গীতসংহিতা 72:10 - Chakma Bible

¹⁰ তর্শীশ আর দ্বিব্‌পুনোর রাজাগুনে তারে খাজানা দেদোক্; শিবা আর সবা দেজর রাজাগুনেয়ো তার পাইদ্যে বক্‌শিজ্‌ছান তারে দেদোক্।

গীতসংহিতা 72:10 ပူးပေါင်းရင်းမြစ်များ

পত্থম 10:7

কূশ পুয়োগুন অলাক্ সবা, হবীলা, সপ্তা, রয়মা আর সপ্তকা। রয়মার পুয়োগুন অলাক্ শিবা আর দদান।

১ রাজাবলী 10:1

শলোমনর্ সুনাঙ্‌ আর তা মাধ্যমে ফগদাং পেইয়্যে লগেপ্রভুর বাঈনীগানর্ কধা শুনিনে শিবা দেজর রানী আগাত্যে কধালোই পুজোর্‌ গুরিনে তারে জগা চেবাত্তে এলঅ।

১ রাজাবলী 10:10

তে রাজারে সাড়ে চের্‌ টনত্তুন্‌অ বেশ্‌ সোনা, ভালোক্কানি তুম্বাজ্‌ মজলা আর মানেক্‌ দিলো। শিবার রাণী রাজা শলোমনরে যেদক্কানি মজলা দিয়্যে সেদক্কানি মজলা আর কনদিনঅ দেজত্‌ আনা ন-অয়।

১ রাজাবলী 10:2

তে ভালোক্কুন্‌ মানুচ্‌ আর উটসুমুত্তো যিরূশালেমত্‌ এইনে লুমিলো। উটতুনোর্‌ পিদিত্‌ এলঅ তুম্বাজ্‌ মজলা, ভালোক্কানি সোনা আর মানেক্‌। তে শলোমন ইদু এইনে তা মনত্‌ যিয়েনি এলঅ সিয়েনি বেক্কানি তারে কলঅ।

১ রাজাবলী 10:25

যিগুনে এদাক্‌ তারা বেক্কুনে কিজু না কিজু বক্‌শিজ্ আনিদাক্‌। সিগুনো ভিদিরে এলদে সোনা-রূবোর পিলে, কাবড়-চুগোড়, আত্যের্, তুম্বাজ্‌ মজলা, ঘোড়া আর খচ্চর। বজরকে বজর্‌ এবাবোত্যেগুরি আনিদাক্।

২ বংশধর 9:21

রাজার্‌ কদক্কানি দাঙর্‌ দাঙর্‌ জাহাজ হীরম মানুচ্চুনোর লগে নেযেইনে তর্শীশোত্‌ যেদাক্‌। পত্তি তিন বজর্‌ পর পর সে তর্শীশ-জাহাজছানিয়ে সোনা, রূবো, এ্যদো দাত্‌, বান্দর্‌ আর বেবুন লোইনে ফিরি এদাক্‌।

ইষ্টের 10:1

রাজা অহশ্বেরশে তার্ পুরো রেজ্যগান্‌, এমন্‌ কি, দূরোর্‌ দেজ্‌ছানিত্‌অ কর্‌ বোজেল।

গীতসংহিতা 45:12

সোর শঅরর মানুচ্চুনে বক্‌‌শিষ্‌‌সোই এবাক্; তাগোয়্যে মানুচ্চুনে তর্ দোয়্যে চেবাক্।

গীতসংহিতা 68:29

যিরূশালেমত্ তর্ ঘর আঘে; সিদু রাজাগুনে তইদু বকশিজ্ নেযেবাক।

গীতসংহিতা 68:30

তারার আন্যে রূবোর কট্টানি ঠেঙোই দুলিনে খাগাড়াবন ঝার্‌বো য়েমান ধোক্ক্যেন সেই মিসররে তুই ধমক্ দে; ধমক্ দে গোরু ছঅ আর বলদ দল ধোক্ক্যেন সেই জাদ্‌তুনোরে। যিদুক্কুন জাদে যুদ্ধো গম পান গোজেনে তারার দলুন্ ভাঙি দিয়্যে।

