গীতসংহিতা 69:13 - Chakma Bible

¹³ মাত্তর্ ও গোজেন, যে সময়োত্ তর দোয়্যে পাহ্ যায় মুই সেই অক্তত্ তইদু তবনা গরঙর্; ও গোজেন, তর্ অমকদ কোচ্‌পানালোই তর্ উদ্ধোর গুরিবার বিশ্বেজ্‌চান্ দেগেইনে মরে জোব্ দে।

গীতসংহিতা 69:13 ပူးပေါင်းရင်းမြစ်များ

পত্থম 24:27

“ধৈন্য লগেপ্রভু, যিবে মর্‌ গিরোজ্‌ অব্রাহামর গোজেন! তে মঅ গিরোজ্‌সোরে তার দিয়্যে কধাগান রাগেবাত্তে আর বিশ্বেজছান্‌ দেগেবাত্তে ভুলি ন-যায়। মরেয়ো তে পথতান্‌ দেগেইনে মর্‌ গিরোজ ভেইবো ঘরত্‌ আন্যে।”

ইষ্টের 5:2

তে রাণী ইষ্টেররে দরবারত্‌ থিয়্যেই থাগদে দেগিনে তা উগুরে হুজি ওইনে তা আঢর্‌ সনার লুদিক্‌কোয়ো তাইন্দি বাবেই দিলো। সেক্কেনে ইষ্টেরে উজেই যেইনে সে লুদিক্‌কোর মাঢাবো ধুরিলো।

ইষ্টের 5:6

আংগুর-রস খাদে খাদে রাজা ইষ্টেররে পুযোর্‌ গুরিলো, “তুই কি চাজ্‌? তরে সিয়েন্‌ দিয়্যে অবঅ। তর্‌ কোজোলিগান কি? যুনি রেজ্যর্‌ অদ্দেক্‌অ অয় সিয়েন্‌অ তরে দিয়্যে অবঅ।”

ইষ্টের 7:2

তারা যেক্কেনে আংগুর-রস খাদন্‌ সেক্কেনে রাজা আরঅ পুযোর্‌ গুরিলো, “রাণী ইষ্টের, তুই কি চাজ্‌? তরে সিয়েনি দিয়্যে অবঅ। তর্‌ কোজোলিগান্‌ কি? যুনি রেজ্যর্‌ অদ্দেক্‌অ অয় সিয়েন্অ তরে দিয়্যে অবঅ।”

গীতসংহিতা 32:6

সেনত্তেই যেদকদিন সুযোগ আঘে সেদকদিন তর্ ভক্তগুনে তইদু তবনা গোরোদোক্; ঘেচ্চেকগুরি, দজা যেক্কেনে বান পানি ধোক্ক্যেন্ দেগা দিবো সেক্কেনে সিয়েন্ তারা ইদু ন-এবঅ।

গীতসংহিতা 51:1

ও গোজেন, তর্ অমকদ কোচ্‌পানাত্তে মঅ উগুরে দোয়্যে গর্; তর্ অমকদ দোয়্যে-মেয়্যেত্তে‌ তঅ উগুরে মর্ বেক্ উল্লোমিগানি ক্ষেমা গর্;

গীতসংহিতা 91:15

তে মরে ডাগিলে মুই তারে শমক্ দিম; দযাত্ মুই তা সমারে থেম্; তারে মুই রোক্ষ্যে গুরিম আর সর্মানর জাগা দিম্।

গীতসংহিতা 98:3

ইস্রায়েল জাদ্‌তুনোত্যে তার অমকদ কোচ্‌পানা আর বিশ্বেজর কধা তে মনত্ রাগেয়্যে; আমা গোজেন উদ্ধোরর্ কামানি পিত্‌থিমীর বেক মানুচ্চুনে দেখ্যন্।

