গীতসংহিতা 69:24 - Chakma Bible

²⁴ তর্ অমকদ অগমানে তুই তারারে গেইল্ দে; তর্ জোলজোল্যে রাগ্‌কানে তারারে ধোরোক্।

গীতসংহিতা 69:24 ပူးပေါင်းရင်းမြစ်များ

গীতসংহিতা 79:6

যিগুনে তরে মানি ন-নেযান্ সেই জাদ্‌তুনো উগুরে তঅ রাগ্‌কান ঢালি দে, ঢালি দে সে রেজ্যগানি উগুরে যিগুনে তরে তর্ যোগাজ্যে সর্মান ন-দুয়োন্;

যাত্রা 15:15

ইদোমীয় সর্দারুনে দরে ওলোমত্ত্য অবাক্; মোয়াবীয় নেতাগুনে দরে গির্‌গিরেবাক্‌, আর অমহদ দর্‌বুগোত্‌ পড়িনে কনানীয়গুনে সাহস্‌ আড়েবাক্‌। ও লগেপ্রভু, তর্‌ মানেইয়ুনোর্‌ যানা থুম ন-অনা সং, তর্‌ ছাড়ি নেযেয়ে মানেইয়ুনোর্‌ যানা থুম ন-অনা সং তর্‌ দাঙর্ খেমতার্ মুজুঙোত্‌ সেই‌ বেক্‌ জাদ্‌তুনে পাত্তর্‌ ধোক্ক্যেন পড়ি থেবাক্।

যিশাইয় 13:8

তারা অমকদ দোরেবাক্, তারার্ পিড়ে আর অমকদ সুলোনি অবঅ, পুয়ো পুদোইদ্যে মিলে ধোক্ক্যেন্ তারা সুলোনিলোই কিয়্যে মুজুরিবাক্, তারা বুদ্ধি আরেইনে একজনে আর একজন ইদু রিনি চেবাক্ আর তারার্ মুয়োনি আগুনো জিলো ধোক্ক্যেন্ অবঅ।

হোশেয় 5:10

যিগুনে দেজ দুযি পাত্তরুন সরান্ যিহূদার নেতাগুনে তারা ধোক্ক্যেন। মঅ রাগ্‌‌‌কান মুই বান পানি ধোক্ক্যেন তারা উগুরে ঢালি দিম।

সখরিয় 1:6

মাত্তর্ মুই মর্ চাগরুনোরে, অত্তাৎ ভাববাদীগুনোরে যেদক্কানি উগুম দুয়োং, মর্ সেই বেক্ কধানি আর সুদোম্ মজিম কি তমা পূরোণি মানুচ্চুনে সাজা ন-পান্? সেক্কে তারা মনানি ফিরেইনে কোইয়োন্দে যে, বেগত্তুন খেমতাবলা লগেপ্রভু তারার্ আচার-বেবহার আর অভ্যেস্ মজিম তারা উগুরে যিয়েনি গুরিবো বিলি ঠিগ্ গোজ্যে তে সিয়েনই গোজ্যে।’ ”

লূকে লেখ্যে গম্ হবর্ 21:22

কিয়া এ দিনুন্ অবঅ সাজা পেবার্ দিন, আর ইয়োত্ পবিত্র বোইবোত্ যিয়েনি লেগা আঘে সিয়েনি পূরোণ্ অবঅ।

দ্বি’লম্বর বিররণ 31:17

যেদিন্যে তারা সিয়েন গুরিবাক সেদিন্যে রাগে মুই তারারে ছাড়ি দিম্‌। মুই তারাত্তুন মর্‌ মুয়োন ফিরেই নেযেম্‌ আর্‌ তারা ভস্ত ওই যেবাক। সেক্কে তারা উগুরে নানান্‌ দযা আর দুখ্‌-কট্টনি লামি এবঅ। সেদিন্যে তারা কবাক্কে, আমার গোজেন আমা সমারে নেই বিলিনেই আমা উগুরে এ বেক্‌ দজাগানি এস্যে।

ফগদাং পেইয়্যে 16:1

যেরেদি মুই শুনিলুং, সেই উবোসনা-ঘরত্তুন্ সেই সাতজন স্বর্গদূতোরে একজনে দাঙর্ দাঙর্ গুরি কত্তে, “তুমি যেইনে গোজেনর রাগে ভরা সাত্‌টো কদরা পিত্‌থিমী উগুরে উবোত্ গুরি ঢালি দুয়ো।”