গীতসংহিতা 69:21 - Chakma Bible

²¹ মর্ হানাগানত্ তারা বিষ দুয়োন্ আর পানি তিরেজর্ সময়োত্ দুয়োন সিরকা।

গীতসংহিতা 69:21 ပူးပေါင်းရင်းမြစ်များ

উপদেশক 4:1

বেলান তলেদি যেদক্কানি অত্যেচার্ অয় সিন্দি মুই একবার্ রিনি চেয়োং, অত্যেচার্ ওইয়্যেগুনে কানদন্, মাত্তর্ তারারে বুঝেবার্ কনজন্ নেই। যিগুনে অত্যেচার্ গরন্ তারার্ আঢত্ খেমতা আঘে, মাত্তর্ অত্যেচার্ ওইয়্যেগুনোরে বুঝেবার্ কনজন্ নেই।

যিরমিয় 23:15

“সেনত্তে মুই বেগত্তুন্ খেমতাবলা লগেপ্রভুর ভাববাদীগুনো পৌইদ্যেনে কঙর্, মুই তারারে তিদে হানা আর বিষবলা পানি হাবেম, কিত্তে যিরূশালেমর ভাববাদীগুনো ইত্তুন গোজেন উগুরে ভোক্তিনেইয়্যে বেক্ দেজ্‌চান ছিদি যেইয়্যে‍‍‍‍‍‍‍।”

যিরমিয় 8:14

আমি ইয়েনত্ বুজি আগিই কিত্তে? আঢঅ, আমি এক সমারে দেবাল-ঘিজ্যে শঅরানিত্ ধেই যেইনে সিয়েনত্ ভস্ত ওই, কিত্তে আমার গোজেন লগেপ্রভু আমাত্তেই ভস্তগান ঠিগ্ গুরি রাগেয়্যে আর বিষবলা পানিগান হেবাত্তে দিয়্যে, কিত্তে আমি তা বিরুদ্ধে পাপ গোজ্যেই।

যিরমিয় 9:15

সেনত্তে মুই ইস্রায়েলর গোজেন বেগত্তুন খেমতাবলা লগেপ্রভু এ কধাগান কঙর্, ‘চঅ, মুই এ মানুচ্চুনোরে তিদে হানা আর বিষবলা পানি হেবাত্তে বাধ্য গুরিম।

আবিলেচ্ 1:2

তে রেদোত্ অমকদ কানে, চোগো পানিয়ে তা গালান্ ভিজি যায়। তা লাঙেগুনোত্তুন্ তারে বুঝেবার একজন্‌অ নেই। তা সমাজ্যেগুন বেক্কুনে তা উগুরে কুজুরোমি গোজ্যন্; তারা বেক্কুনে তার শত্রু ওইয়োন্।

আবিলেচ্ 1:9

তা কজরাগানি তা কাবড়ানিত্ বাজি আঘে; তার্ আগাম্ কধানি তে চিদে ন-গরে। তে অমকদ পড়ি যেইয়্যে; তারে বুঝেবার কনজন নেই। তে কত্তে, “ও লগেপ্রভু, মঅ দুঘ্‌কান চাহ্‌‌‌‌, কিত্তে শত্রগুনে জিদি যেইয়োন।”

মথি লেখ্যে গম্ হবর্ 27:48

তারা ভিদিরেত্তুন্ একজনে সেক্কে ধাবা যেইনে সির্কায় ভোজ্যে এক্কো স্পঞ্জ নেযেল আর এক্কো মুগোর মাঢাত্ সিবে লাগেইনে যীশুরে হেবাত্তে দিলো।

মার্ক 15:23

সিয়েনত্ তারা যীশুরে আংগুর-রস লগে এক বাবোত্যে তিদে রস হেবাত্তে দিলাক্, মাত্তর্ তে সিয়েন হেবাত্তে ন-চেলঅ।

মার্ক 15:36

সেক্কে এক্কো মানুচ্ ধাবা যেইনে এক্কো স্পঞ্জত্ সির্কাত্ ভিজেল আর এক্কো মুগোর মাঢাত্ বাজেইনে সিবে যীশুরে হেবাত্তে দিলো। তে কলঅ, “থাগ্, চেই এলিয় তারে লামেই নিবাত্তে এজে না কি।”

লূকে লেখ্যে গম্ হবর্ 23:36

সৈন্যগুনেয়ো তারে ঠাট্টা-মশ্‌কারি গরা ধুরিলাক্। তারা যীশুরে হানা দিবাত্যে তাইধু সির্কা নেযেইনে কলাক্,

দ্বি’লম্বর বিররণ 29:18

তুমি চেই নেযঅ যেনে তমা ভিদিরে এচ্চ্যে এমন্‌ কনঅ মরদ বা মিলে বা কনঅ বংশ বা গুট্টি ন-থান্‌ যিবের্‌ মনান তমার গোজেন লগেপ্রভুরে ফেলেইনে সেই বেক্‌ জাদর দেব-দেবেদাগুনোরে পূজো গুরিবাত্তে আওজী। যুনি সেধোক্ক্যেন কনজন থান্‌ সালে তমা ভিদিরে তে অবদে এমন্‌ এক্কো শিঙর ধোক্ক্যেন যিবে পরেন্দি বিষ ধোক্ক্যেন তিদে গাজ্‌ ওই উদিবো।