গীতসংহিতা 71:18 - Chakma Bible

¹⁸ ও গোজেন, এচ্চ্যে বুড়ো ওইনে চুল পাগিলেয়ো তুই মরে ছাড়ি ন-যেচ্; আগাম্ বংশধরুনোর ইদু তর্ খেমতার কধা, আগাম্ বংশধরুনোর ইদু তর্ বলর্ কধা মরে ফগদাং গুরিবাত্তে দে।

গীতসংহিতা 71:18 ပူးပေါင်းရင်းမြစ်များ

পত্থম 27:1

বুড়ো বয়জত্‌ ইস্‌হাকে চোগেদি রিনি চেবার খেমতাগান এদক্‌ কুমি গেলদে যে, যেরেন্দি তে আর কিচ্ছু ন দেগিদো। একদিন্যে তে তার দাঙর্‌ পুয়ো এষৌরে ডাগিনে কলঅ, “মর্ বাবা।” এষৌ জোবত্ কলঅ, “এইয়্যে দঅ মুই।”

গীতসংহিতা 22:31

যিগুনোর্ এজঅ জর্ম ন-অয়, তারা ইদু যেইনে মানুচ্চুনে তার্ ন্যায্য কধাগানি ফগদাঙ্ গুরিবাক্; কবাক্কে, তেয়ই এ কামানি গোজ্যে।

গীতসংহিতা 48:14

এ গোজেনেয়ই আমা উমরর্ গোজেন; তে আমারে মরণ সং পথ দেগেইনে যেবঅ।

গীতসংহিতা 71:9

মর্ এ শেজ্ বয়জত মরে ফেলেই ন-দিচ্; মর্ বলান ফুরেই যেইয়্যে, মরে ফেলেই ন-যেচ্।

গীতসংহিতা 78:4

তারার বংশগুনোর ইদু আমি সিয়েনি লুগেই ন-রাগেবং; আমি মুজুঙো বংশধরুনোর ইদু লগেপ্রভুর বাঈনীবলা কামর কধা কবং; তার খেমতার কধা আর তে যেদক্কানি আমক্ অবার কাম গোজ্যে সেই কধানি কোম।

গীতসংহিতা 78:6

যেনে মুজুঙো বংশধরুনে, যিগুনে ইয়ো ন-জর্মান্ তারা সিয়েনি হবর্ পান আর তারার পুঅ-ছাগুনো ইদু কোই পারন।

যাত্রা 13:8

সেদিন্যে তুমি পত্তিজনে তমা পূয়োগুনোরে শুনেবা, মুই যেক্কে মিসর দেজত্তুন্‌ নিগিলি এচ্ছ্যং সেক্কে লগেপ্রভু মত্যেই যিয়েন গোজ্যে সিয়েন্‌ মনত্‌ রাগেইনে মুই ইয়েন গরঙর্‌।

যিশাইয় 46:4

তমার বুড়ো বয়স সং মুই এক্কুই থেম্; তমা চুলান্ পাগিবার বয়স সং তমা ভারান্ বুয়োই দিম। মুয়ই তমারে বানেয়োং, মুয়ই তমা ভারান বুয়োম্; মুয়ই তমারে বুয়োম্ আর রোক্ষ্যে গুরিম।

যিশাইয় 51:9

ও লগেপ্রভুর খেমতাবলা আঢ্‌‌‌‌তানি, জাগ, জাগ, তঅ খেমতাগান ফগদাং গর্। যেধোক্ক্যেন তুই আগ দিনোত্ তুল্যচ্, যেধোক্ক্যেন বংশর পর বংশ ধুরিনে তুল্যচ্ সেধোক্ক্যেন গুরি উঠ্। তুই কি রহবরে কট্টা কট্টা গুরি ন-কাবজ্? সেই দাঙর্ দোত্যবোরে কি তুই সেল্ ন-মারচ্?

যিশাইয় 53:1

আমার্ দিয়্যে হবরান্ কন্না বিশ্বেজ্ গোজ্যে? কাইদু বা লগেপ্রভুর্ খেমতাবলা আঢ্‌‌‌‌তান ফগদাং ওইয়্যে?

প্রেরিত্‌ 13:36

“দাযূদে সেক্কে মানুচ্চুনো ভিদিরে গোজেনর্ উদ্দেশ্যগান পূরেবার পরেদি মুরি গেলঅ। তা পূরোণি মানুচ্চুনো সমারে তারে গোর্ দিয়্যে অলে পরেদি তা কিয়্যেগান বর্‌‌বাদ ওই গেলঅ।

১ শমূয়েল 4:15

এলির বয়সছান সেক্কে আদানব্বই বজর্। তে চোখ্‌‌কানা ওইনে বিলিনেই ন-দেগিদো।

১ শমূয়েল 4:18

গোজেনর্ সাক্ষ্য-সুন্দুগোর কধা শুনোনার লগে লগে এলি গেদো কুরে তার আসনানত্তুন্ পিজেন্দি পড়ি গেলঅ। সেক্কে তার আড়ুন ভাঙি যেইনে তে মুরি গেলঅ, কিত্যে তে বুড়ো ওই যেইয়্যে আর তার কিয়্যেগান ঘুয়োর্‌ এলঅ। তে চোল্লিশ বজর ইস্রায়েলীয়গুনোরে শাজন্ গোজ্যে।