গীতসংহিতা 71:9 - Chakma Bible

⁹ মর্ এ শেজ্ বয়জত মরে ফেলেই ন-দিচ্; মর্ বলান ফুরেই যেইয়্যে, মরে ফেলেই ন-যেচ্।

গীতসংহিতা 71:9 ပူးပေါင်းရင်းမြစ်များ

২ শমূয়েল 19:35

মর্‌ বয়স ইক্কিনে আশি বজর। কুবোন্‌ গম্‌ আহ্ কুবোন বজং সিয়েন কি ইক্কিনে আর্ মুই কোই পারং? তঅ চাগর্‌ মুই ইক্কিনে যিয়েনি হাং সিয়েনি সুয়োত্ কি মুই বুঝি পারং? গান গেইয়্যেগুনোর গানুন্‌ কি মুই এজঅ শুনোং? তঅ এ চাগরবো কিত্তে মঅ গিরোজ মহারাজর্‌ এক্কো অালাদা ঝামেলা ওই থেবঅ?

গীতসংহিতা 71:18

ও গোজেন, এচ্চ্যে বুড়ো ওইনে চুল পাগিলেয়ো তুই মরে ছাড়ি ন-যেচ্; আগাম্ বংশধরুনোর ইদু তর্ খেমতার কধা, আগাম্ বংশধরুনোর ইদু তর্ বলর্ কধা মরে ফগদাং গুরিবাত্তে দে।

গীতসংহিতা 73:26

মর্ কিয়্যে আর মনান ক্ষয় ওই যেই পারে, মাত্তর্ গোজেনে মর্ মনানর্ বল্ আর মর্ উমরর্ সোম্বোত্তির ভাগ।

গীতসংহিতা 90:10

আমা আয়ু বানা সত্তুর বজর, বল্ থেলে আশি বজর্‌অ অয়; আমা আয়ু যেদক অদঅ সাৎ থাইদ্যে বানা দুখ্ আর কষ্ট; বজর যায় চোগ্ কাদানাত্ আর আমিও শেজ্ ওই যেই।

যিশাইয় 46:4

তমার বুড়ো বয়স সং মুই এক্কুই থেম্; তমা চুলান্ পাগিবার বয়স সং তমা ভারান্ বুয়োই দিম। মুয়ই তমারে বানেয়োং, মুয়ই তমা ভারান বুয়োম্; মুয়ই তমারে বুয়োম্ আর রোক্ষ্যে গুরিম।

২ তীমথিয় 1:12

ইয়েনত্যে মুই এ দুঘ্‌কানি ভুগোঙর্; তো মুই ন-লাজাঙর্, কিয়া মুই কোই পারং মুই কা উগুরে বিশ্বেজ্ গোজ্জ্যং। মুই ঘেচ্চ্যেকগুরি কোই পারং, মুই তা ইধু যিয়েনি থোইয়োং খ্রীষ্টর এবার দিন্নোত্যে সিয়েনি রোক্ষ্যে গুরিবার খেমতা তার্ আঘে।

২ তীমথিয় 4:18

প্রভু মরে বেক্ ভান্ন্যেই কামত্তুন্ রোক্ষ্যে গুরিবো আর গমেডালে তার্ স্বর্গীয় রেজ্যত্ নেযেব। যুগে যুগে উমরত্যে তার্ বাঈনী ওক্‌। আমেন।