গীতসংহিতা 69:8 - Chakma Bible

⁸ মঅ ভেইয়ুনোর ইদু মুই যেন অচেনা ওই যেইয়োং, মা পেদঅ ভেইয়ুনোর ইদু বিদেশি ওইয়োং।

গীতসংহিতা 69:8 ပူးပေါင်းရင်းမြစ်များ

গীতসংহিতা 31:11

শত্রুগুনে মরে চোগোশাল্ ইজেবে দেগদন্, মর্ সমাজ্যেগুনো ইদু সিয়েনি গোজ্যন্। চিনে পরিচয় মানুচ্চুনো ইদু মুই এক্কো দর্‍গরেপারা; মানুচ্চুনে মরে পদথ্ দেগিলে ধেই যান্।

গীতসংহিতা 38:11

মর্ এ অবস্থাগান দেগিনে সমাজ্যেগুনে মত্তুন্ দূরোত্ দূরোত্ থান্, এন্ কি, মর্ গেদি-গুট্টিগুনে দূরোত্ সুরি থান্।

গীতসংহিতা 89:51

ও লগেপ্রভু, তর্ শত্রুগুনে সেই অগমানান্ গোজ্যন; অগমান গোজ্যন তর্ অভিষিক্ত মানুচ্চোরে তার বেক্কানিত্।

গীতসংহিতা 89:52

জিংকানিবর্ লগেপ্রভুর বাঈনী ওক্! আমেন, আমেন।

যিশাইয় 50:6

যিগুনে মরে মাজ্যন্ মুই তারা ইদু মঅ পিঠ্‌তান পাদি দুয়োং আর যিগুনে মঅ দাড়িগানি উগুরেয়োন তারা ইদু মঅ গালান্ পাদি দুয়োং। যেক্কে মরে অগমান গরন্ আর মঅ উগুরে সেফ্ ফেলা ওইয়্যে সেক্কে মুই মঅ মুয়োন নাঢি ন-রাগাং।‌

যিশাইয় 53:3

মান্‌জ্যে তারে ঈচ্ গরদন আর এলাফেলা গোজ্যন্; তে যন্ত্রনাত্ ভুগের্ আর পিড়েগান লগে তার পরিচয় এলঅ। মান্‌জ্যে যিবেরে দেগিলে মুয়োন্ ফিরেন তে তা ধোক্ক্যেন ওইয়্যে; মান্‌জ্যে তারে ঈচ্ গোজ্যন আর আমি তারে সর্মান ন-গুরিই।

যিশাইয় 53:4

ঘেচ্চেকগুরি, তেয়ই আমার বেক পিড়েগানি তুলি নেযেয়্যে আর আমা যন্ত্রনাগান বুয়োই নেযেয়্যে; মাত্তর্ আমি মনে গোজ্যেই গোজেনে তারে আঘাত্ গোজ্যে, তারে মাজ্যে আর দুঘ্ দিয়্যে।

যিরমিয় 15:15

ও লগেপ্রভু, তুই দঅ বেক্কানি হবর্ পাজ্; সেনত্তে মঅ কধানি ইদোত্ তুল্ আর মঅ উগুরে মনযোগ দে। মঅ অত্যেচারীগুনো উগুরে তুয়ই হেনা সুজ্। তুই দঅ তারা উগুরে বোউত্ ধোজ্য ধুরি থাচ্, মাত্তর্ সেনত্তে তারা আঢত্ তুই মরে ভস্ত অবাত্তে ন-দিচ্; ইদোত্ তুলি চাহ্, মুই তত্তে কিবাবোত্যে ঈচ্ গরানা সোজ্য গোজ্যং।

মথি লেখ্যে গম্ হবর্ 26:56

মাত্তর্ ইয়েনি বেক্কানি ঘুদিলো যেন পবিত্র বোইবোত্ ভাববাদীগুনে যিয়েনি লেখ্যন্ সিয়েনি পূরোণ্ অয়।” শিচ্চ্যগুনে বেক্কুনে সেক্কে যীশুরে ফেলেইনে ধেই গেলাক্।

যোহন 1:11

তে নিজো দেজত্ এলঅ, মাত্তর্ তা নিজো মানুচ্চুনে তারে মানি ন-ললাক্।

যোহন 7:5

আজলে যীশুর্ ভেইয়ুনেয়ো যীশু উগুরে বিশ্বেজ্ ন-গুরিদাক্।

১ শমূয়েল 17:28

দায়ূদোর দাঙর্ ভেই ইলীয়াব মানুচ্চুনো সমারে তার কধাবাত্তানি কদে শুনিনে রাগে ফুলি উদিলো। তে কলদে, “তুই কিত্তে ইদু এচ্ছোস্? ধূল্যেচর-চাগালার্‌ ভেড়াছাগলুনোরে কাইদু রাগেইনে এচ্চোস্? তর্‌ দেমাক্ আর মনর্‌ পাজি কধানি মত্তুন্‌ জানা আঘে। তুই যুদ্ধো চেবাত্তে এচ্ছোচ্ছে, নয় নি?”