গীতসংহিতা 69:3 - Chakma Bible

³ ডাগদে ডাগদে মুই বল্‌পোজ্যে ওইয়োং, মর্ মুয়োপানিগান্ শুগেয়্যে; মর্ গোজেনত্তে চেই থাগদে থাগদে মঅ চোগ্‌কুন ঝাপ্‌সা ওইয়োন।

গীতসংহিতা 69:3 ပူးပေါင်းရင်းမြစ်များ

ইয়োব 11:20

মাত্তর্‌ শদানুনে উদ্ধোরর্‌ আজায় মিজে মিজে চেই থেবাক্‌, তারা কনঅ আশ্রয় ন-পেবাক্‌; শেজ্‌ নিজেশ্বো অবদে তারার্‌ আজা।”

ইয়োব 16:16

কানদে কানদে মঅ মুয়োন্‌ রাঙা ওইয়্যে, মঅ চোগো তলেদি কালি পোজ্যে;

গীতসংহিতা 119:123

তর্ গম কাম মজিম্ তুই যে এগেমান্ গোজ্যস্ সিয়েন পূরোণ অবার তর্ দিয়্যে উদ্ধোরান্ পেবার আজায় মঅ চোগ্‌কুন গুর্ গুর্ ওইয়োন্।

গীতসংহিতা 119:82

তর্ এগেমান্ পূরোণ অবাত্তে বাজ্জেই থাগদে থাগদে মঅ চোগ্‌কুন গুর্ গুর্ ওইয়োন; মুই কঙে, “কক্কেনে তুই মরে সান্তনা দিবে?”

গীতসংহিতা 22:15

মাত্যে পিলের্ শুগুনো কট্টা ধোক্ক্যেন্ মঅ বলান্ শুগেই এচ্চ্যে, আর মঅ জিলান্ তাগারাত্ বাচ্চেগোই; তুই মরে গোরত্ পোড়েই রাগেয়োচ্।

গীতসংহিতা 22:2

ও মর্ গোজেন, দিনোত্ মুই তরে ডাগং, মাত্তর্ তুই জোব্ ন-দুয়োচ্; রেদোত্‌অ মুই জুরো গুরি ন-থাং।

গীতসংহিতা 25:21

মর্ গম আর ন্যায় কামানিয়ে মরে রোক্ষ্যে গোরোক্, কিত্যে মুই তঅ উগুরে মর্ আজাগান রাগেয়োং।

গীতসংহিতা 39:7

ও প্রভু, সালে মুই আর কি আজালোই থেম? মর্ বেক্ আজাগানি দঅ তইদু।

গীতসংহিতা 40:3

তে মর্ মুয়োনত্ দিলো নূয়ো গান, আমা গোজেনর নাঙ্ গিনেদে-গান। ভালোক্ জনর চোগোত্ সিয়েন্ পড়িবো আর তারার্ মনত্ ভোক্তিবলা দর্ অবঅ; তারা লগেপ্রভু উগুরে বিশ্বেজ্ গুরিবাক্।

গীতসংহিতা 6:6

মুই ফবাদে ফবাদে বল্ পোজ্যে ওই পোজ্যং; সারা রেত্ কানি কানি মুই বিচ্ছোনান্ ভিজেয়োং, চোগো পানিয়ে মঅ খাট্‌‌তান্ ভিজাং।

গীতসংহিতা 69:21

মর্ হানাগানত্ তারা বিষ দুয়োন্ আর পানি তিরেজর্ সময়োত্ দুয়োন সিরকা।

গীতসংহিতা 88:7

তঅ রাগ্‌কান মঅ উগুরে অমকদ আঘে; তর্ বেগ রাগর টেলায় তুই মরে ভাজে নেযর্।

যিশাইয় 38:14

চাতক, শালিক আর কঅ ধোক্ক্যেন মুই গির্‌‌‍‌‌‌গিজ্যে রলোই ডাগিলুং। উগুরেদি চাদে চাদে মঅ চোগ্‌কুন চুলোদন্। ও প্রভু, মুই দুঘ্ পাঙর্, তুই মঅ ভারান্ নেযা।‌‍‌‌‌

আবিলেচ্ 2:11

কানদে কানদে মঅ চোগ্‌কুন চিবে চিবে ওইয়োন, মঅ ভিদিরেয়ো যন্ত্রণা অর্; মঅ মানুচ্চুন ভস্ত ওইয়োন, আর ঝি-পুয়োগুনে আহ্ চিগোন গুরোগুনে শঅরর্ খুলো জাগানিত্ অজ্ঞান ওইনে পড়ি আগন্। সেনত্তে মঅ মনান্ যেন মাদিত্ ঢুলি পোজ্যে।

যোহন 19:28

ইয়েন পরেদি বেক্কানি থুম্ ওইয়্যে কোই পারিনে পবিত্র বোইবোর্ কধানি যেন পূরোণ্ অয় সেনত্তে যীশু কলঅ, “মত্তুন্ তিরেচ্‌ পেইয়্যে।”

দ্বি’লম্বর বিররণ 28:32

তমার ঝি-পূঅগুনে অন্য জাদর্‌ আদত্‌ পড়িবাক। দিনকে দিন তারার এবার্‌ পথতান্‌ চেইনে তমার চোক্কুন কান্‌ ওই যেবাক, মাত্তর্‌ কিজু গুরিবার বল্‌ তমা আদত্‌ ন-থেবঅ।

ইব্রীয় 5:7

যিবে তারে মরণ আদত্তুন রোক্ষ্যে গুরি পারিদো সেই গোজেন ইধু যীশু এ জগদত্ থেবার অক্তত্ জোরে রঅ ছাড়িনে কানি কানি কোজোলী গোজ্জ্যে আর ভিক্ষ্যে মাক্যে। তার্ ভোক্তিগান সমারে বাধ্যতা এলঅ বিলিনে গোজেনে তার্ তবনাগান শুন্ন্যে।