গীতসংহিতা 69:20 - Chakma Bible

²⁰ ঈচ্ গরানায় মঅ মনান্ ভাঙি যেইয়্যে, সেনে মুই অমকদ অসুখ্ ওইয়োং। মর্ দুঘে যেন অন্য মানুচ্চুনে দুঘ্‌কান বুঝোন সিয়েনই মুই চেইয়োং, মাত্তর্ মুই সিয়েন ন-পাং। সান্তনা দিবাক্ এবাবোত্যে মানুচ্ মুই চেইয়োং, মাত্তর্ সেবাবোত্যে কনজনরে ন-পেলুং।

গীতসংহিতা 69:20 ပူးပေါင်းရင်းမြစ်များ

ইয়োব 16:2

মুই এবাবোত্যে কধা বোউত্‌ শুন্যং; কি বাবোত্যে দুঘ্‌ দিয়্যে সান্তনাগুরিয়্যে তুমি বেক্কুন!

গীতসংহিতা 123:4

আরামত্ থেইয়্যে মানুচ্চুনোর ফেচ্ কারানিগানি আর বাড়্‌বো গুরিয়্যেগুনোর ঈচ্ গরানা আমা তাল্লোত্ সং লুম্মেগোই।

গীতসংহিতা 142:4

মঅ ডেনেন্দি রিনি চাহ্, মরে চিনোন্ এবাবোত্যে কনজন নেই। মর্ ধেই যেবার কনঅ জাগা নেই; কনজনে মঅ পরাণানত্তে চিদে ন-গরন্।

গীতসংহিতা 42:10

মর্ শত্রুগুনে যেক্কেনে মরে ঠাট্টা গুরিনে বানা কন্দে, “কুদু গেলঅ তর্ গোজেনে?” সেক্কেনে মর্ অবস্থাগান এন্ অয় যেন আড়ুন নিগুজ্ ওই যাদন্।

গীতসংহিতা 42:6

ও মর্ গোজেন, মর্ পরাণান আজা নেইয়্যে ওইনে পোজ্যে; সেনত্তে দঅ মুই যর্দন গাঙর্ গড়াগানত্ থিয়্যেইনে, হর্মোণ মুড়োবোর মাঢাত্ আর মিৎসিয়র মুরোবোত্ থিয়্যেইনে তর্ কধাগান ভাবঙর্।

যিশাইয় 63:5

মুই রিনি চেলুং, মাত্তর্ সাহায্যগুরিয়্যে কাররে ন-পেলুং; মুই আমক্ অলুং, কনজনে মরে সাহায্য ন-গুরিলো। সেনত্তে মুই নিজো খেমতালোই উদ্ধোরর্ কামানি গুরিলুং, আর মঅ রাগ্‌কানে মরে উচ্চোমি দিলো। ‌‍

মথি লেখ্যে গম্ হবর্ 26:56

মাত্তর্ ইয়েনি বেক্কানি ঘুদিলো যেন পবিত্র বোইবোত্ ভাববাদীগুনে যিয়েনি লেখ্যন্ সিয়েনি পূরোণ্ অয়।” শিচ্চ্যগুনে বেক্কুনে সেক্কে যীশুরে ফেলেইনে ধেই গেলাক্।

মার্ক 14:37

ইয়েনর্ পরেদি তে ফিরি এইনে দেগিলো তিনজন শিচ্চ্য ঘুমোত্ পোজ্জ্যন্। তে পিতররে কলঅ, “শিমোন, তুই ঘুম্ যত্তে? এক ঘণ্টায়ো কি জাগি থেই ন-পারিলে?

মার্ক 14:50

সে অক্তত্ শিচ্চ্যগুনে বেক্কুনে তারে ফেলেইনে ধেই গেলাক্।

যোহন 12:27

“মঅ মনান্ ইক্কিনে ওলোজোলো ওইয়্যে। মুই কি এ কধাগান্ কোম্, ‘বাবা, যে সময়বো এচ্চ্যে সে সময়বোত্তুন্ মরে রোক্ষ্যে গর্’? মাত্তর্ ইয়েনত্যে দঅ মুই এ সময়ান সং এচ্চ্যং।

যোহন 16:32

চঅ, সেই সময়ান্ এজের্, এন্‌ কি লুম্মেগি, যেক্কে তুমি দল-নেইয়্যে ওইনে মরে গায় গায় ফেলেইনে যে যার্ জাগাত্ যেবাগোই। তো মুই গায় গায় নয়, কিয়া বাবা মঅ সমারে সমারে আঘে।

ইব্রীয় 11:36

আরঅ অন্যগুনে ঠাট্টা-তামাজা আর ভারী মারপিঠ্, এন্‌ কি, আঢ্‌কড়া আর জেল্ খাদানা সং সোজ্জ্য গোজ্জ্যন্।