেনে সাজা দিয়্যে আর তা চাগরুনোর্ লোর্ হেনা সুজোনাগান তে তা উগুরে নেযেয়্যে।”

১ শমূয়েল 26:21

সেক্কে শৌল কলদে, “মুই পাপ গোজ্যং। বাবা দায়ূদ, তুই ফিরি আয়। এচ্চ্যে তুই মর্‌ জীংকানিগানর্‌ কদক্‌ দাম দিলে; মুই আর তরে ক্ষেতি গুরিবাত্যে চেট্ট্যা ন-গুরিম। সত্য সত্য এ দাঙর্‌ অন্যেয়ান গুরিনে মুই বেদমা কাম গোজ্যং।”