গীতসংহিতা 7:16 - Chakma Bible

¹⁶ তা অন্যেয়র্ ভারান্ তা নিজো মাঢাবোত্ ফিরি এজে; তে যে অত্যেচার্ গরে সিয়েন্ তা মাঢাবো উগুরে লামি এজে।

গীতসংহিতা 7:16 ပူးပေါင်းရင်းမြစ်များ

১ রাজাবলী 2:32

যে লো-গানি তে ঝোরেয়্যে সে হেনাবো লগেপ্রভু নেযেব, কিত্যে মঅ বাপ্পো দায়ূদে হবর্‌ ন-পেইয়্যেগুরি দ্বিজন মান্‌জ্যরে আক্রমণ গুরিনে মারে ফেলেয়্যে। তারা অলাক্‌ ইস্রায়েলর সৈন্যদলর সেনাপতি নেরর পূঅ অব্‌নের আর যিহূদার সৈন্যদলর সেনাপতি যেথরর পূঅ অমাসা। এ দ্বিজনই এলাক্‌ তাত্তুন্‌ বেশ্‌ আরঅ খাটি আরঅ গম্‌ মানুচ্‌।

১ রাজাবলী 21:19

তুই তারে কঅ, লগেপ্রভু কত্তে, ‘তুই কি ইক্কো মান্‌জ্যরে মারে ফেলেইনে তা সোম্বোত্তিগানি গজক্ ন-গরচ্‌?’ সে পরেন্দি তারে কঅ, লগেপ্রভু কত্তে, ‘কুগুরুনে যিয়েনত্‌ নাবোতর্‌ লোগান লেইলেই হেইয়োন্‌ সিয়েনত্‌ তারা তঅ লোগান, অয় তর্‌ লোগান লেইলেই হেবাক্‌।’”

ইষ্টের 7:10

সেনত্তেই হামনে যে ফাসিগান মর্দখয়ত্তে বানেয়্যে মানুচ্চুনে সিয়েন উগুরে তারে ফাসি দিলাক্‌। সে পরেন্দি রাজার রাগ্‌কান কুমি গেলঅ।

ইষ্টের 9:25

মাত্তর্‌ হামনর কুজুরোমিগানি যেক্কে রাজার কানত্‌ যেইয়্যে সেক্কে তে লিগিনে উগুম্‌ দিয়্যেগান্ যেনে যিহূদীগুনোর বিরুদ্ধে হামনে যে কুজুরোমিগান্ ফন্দি গোজ্যে সিয়েনি তার্‌ নিজো মাধাত্‌ পড়ে আর তারে আহ্‌ তা পূঅগুনোরে ফাসি দিয়্যে অয়।

ইয়োব 4:8

মুই দেখ্যং যিগুনে বজঙর্‌ চাজ্‌ গরন্‌ আর দুঘোর্‌ বীজ্‌ ফেলান্‌ তারা সেধোক্ক্যেন্ কাবন্‌।

গীতসংহিতা 141:10

পাজিগুনে তারার নিজো জালত্ নিজে ধরা পোড়োদোক্, আর মুই সে অক্তত্ গমেডালে সিয়েন পার্ ওই যেম্।

গীতসংহিতা 35:8

সেনত্তে আদিক্ক্যেন্‌গুরি তারা উগুরে দযা এজোক্; তারার্ হবর্ ন-পেইয়্যে জালত্ তারা ধরা পোড়োদোক্, সে দযাত্ তারা পোড়োদোক্।

গীতসংহিতা 36:12

যিগুনে বজং কাম গুরিনে বেড়ান্ চাহ্ তারা ধরা পোজ্যন্; তারারে ফেলেই দিয়্যে ওইয়্যে, তারা আর্ উদি ন-পারিবাক্।

গীতসংহিতা 36:4

বিচ্চোনত্ পুরিনেয়ো তারা বজং বুদ্ধি গরন্; তারা অন্যেয় পধেদি নিজোরে ছাড়ি দুয়োন্ আর ভান্ন্যেইয়ানি কোচ্‌পান্।

গীতসংহিতা 57:7

ও গোজেন, মঅ মনান্ থির্ আঘে, ন-লড়ে; মুই গান গেম, গানর্ সুর তুলিম।

গীতসংহিতা 9:16

দোল্ বিচেরর্ মাধ্যমে লগেপ্রভু নিজোরে জানিবাত্তে দে; তে পাজিগুনোরে তা কামর্ ফালত্ ফেলায়।

গম্ উপদেজ্ 1:19

ভান্ন্যেই পধেদি কনঅ কিজু পেবাত্তে যিগুনে যান তারার বেক্কুনোর দজা এবাবোত্যে অয়; তারা যিয়েনি পান সিয়েনিলোই তারা জিংকানিগানি শেজ্ গুরি দুয়োন।

গম্ উপদেজ্ 26:27

যে মানুচ্চো গাদ্ খুড়ে তে সিবে ভিদিরে পড়ে; যে মানুচ্চো পাত্তর্ গোজ্যেই দে তা উগুরে সিবে ফিরি এজে।

উপদেশক 10:8

যে গাদ্ খুড়ে তে সিবে ভিদিরে পড়ি পারে; যে দেবাল্ ভাঙে তারে সাবে কামেড়েই পারে।

১ শমূয়েল 23:9

দায়ূদে যেক্কে হবর্‌ পেলঅ, শৌল তার বিরুদ্ধে কুজুুরোমি গরের্‌ সেক্কে তে ধর্মগুরু অবিয়াতররে কলঅ, “তর্‌ এফোদতো ইদু আন্।”

১ শমূয়েল 26:10

জেদা লগেপ্রভুর নাঙে কঙর্, লগেপ্রভু নিজেই তারে সাজা দিবো। অয় তে এমনে মুরি যেবঅ, নয়দ যুদ্ধোত্‌ যেইনে শেজ্‌ ওই যেবঅ।

১ শমূয়েল 28:19

লগেপ্রভু পলেষ্টীয়গুনোর আঢত্‌ তরে আর তর্‌ লগে ইস্রায়েলীয়গুনোরে তুলি দিবো। কেল্যে তুই আর তর্‌ পূঅগুনে মঅ লগে থেবাক্। তে ইস্রায়েলর সৈন্যদলুনোরেয়ো পলেষ্টীয়গুনোর আঢত্‌ তুলি দিবো।