গীতসংহিতা 71:5 - Chakma Bible

⁵ ও প্রভু লগেপ্রভু, তুয়ই মর্ আজা, গাবুরো বয়জত্তুন্ ধুরি তুই মর্ ভরসা।

গীতসংহিতা 71:5 ပူးပေါင်းရင်းမြစ်များ

১ রাজাবলী 18:12

মুই তরে ফেলেই গেলে লগেপ্রভুর আত্মাগান্‌ তরে অন্য কন্‌ জাগাত্‌ নেযেব যিয়েন্‌ মুই হ্‌বর ন-পাং। মুই যেইনে আহাবরে কনার্‌ পরেন্দি যুনি তে তরে তোগেইনে ন-পাই সালে তে মরে মারে ফেলেব। মাত্তর্‌ চিগনত্তুন্‌ ধুরি তঅ চাগর্‌ মুই লগেপ্রভুরে ভোক্তি গুরিনে দোরেনেই এজঙর্‌।

২ বংশধর 34:3

তার্‌ রাজাগিরির্‌ আস্‌তো বজরত্‌ তা বয়জছান্‌ কম্‌ থেলেয়ো তে তার্‌ পূরোণি মানুচ্‌ দায়ূদোর গোজেন আওজ্ মজিম্‌ আদিবাত্তে মনান্‌ ঠিগ্‌ গুরিলো। রাজাগিরির বার বজর অক্তত্‌ তে পূজোর্‌ বেক্‌ অজল্‌ জাগায়ানি, আশেরা-খুদোগুন, সাজিনে বানেয়্যে মূত্তিগুন্‌ আর ছাজিনে ঢাল্যে মূত্তিগুন্‌ যিহূদা আর যিরূশালেমত্তুন্‌ দূর্‌ গুরি দিয়্যে ধুরিলো।

গীতসংহিতা 119:166

ও লগেপ্রভু, তুই মরে উদ্ধোর্ গুরিবে মুই সে আজায় আগং, আর তঅ উগুমানি পালাঙর্।

গীতসংহিতা 119:81

তুই মরে রোক্ক্যে গুরিবে সিয়েন বাজ্জেই থাগদে থাগদে মর্ বলান কুমি যার্; মুই তর্ কধানিত্ আজা রাগেয়োং।

গীতসংহিতা 13:5

মাত্তর্ মুই তর্ কোচপানা উগুরে বিশ্বেজ্ গোজ্যং; তুই মরে রোক্ষ্যে গুরিবে বিলিনে মঅ মনান্ হুজি।

গীতসংহিতা 39:7

ও প্রভু, সালে মুই আর কি আজালোই থেম? মর্ বেক্ আজাগানি দঅ তইদু।

গীতসংহিতা 42:11

ও মর্ পরাণান, কিত্তেই তুই আজা আরেয়োজ্? কিত্তেই এদক্ ওলোমোত্য ওইয়োজ্? গোজেন উগুরে আজা রাগা, কিয়া মুই আরঅ তার বাঈনী গুরিম; তে মর্ উদ্ধোর্ গুরিয়্যে আর মর্ গোজেন।

গীতসংহিতা 71:17

ও গোজেন, গাবুজ্যে অক্তত্তুন্ ধুরি তুই মরে শিক্ষ্যে দুয়োর্; এজঅ সং মুই তর্ আমক্ অবার কামর কধানি ফগদাং গরঙর্।

উপদেশক 12:1

তঅ গাবুজ্যে জিংকানিত্ তর্ গোজেনরে ইদোত্ তুল্, কিত্তে বুড়ো বয়জর্ দিনুন্ এজের্, অত্তাৎ দুঘো দিনুন্ এজের্ যেক্কেনে তুই কবে, “মর্ এ বুড়ো বয়জত্ মর্ কনঅ রঙ্গ-ফুত্তি নেই।”

যিরমিয় 14:8

ও ইস্রায়েলর আজা, দুঘো সময়োর উদ্ধোরগুরিয়্যে, কিত্তে তুই দেজ ভিদিরে অচেনা ধোক্ক্যেন, এক রেত্ থেইয়্যে বেড়ান্যে ধোক্ক্যেন ওইয়োচ্?‌‌‍

যিরমিয় 17:13

ও লগেপ্রভু, ইস্রায়েলর আজা, যিগুনে তরে ছাড়ি যেইয়োন তারার বেক্কুনোরে লাজত্ ফেলা অবঅ। তত্তুন্ যিগুনে ফিরি যেইয়োন তারার নাঙানি ধুল্যেলোই লেগা অবঅ, কিত্তে তারা জেদা পানির পয়নালা লগেপ্রভুরে ছাড়ি যেইয়োন।

যিরমিয় 17:17

তুই মর্ ভাঙি পড়িবার কারন ন-ওচ্; দযার্ দিনোত্ তুয়ই মর্ আশ্রয়।

যিরমিয় 17:7

মাত্তর্ সে মানুচ্চো বর্‌পেইয়্যে, যে লগেপ্রভু উগুরে বিশ্বেজ্ গরে আর লগেপ্রভু যিবের্ বিশ্বেজর্ গড়াগান।‍‌‍

যিরমিয় 50:7

যিগুনে তারারে পেইয়োন তারা তারারে আক্রমণ গোজ্যন্; তারার শত্রুগুনে কোইয়োন, আমি দুষি নয়, কিত্যে লগেপ্রভুর বিরুদ্ধে, তারার ঘেচ্চ্যেক্‌গুরি চোড়েয়্যে ভূইয়ানর বিরুদ্ধে, তারার পূরোণি মানুচ্চুনোর আজা সেই লগেপ্রভুর বিরুদ্ধে তারা পাপ গোজ্যন্।

লূকে লেখ্যে গম্ হবর্ 2:40

চিজি যীশু বয়জে দাঙর্ ওইনে খেমতাবলা ওই উদিলো আর জ্ঞানে ভরপুর্ উয়ো ধুরিলো। তা উগুরে গোজেনর্ আশিদ্‌বাদ এলঅ।

রোমীয় 15:13

যিবে আজা দান গরে সেই গোজেনে তমা বিশ্বেজর্ মাধ্যমে অমকদ হুজিয়ে আর সুগে-শান্দিয়্যে তমারে ভর্‌পুনোং গোরোক্। সালে পবিত্র আত্মার্ খেমতালোই তমা মনানিত্ আজা পুড়েব।

২ তীমথিয় 3:15

চিগনত্তুন্ ধুরিনে তুই পবিত্র বোইবোত্তুন্ শিক্ষ্যে পেইয়োচ্। আর এ পবিত্র বোইবো তরে খ্রীষ্ট যীশু উগুরে বিশ্বেজর্ মাধ্যমে পাপত্তুন্ উদ্ধোর্ পেবাত্যে জ্ঞান দি পারে।

১ শমূয়েল 16:13

শমূয়েলে সেক্কে তেলর বাঁশিবো নেযেইনে তা ভেইয়ুনোত্তুন্ তারে অভিষেগ গুরিলো। সে দিনোত্তুন্‌ ধুরি লগেপ্রভুর আত্মাগান দায়ূদো উগুরে এলঅ। ইয়েনর পরেন্দি শমূয়েলে রামাত্‌ ফিরি গেলঅ।