যিশাইয় 49:8

লগেপ্রভু কোইয়্যেদে, “দোয়্যে দেগেবার অক্তত্ মুই তমা তবনাগানির জোব্ দিম আর উদ্ধোর্ পেবার দিনোত্ তরে বল্ দিম। মুই তরে রোক্ষ্যে গুরিম আর তঅ মাধ্যমে মানুচ্চুনোত্তে এক্কান সুদোম্ থিদেবর্ গুরিম, যেনে তুই দেজ অবস্থাগান ফিরেই পারচ্ আর খালি পড়ি থেইয়্যে জাগায়ানি আরঅ মানুচ্চুনোর গজগত্ আনি পারচ্।

যিশাইয় 55:6

লগেপ্রভু কায়কুরে থাগদে তান্দি ফিরো; তে কায়কুরে থাগদে থাগদে তারে ডাগঅ।

আবিলেচ্ 3:63

চাহ্, তারার্ বেক কামানিত্ তারা গান গেই গেই মরে ঠাট্ট-মশ্‌‌‌‌কারি গরন্।

মীখা 7:20

ভালোক্ দিন আগেদি তুই আমা পুরোণি মানুচ্চুনো ইধু যেবাবোত্যে শমক্ হেইয়োচ্ সেবাবোত্যেগুরি তুই অব্রাহাম আর যাকোব বংশগুনো ইধু বিশ্বেজি থেবে আর তর্ গভীন কোচ্‌পানা দেগেবে।

লূকে লেখ্যে গম্ হবর্ 1:72

তে আমা পূরোণি মানুচ্চুনোরে দোয়্যে গুরিবাত্তে আর তার পবিত্র বেবস্থা, অত্তাৎ তা শমথতান্ পূরেবাত্তে আমারে রোক্ষ্যে গোজ্যে।

লূকে লেখ্যে গম্ হবর্ 22:44

মনত্ দুঘে যীশু আরঅ এগামনে তবনা গল্ল। তা কিয়্যের্ ঘাম্ লো ফুদো ধোক্ক্যেন্ ওইনে মাদিত্ পরা ধল্ল।

২ করিন্হীয় 6:2

গোজেনে পবিত্র বোইবোত্ কোইয়্যেদে, “যগাজ্যে গুরি মুই তঅ কধা শুন্ন্যং আর পাপত্তুন্ উদ্ধোর্ পেবার্ দিনোত্ মুই তরে সাহায্য গোজ্জ্যং।” চাহ্, ইক্কিনে যগাজ্জ্যে সময়, এইচ্চ্যে উদ্ধোর্ পেবার্ দিন।

ইব্রীয় 5:7

যিবে তারে মরণ আদত্তুন রোক্ষ্যে গুরি পারিদো সেই গোজেন ইধু যীশু এ জগদত্ থেবার অক্তত্ জোরে রঅ ছাড়িনে কানি কানি কোজোলী গোজ্জ্যে আর ভিক্ষ্যে মাক্যে। তার্ ভোক্তিগান সমারে বাধ্যতা এলঅ বিলিনে গোজেনে তার্ তবনাগান শুন্ন্যে।

১ পিতর 2:23

মান্‌জ্যে তারে যেক্কে অগমান গোজ্জ্যন্ সেক্কে তে তারারে ফিরিনে অগমান ন-গরে, আর দুঘ্ ভুগোনার সময়োত্ হেনা সুজিবার দর্‌‌অ ন-দেগায়, বরং যিবে ন্যায় বিচের গরে তা আঢত্ তে নিজোরে ইরি দিয়্যে।

১ শমূয়েল 25:8

তার কামগুরিয়্যেগুনোরে পুযোর্‌ গুরিলে তে সেই কধাগান জানি পারিবো। সেনত্যেই তে যেনে মর্‌ এই গাবুজ্যেগুনোরে গম্‌চোগে চাই, কিত্যে তারা তার হুজির্ দিনোত্‌ তাইদু এচ্ছোন্। সেনত্যেই তে যিয়েনি পারে সিয়েনিই যেনে তার এই চাগরুনোর আর তার পূঅ দায়ূদোরে দান গরে।”