গীতসংহিতা 69:26 - Chakma Bible

²⁶ তুই যিবেরে সাজা দুয়োচ্ তারা তারে অত্যেচার গোজ্যন্; যিগুনোরে তুই আঘাত গোজ্যচ্ তারা যন্ত্রণাগান অলঅ তারার তেম্মাঙর্ বেপার।

গীতসংহিতা 69:26 ပူးပေါင်းရင်းမြစ်များ

২ বংশধর 28:9

ওদেদ নাঙে লগেপ্রভুর এক্কো ভাববাদী শমরিয়াত্‌ এলঅ। সৈন্যদলুনে যেক্কে শমরিয়াত্‌ ফিরি এত্তন্‌ সেক্কে তে তারা লগে দেগা গুরিনে কলঅ, “তমা পূরোণি মানুচ্চুনোর গোজেন লগেপ্রভু যিহূদা উগুরে অমকদ বেজার্‌ ওইয়্যে বিলিনে তে তারারে তমা আঢত্ তুলি দিয়্যে। মাত্তর্‌ রাগর্‌ সুরে তুমি তারারে যেধোক্ক্যেন গুরিনে মারে ফেল্য সে কধাগান স্বর্গয়ান সং লুম্মেগি।

ইয়োব 30:13

তারা মঅ পথ্‌তান্ আক্‌সোই ‌ দুয়োন্; কারঅ সাহায্য নেইয়্যে গুরি তারা মরে খেতি গরন্।

গীতসংহিতা 109:16

তারা দোয়্যে গুরিবার কধা কনদিন্‌অ মনে ন-গরন্, তো দুঘী, নাঢা আর আজা নেইয়্যে মানুচ্চুনোরে মারে ফেলেবাত্তে অত্যেচার গুরিদাক্।

যিশাইয় 53:10

আজলে লগেপ্রভু তার আওজ্ মজিম তারে চুর্‌‌মার্ গোজ্যে আর তারে দুঘ্ গরা বাজেই দিয়্যে। লগেপ্রভুর চাগর্‌বো যেক্কে তা পরাণানরে দুষোর্- উৎসর্ব ইজেবে দিবো ‌‌‌‍‍ সেক্কে তে তা পুয়োগুনোরে দেগিবো আর তা আয়ুগান বাড়েব; তা মাধ্যমে লগেপ্রভুর আওজ্‌চান পূরোণ অবঅ।‌‌‌‍‍‍

যিশাইয় 53:4

ঘেচ্চেকগুরি, তেয়ই আমার বেক পিড়েগানি তুলি নেযেয়্যে আর আমা যন্ত্রনাগান বুয়োই নেযেয়্যে; মাত্তর্ আমি মনে গোজ্যেই গোজেনে তারে আঘাত্ গোজ্যে, তারে মাজ্যে আর দুঘ্ দিয়্যে।

সখরিয় 1:15

মুই নিচিদে থেইয়্যে সেই বেক জাদ্‌‌‌‌‌তুনো উগুরে অমকদ বেজার্ ওইয়োং, কিত্যে মুই যেক্কে মঅ মানুচ্চুনো উগুরে বানা এক্কানাগুরি বেজার্ ওইয়োং সেক্কে সেই বেক জাদ্‌তুনে মঅ মানুচ্চুনোর দুদ্দশা সমারে আরঅ দুদ্দশা দুয়োন্।‌‌‌‌

সখরিয় 13:7

বেগত্তুন্ খেমতাবলা লগেপ্রভু কত্তে, “ও লাম্বা ছুরিগান্, তুই মঅ গরগ্‌‌‌‌‌কোর্ বিরুদ্ধে, মঅ সমারে মানুচ্চুনোর্ বিরুদ্ধে, জাগি উদ্। গরগ্‌‌‌‌‌‌কোরে আঘাত্ গর্, সেক্কে ভেড়াগুন ছিদি পড়িবাক্; মুই ভেড়া ছঅগুনো বিরুদ্ধেয়ো মঅ আঢ্‌‌‌‌‌‌তানি তুলিম।

১ থিষলনীকীয় 2:15

সেই যিহূদীগুনে প্রভু যীশুরে আর ভাববাদীগুনোরে মারে ফেল্ল্যন, আর আমা উগুরেয়ো তারা অত্যেচার্ গোজ্জ্যন্। তারা গোজেনরে বেজার্ গরন্, আর বেক্‌ মানুচ্চুনো উগুরে তারার্ শত্রু-ভাব আঘে।