গীতসংহিতা 71:14 - Chakma Bible

¹⁴ মাত্তর্ মুই নিত্য তঅ উগুরে ভরসা গুরিম, তর্ বাঈনী উগুরে বাঈনী গুরি গুরি থেম্।

গীতসংহিতা 71:14 ပူးပေါင်းရင်းမြစ်များ

ইয়োব 13:15

তে যুনি মরে মারেয়ো ফেলায় তো তা উগুরে মুই আজা রাগেম্‌; মুই হামাক্কাই তা মুজুঙোত্‌ মঅ পক্ষেদি কধা কোম্‌।

গীতসংহিতা 130:7

ও ইস্রায়েল, লগেপ্রভু উগুরে আজা রাগা, কিত্তে লগেপ্রভু ইদু অমকদ কোচ্‌পানাগান আঘে, আর তাত্তুন্ উদ্ধোর্ গুরিবার বোউত্ খেমতা আঘে।

গীতসংহিতা 43:5

ও মর্ পরাণান, কিত্তেই তুই আজা আরেয়োজ্? কিত্তেই এদক্ চুলুবুলু ওইয়োচ্? গোজেন উগুরে আজা রাগা, কিয়া মুই আরঅ তার্ বাঈনী গুরিম; তেয়ই মর্ উদ্ধোরগুরিয়্যে আর মর্ গোজেন।

গীতসংহিতা 71:6

জর্মত্তুন ধুরি মুই তঅ উগুরে নির্ভরশীল; তুই মরে মা পেদত্তুন নিগিলেই আন্যচ্। তুই নিত্য মর্ বাঈনী গুরিবার্ বিষয়।

আবিলেচ্ 3:21

তো মর্ আজা আঘে, কিত্তে মুই এ কধাগান ইদোত্ তুলোং;

আবিলেচ্ 3:24

মুই মনে মনে কং, “লগেপ্রভু মর্ সোম্বোত্তি, সেনত্তে মুই তা উগুরে আজা রাগেম।”

আবিলেচ্ 3:25

লগেপ্রভু উগুরে যিগুনে আজা রাগান আর তা উগুরে নির্ভর গরন্ তারারে তে ভালেদি গরে।

আবিলেচ্ 3:26

লগেপ্রভু উদ্ধোর্ ন-গরানা সং জুরো গুরি বাজ্জেই থানাগান্ গম্।

ফিলিপীয় 1:9

মুই তবনা গরং তমার কোচ্‌পানা যেন জ্ঞান আর বিচের-বুদ্ধিলোই এগত্তর্ ওইনে বাড়ানাত্ থায়।

১ থিষলনীকীয় 4:10

আর ঘেচ্চ্যেকগুরি তুমি ম্যাসিডোনিয়া রেজ্যর বেক্‌ ভেইয়ুনোরে কোচ্‌পঅ। মাত্তর্ ভেইলগ্, তমা ইধু আমার বিশেজ্ কোজোলি অলঅ তমার এই কোচ্‌পানাগান যেন আরঅ বেশ্ অয়।

ইব্রীয় 10:35

সেনত্যে তুমি সাহচ্‌ ন-আড়েইয়ো, কিয়া ইয়েনর পুরস্কারান ভারী মহৎ।

১ পিতর 1:13

ইয়েনত্যে তমা মনানিরে জাগেই তুলো আর নিজোরে দোঙেই রাগঅ। যীশু খ্রীষ্ট যেক্কে ফগদাং অবঅ সেক্কে তুমি যে বর্ পেবা সেই বরান্ পেবার ভর্‌পুনোং আজালোই বাজ্জ্যেই থাগঅ।

২ পিতর 3:18

তুমি আমার প্রভু আর উদ্ধোর্ গুরিয়্যে যীশু খ্রীষ্টর্ দোয়্যেই আর তা পৌইদ্যেনে জ্ঞানে বাড়ি উদোনাত্ থাগঅ। ইক্কিনে আর উমর সং তারই বাঈনী ওক্‌। আমেন।

১ যোহন 3:3

যে কেঅ খ্রীষ্ট উগুরে এই আজাগান রাগায় তে নিজোরে খাটি গরানাত্ থায় যেধোক্ক্যেন খ্রীষ্ট খাটি।