গীতসংহিতা 68:8 - Chakma Bible

⁸ সেক্কে পিত্‌থিমীগান গির্‌গিরে উঠ্যে আর দেবাবো ঝড় দিয়্যে। ইয়েনি ওইয়্যেদে গোজেনর্ মুজুঙোত, সিনাইয়র সেই গোজেনর মুজুঙোত্, গোজেনর মুজুঙোত্, ইস্রায়েলর গোজেনর মুজুঙোত্।

গীতসংহিতা 68:8 ပူးပေါင်းရင်းမြစ်များ

গীতসংহিতা 114:7

ও পিত্‌থিমীগান, প্রভুর মুজুঙোত, যাকোব গোজেন মুজুঙোত্ গির্‌গিরে উদো।

গীতসংহিতা 41:13

পৌইল্যাত্তুন ধুরি থুম্ সং ইস্রায়েলর গোজেন লগেপ্রভুর বাঈনী ওক্। আমেন, আমেন।

গীতসংহিতা 68:35

ও গোজেন, তর্ পবিত্র জাগানত্ তুই থেলে ভোক্তিবলা দর্‌বুক্ লাগে। ইস্রায়েলর গোজেন তা মানুচ্চুনোর বল্ আর খেমতা দে। গোজেনর বাঈনী ওক্!

গীতসংহিতা 77:18

বোইয়্যের ঝড়ে তর্ দেবা পেরাগ রঅ শুনো গেলঅ, তর্ ঝিমিলেনিলোই পিত্‌থিমীগান পহর্ অলঅ; পিত্‌থিমীগান গিরগিরেল আর টলমল গুরি উদিলো।

যাত্রা 13:18

সেনত্তেই গোজেনে ধূল্যেচর চাগালার্ ভিদিরেদি লোহিত সাগর মোক্কে লোই‌ গেলঅ। ইস্রায়েলীয়গুনে সৈন্যদল ধোক্ক্যেন গুরি মিসর দেজত্তুন্‌ নিগিলি গেলাক্।

যাত্রা 19:16

তিন দিনোত্‌ বেন্যেমাদান্ মেঘ গুজুরো ধুরিলো আর ঝিমিলেনি অলঅ‌ আর মুড়োবো উগুরে এককট্টা ঘন মেঘ দেগা দিলো। ইয়েন বাদেয়ো অমহদ দাঙর দাঙর গুরি শিঙের্ রঅ শুনো গেলঅ। এদক্কানি দেগিনে শুনিনে তাম্বুলো ভিদিরে বেক্‌ মানুচ্চুনে গির্‌গিরেই উদিলাক্।

যাত্রা 19:18

সে পরেন্দি সিনাই মুড়োবো ধূমোলোই নাঢি গেলঅ‌, কিত্তে লগেপ্রভু মুড়োবো উগুরে আগুনো ভিদিরেত্তুন্‌ লামি এলঅ‌। চুলোত্তুন্‌ যেধোক্ক্যেনগুরি ধূমো উদে ঠিগ্ সেধোক্ক্যেন গুরি ধূমো উদো ধুরিলো আর পুরো মুড়োবো অমহদ গুরি গির্‌গিরা ধুরিলো।

যিশাইয় 45:3

মুই তরে আন্ধার জাগাত্ থোইয়্যে ধন-সোম্বোত্তি আর লুগেয়্যে জাগাত থুবেই থোইয়্যে ধন দিম, যেনে তুই হবর্ পাজ্, মুয়ই লগেপ্রভু, ইস্রায়েলর গোজেন, যিবে তঅ নাঙান্ ধুরিনে ডাগে।

যিশাইয় 64:1

আহ্, তুই যুনি আগাজ্‌‌চান ফাদিনে লামি এদে! যুনি মুড়ো-মুড়িগুন তঅ মুজুঙোত্ গির্‌‌গিরেদাক!

যিশাইয় 64:3

আমি যিয়েন আজা ন-গুরিই সেবাবোত্যে দর্ আর ভোক্তি জাগেয়্যে আমক্ কাম্ যেক্কে তুই গোজ্যস্ সেক্কে লামি এচ্চ্যস্ আর মুড়ো-মুড়িগুন তর্ নাঙে গির্‌‌গিরেয়োন।

হবক্‌‌‌‌কূক 3:13

তঅ মানুচ্চুনোরে উদ্ধোর্ গত্তে, তর্ অভিষেগ্ গোজ্যে মানুচ্চোরে রোক্ষ্যে গত্তে তুই নিগিলি এলে। তুই পাজিগুনোর্ দেজর্ নেতাবোরে আঘাত্ গুরিলে, তা দেজ্‌চানরে পুরোপুরি গুরিনে ভস্ত গুরি দিলে।

ইব্রীয় 12:26

সেক্কে গোজেনর্ মুয়ো কধালোই জগদ্‌তানরে লাড়েই দিয়্যে, মাত্তর্ ইক্কিনে তে এ এগেমান্ গোজ্জ্যেদে, “মুই যে বানা আর একবার পিত্‌থিমীগানরে লাড়েম্ সিয়েন নয়, মাত্তর্ আগাজ্‌‌চানরেয়ো লাড়েম।”

ফগদাং পেইয়্যে 11:19

সে পরেদি স্বর্গর উবোসনা ঘরান্ খুলো অলঅ আর সিধু গোজেনর্ বেবস্থা-সিন্দুক্‌কো দেগা গেলঅ। সেক্কে ঝিমিলেনি আর দর্‌গরেপারা রঅ আহ্ দেবা পেরাগ, ভূজোল্ আর জদবদে শিলোঝড় উয়ো ধুরিলো।

বিচের গুরিয়্যেগুন 4:14

সেক্কে দবোরা বারকরে কলদে, “তুই উজেই যাহ্, লগেপ্রভু এচ্ছ্যে সীষরারে তঅ‌ আঢত্‌ তুলি দিলো। লগেপ্রভু দঅ‌ তর্‌ আগে আগে যেইয়্যে।” সেক্কে বারকে তাবোর মুড়োবোত্তুন্‌ তলেন্দি লামিলো আর তা পিজে পিজে দশ আজার মানুচ্‌ গেলাক্‌।