যিশাইয় 42:10

ও সাগরত্ আঢাউদো গোজ্যেগুন্, সাগর ভিদিরে বেক্ প্রাণিগুন, ও দূরোর্ দেজ্‌ছানি আর সিয়েন ভিদিরে আদাম্মেগুন্,‌‍‍‍ তুমি বেক্কুনে লগেপ্রভুর্ নাঙে এক্কো নূয়ো গীদ্ গঅ, পিত্‌‌থিমীর শেজ্ ধুজিত্তুন্ তার নাঙ্ গিনেদে গীদ্ গঅ।

যিশাইয় 42:4

পিত্‌থিমীত ন্যায়বিচের থিদেবর্ ন-অনা সং তে বল্‌‌‌পোজ্যে ন-অবঅ বা ভাঙি ন-পুরিবো। দূরো মানুচ্চুনে তা উগুমান বাজ্জেই থেবাক্।”

যিশাইয় 43:3

কিত্তে মুয়ই তর্ গোজেন লগেপ্রভু, তর্ উদ্ধোর গুরিয়্যে, ইস্রায়েলর সেই সুদ্ধো-সাংগ মানুচ্চো। মুই তর্ উদ্ধোরর্ মূল্য ইজেবে মিসর দেজ্‌চান দিম, আর তঅ বদলে কূশ আর সবা দেজ্‌চানরে দিম।‌

যিশাইয় 43:6

মুই উত্তোরেদি দেজ্‌চানিরে কোম্, ‘তারারে ইরি দে,’ আর দোগিনে দেজ্‌‌চানিরে কোম্, ‘তারারে আক্‌সোই ন-রাগেয়ো‌‌।’ মুই তারারে কোম্, ‘তুমি দূরোত্তুন্ মঅ পুয়োগুনোরে আর পিত্‌‌‌থিমীর শেজ্ দুযিত্তুন্ মঅ ঝিগুনোরে আন্।‍‌‌‌‌‌

যিশাইয় 49:7

মান্‌জ্যে যি্বেরে ঈচ্ গত্তন আর ঘিনাইদে চোগেদি দেগদন্, যিবে শাজন্‌গুরিয়্যেগুনোর চাগর্, তারে ইস্রায়েলর সেই সুদ্ধো-সাংগ মানুচ্চো আর উদ্ধোর গুরিয়্যে লগেপ্রভু এ কধাগান কোইয়্যেদে, “রাজাগুনে তরে দেগিনে থিয়্যেবাক্, আর রাজ পুরুষ্‌চুনে তরে জু জু জানেবাক্, কিত্তে লগেপ্রভু তরে বেঈ লোইয়্যে; ইস্রায়েলর সেই সুদ্ধো-সাংগ মানুচ্চো বিশ্বেজি‌‍।”

যিশাইয় 60:3

জাদ্‌তুনে তর্ পহ্‌‌‌‌র ইদু এবাক্; ‌ রাজাগুনে তর্ বেন্যেপোত্যে পহ্‌‌‌র ইদু এবাক্।

যিশাইয় 60:6

ধূল্যেচরেদি যেইয়্যে উটো পিদিত্ যেইয়্যেগুন্দোই তমা দেজ্‌চান ভুরি যেবঅ, ভুরি যেবঅ মিদিয়ন আর ঐফার বোলী উট্‌তুন্দোই। তারা সোনা আর তুম্বাজ্ আগর্‌বাট্টি্‌লোই শিবা দেজত্তুন এবাক্ আর লগেপ্রভুরে বাঈনী গুরিবাক্।

যিশাইয় 60:9

ঘেচ্চেকগুরি দূর দেজ মানুচ্চুনে মত্তেই বাজ্জেই আগন্; তমা পূয়োগুনোর আর তারার সোনা রূবোনিলোই দূরোত্তুন্ দাঙর্ দাঙর্ তর্শীশ-জাহাজ্‌চোই বেক্কুনোত্তুন্ আগে আগে এত্তন্।‌‌ ইস্রায়েলর সেই সুদ্ধো-সাংগ মানুচ্চোর, তর্ গোজেন লগেপ্রভুরে বাঈনী গুরিবাত্তে তর্ পুয়োগুনে এত্তন্, কিত্তে তরে তে সয়সাগজ্যে গুরি সাজেয়্যে।