গীতসংহিতা 69:4 - Chakma Bible

⁴ যিগুনে অকারনে মরে ঈচ্ গরন, তারা জনেদি মর্ চুলানিত্তুন্‌অ বেশ্। যিগুনে মরে ভস্ত গুরি ফেলেবাত্তে চান তারা বেশ্ বোলিবন্দ; তারা মিজে মিজে মর্ শত্রু ওইয়োন। মুই যিয়েন চুর্ ন-গরং সিয়েন্‌অ মত্তুন ফিরেই দিয়্যে পোজ্যে।

গীতসংহিতা 69:4 ပူးပေါင်းရင်းမြစ်များ

গীতসংহিতা 35:19

মিজে মিজে গুরি যিগুনে মর্ শত্রু ওইয়োন তুই মরে তারার্ তামাজা গরেদে ধোক্ক্যেন্ অবাত্তে ন-দিচ্; এনেবাদে যিগুনে মরে ঘিনেন্ মর্ বিরুদ্ধে তারা চোখকুন্ চিবেচিবি গুরিবাত্তে ন-দিচ্।

গীতসংহিতা 40:12

কিয়া ভালোক্কানি দযায় মরে ঘিরিনে ধোজ্যে; পাপে মঅ পিজেন্দি লড়ার্ মঅ উগুরে লুম্মেগি। মুই ন-দেগঙর্; সিয়নি মর্ চুলানিত্তুন্‌অ বেশ্; সাহস কদে মর্ আর্ কিচ্ছু নেই।

গীতসংহিতা 59:3

তারা মত্তেই হাফ্ দি আগন, দর্‌গরেপারা মানুচ্চুনে মঅ উগুরে আক্রমন আরাম্ভ গোজ্যন্; ও লগেপ্রভু, সিয়েন মর্ কনঅ অন্যেয় বা পাপত্তে নয়।

গীতসংহিতা 6:7

দুঘে মর্ দেগিবার্ খেমতাগান্ কুমি যেইয়্যে; শত্রুগুনোর্ কারনে মঅ চোগো পহ্‌‌রান্ কুমি যেইয়্যে।

যোহন 15:25

ইয়েন ওইয়্যে যেন তারার্ আইন-কানুনোত্ লেগা এ কধাগান্ পূরোণ্ অয়, তারা অকারণে মরে ঘিনেয়োন্।

২ করিন্হীয় 5:21

যীশু খ্রীষ্ট ইধু কনঅ পাপ্ ন-এলঅ; মাত্তর্ গোজেনে আমা পাপ্‌পানি যীশু উগুরে তুলি দিইনে তারে পাপ জাগানত্ দিলো, যেন খ্রীষ্ট সমারে মিজেইনে গোজেনর্ পবিত্রতাগান্ আমার পবিত্রতাগান্ অয়।

১ পিতর 2:22

যিবে কনঅ পাপ ন-গরে বা যিবের্ মুয়োত কনঅ ছলনার কধা ন-এলঅ।

১ পিতর 2:24

তে ক্রুশো উগুরে নিজোর কিয়্যেগান্দোই আমার পাপর্ ভারান্ বুয়োল, যেন আমি পাপর দাবি-দেনা ইধু মুরিনে গোজেনর্ আওজ্‌ মজিম চলিবাত্যে বাঁজি থেই। তার্ কিয়্যেগানর্ ঘা গানিয়ে তমারে গম গোজ্জ্যে।

১ পিতর 3:18

খ্রীষ্টয়ো পাপত্যে একবার মোজ্জ্যে। গোজেন ইধু আমারে নেযেবাত্যে সে নিদ্দুজি মানুচ্চো পাপীগুনোত্যে, অত্তাৎ আমাত্যে মোজ্জ্যে। কিয়্যেদি তারে মারে ফেলা ওইয়্যে, মাত্তর্ আত্মায় তারে জেদা গরা ওইয়্যে আর তে বন্দী আত্মাগুনো ইধু যেইনে ফগদাং গোজ্জ্যে।