গীতসংহিতা 70:4 - Chakma Bible

⁴ মাত্তর্ যিগুনে তর্ আওজ্ মজিম্ চলন তারা তল্লোই ফুত্তি আর হুজি ওক্; যিগুনে তর্ গোজ্যে উদ্ধোরর কাম কোচ্‌পান তারা নিত্য কোদোক্, গোজেনর বাঈনী ওক্!”

গীতসংহিতা 70:4 ပူးပေါင်းရင်းမြစ်များ

গীতসংহিতা 35:27

মুই ন্যায়র্ পদথ্ চলঙর্, এ কধাগান যিগুনে শুনোদে গম‌্‌পান তারা হুজি ওইনে রঅ ছাড়োদোক্ আর ফুত্তি গোরোদোক্। তারা আমিঝে কোদোক্, “লগেপ্রভুর বাঈনী ওক্; তার্ চাগরুনোর্ ভালেদি অলে তে হুজি অয়।”

গীতসংহিতা 40:16

মাত্তর্ যিগুনে তর্ আওজ্ মজিম চলন্ তারা মরে নিইনে হুজি ওদোক্; যিগুনে তর্ করা উদ্ধোরর্ কামান গমপান তারা নিত্য কোদোক্, “লগেপ্রভুর বাঈনী ওক্!”

গীতসংহিতা 5:11

মাত্তর্ যিগুনে তইদু আশ্রয় নেযান্ তারা হুজি ওদোক্, তারা হুজিয়ে জিংকানিবর্ গান গাদোক্; তারারে তুই রোক্ষ্যে গর্, যেনে তরে যিগুনে কোচপান্ তারা তরে নিইনেই হুজি অন্।

গীতসংহিতা 97:12

ও গোজেনভক্ত মানুচ্চুন্, লগেপ্রভু যেন তমার হুজির বেপার অয়। তুমি তার পবিত্রতাগানর বাঈনী গরঅ।

যিশাইয় 61:10

মুই লগেপ্রভুরে নিইনে খুব হুজি ওম্; মঅ পরাণানে মর্ গোজেনরে নিইনে হুজি গুরিবো, কিত্তে জামেইবো যেবাবোত্যেগুরি নিজো মাঢাবোত্ হবঙান্ বানে আর নূয়ো বৌবো নিজোরে সোনা-রূবোলোই সাজাই সেবাবোত্যেগুরি তে মরে উদ্ধোরর্ কাবড়ান উরেয়্যে আর সততার্ পোজাকে সাজেয়্যে।

আবিলেচ্ 3:25

লগেপ্রভু উগুরে যিগুনে আজা রাগান আর তা উগুরে নির্ভর গরন্ তারারে তে ভালেদি গরে।

যোহন 16:20

মু‌ই তমারে ঘেচ্চ্যেক্‌গুরি কঙর্, তুমি কানিবা আর দুঘে ভাঙি পরিবা মাত্তর্ জগদর্ মানুচ্চুনে ফুত্তি গুরিবাক্। তুমি দুঘ্ পেবা, মাত্তর্ যেরেদি তমার্ সেই দুঘ্‌কান্ আর ন-থেবঅ; সিয়েনর্ বদলে তুমি হুজী অবা।