গীতসংহিতা 68:6 - Chakma Bible

⁶ নিজোর বিলিনে যিবের কনজন নেই তারে তে নিজোর গিরির্ মানুচ্ বানায়; বানি থোইয়্যেগুনোরে তে উদ্ধোর্ গুরিনে ভালেদির পধেন্দি নেযায়, মাত্তর্ উল্লোমীগুনে রোদে পুজ্যে ভূইয়োত্ বজত্তি গরন।

গীতসংহিতা 68:6 ပူးပေါင်းရင်းမြစ်များ

গীতসংহিতা 10:14

মাত্তর্ ও গোজেন, দুঘ্-কট্টগানিয়ে তঅ চোগ্‌কুনোরে ফাকি দি নঅ-পারন্; তুই নিজো আঢে ইয়েনর্ বেবস্থা গর্। অসহায়ানে দঅ তঅ আঢত্ নিজোরে তুলি দে; মা-বাপ নেইয়্যেগুনোরে তুই সাহায্য গুরি থাচ্।

গীতসংহিতা 107:10

তারা আন্ধারত্, ঘুর্‌গুজ্যে আন্ধারত্ বোই এলাক্, সেই বন্ধীগুনে দুঘে আর লুয়োর্ শিগোলে দুঘ্ পাদন্;

গীতসংহিতা 107:14

আন্ধার আর মরণ মুয়োত্তুন্ তে তারারে নিগিলেই আনিলো; তে তারার শিগোলানি ভাঙি দিলো।

গীতসংহিতা 107:34

আর ফসল জর্মেয়্যে ভূইয়ানিরে গরে নুনো খলা। যিগুনে সিদু বজত্তি গরন তারার পাজিগানির কারনে তে ইয়েনি গরে।

গীতসংহিতা 113:9

তে ভাজ্ মিলেগুনোরে পুয়ো-ঝিগুনোর হুজি অইদে মা বানায় সংসারর পুরো অধিকারান্ দে। লগেপ্রভুরে নাঙ্ গিনে ওক্।

গীতসংহিতা 146:7

তে অত্যেচারিগুনোর তপ্পে দোল্ বিচের গরে আর যিগুনোর পেট্‌পরা আঘে তারারে হানা দে; লগেপ্রভু বন্দিগুনোরে উদ্ধোর্ গরে।

গীতসংহিতা 69:33

লগেপ্রভু নাদামানুচ্চুনোর্ কধানি শুনে; তা মানুচ্চুন, যিগুনে বন্দীদজাত্ আগন্, তারারে তে বেঙা চোগেন্দি ন-চায়।

গম্ উপদেজ্ 23:11

কিত্তে তারার্ উদ্ধোর্ গুরিয়্যেবো খেমতাবলা; তে তঅ বিরুদ্ধে মগদ্দমাত্ কুদুম্মো ইজেবে তারার তপ্পে নিবো।

যিশাইয় 61:1

প্রভু লগেপ্রভুর আত্মাগান মঅ উগুরে আঘে, কিত্তে তে মরে নেযেয়্যে যেন মুই নাঢা মানুচ্চুনো ইদু গম্ হবর্ কুয়োই দুয়োং। তে মরে পাদেয়্যেদে যেন মুই মানুচ্চুনোর ভাঙা মনানি জড়া দি পারং আর বন্দীগুনো ইদু স্বাধীনতা আর জেলোত্ পুরিয়্যেগুনো ইদু উদ্ধোর্ অনা ফগদাং গুরি পারং;

হোশেয় 2:3

আঃ ন-অলে মুই তারে লাংটা-বাংটা গুরি দিম আর তে তার্ জর্ম দিনোত্ যেবাবোত্যে লাংটা-বাংটা এলঅ সেবাবোত্যে গুরিম। মুই তারে ধূল্যেচর-চাগালা ধোক্ক্যেন গুরিম, উগুজ্যে ভূইয়ো ধোক্ক্যেন গুরি দিম আর পানি তিরেজে তারে মারে ফেলেম।

প্রেরিত্‌ 16:26

এমন্ সময়োত্ আদিক্ক্যেগুরি এক্কো অমকদ ভূজোল্ বেলঅ্ আর সিয়েন্দোই জেল্‌খানার্ গড়াগান্ সং গির্‌গিরেই উদিলো। আর সেলক্কে জেল্‌খানার্ বেক্‌ দুয়োরানি আর বন্দীগুনোর্ শিগোলানি খুলি গেলঅ।

গালাতীয় 4:27

পবিত্র বোইবোত্ লেগা আঘে, “ও ভান্ন্যেই মিলেবো, যিবের্ কনদিন্অ পুয়ো-ছা ন-অয়, তুই হুজিয়ে গীদ্ গাহ্; তুই, যিবের্ কনদিন্অ পুয়ো ফুদোইদ্যে ধোক্ক্যেন পীড়ে ন-অয়, তুই গানে দুলি পড়্, হুজিয়ে রঅ ছাড়্; কিয়া যিবের্ নেক্ আঘে তাত্তুন্ বেশ্ যিবের কনজন নেই তার্ পুয়ো-ছা বোউত্ বেশ্ অবাক্।”

দ্বি’লম্বর বিররণ 10:18

নাদা আর রানীমিলেগুনোর্‌ দাবীগানি তে রোক্ষ্যে গরে আর তমা ভিদিরে বজত্তি গুরিয়্যে বিদেশীগুনোরে খানা উরোনা দিইনে তার্‌ কোচ্‌পানাগান দেগায়। তে তারারে হেবাত্তে উরিবাত্তে দে।

১ শমূয়েল 2:5

যিগুনোর পেট্‌তুন ভরা এলাক্ তারা খানাত্যে ইক্কিনে অন্যগুনোর্ কাম্‌ গত্তন; মাত্তর্‌ যিগুনোর পেট্‌ পুরের্‌ তারার পেট্‌ পুরোনা কাদে যেয়েগোই। যে ভাজ্‌ এলঅ তে সাত্তো পূঅর মা ওইয়্যে, মাত্তর্‌ যিবের ভালোক্কুন পূঅ তে ইক্কিনে বল্‌পোজ্যে, ঝি-পূঅর জর্ম দি ন-পারে।