গীতসংহিতা 68:4 - Chakma Bible

⁴ গোজেনর নাঙে গীদ্ গঅ, তার নাঙ্ গিনেদে-গীদ্ গঅ; ধূল্যেচর-চাগালান্দি যিবে রদথ্ চড়িনে এজের্ তাত্তে অজল্ পথ যুক্কোল্ গরঅ; তা নাঙান্ লগেপ্রভু, তা মুজুঙোত্ ফুত্তি গরঅ।

গীতসংহিতা 68:4 ပူးပေါင်းရင်းမြစ်များ

গীতসংহিতা 104:3

তর্ স্বর্গর থেবার জাগানর গড়াগান্ তুই দেবাবো পানিগান উগুরে থিদেবর্ গোজ্যস্; তুই মেঘ্‌কানরে গোজ্যস্ তর্ রথ; তুই বোইয়্যের ডুয়োগানিলোই ভর্ গুরিনে আঢাউদো গরচ্।

গীতসংহিতা 16:11

জিংকানির পথ্‌তান্ তুই মরে জানেয়োচ্; তইদু থানা মানে পুরোপুরি হুজিয়ে থানা আর তর্ ডেনেদি রোইয়্যেদে উমরর্ সুখ।

গীতসংহিতা 18:10

তে করূবোত্ চড়িনে উড়ি এলঅ, উড়ি এলদে বোইয়্যের ডুয়োলোই ভর্ গুরিনে।

গীতসংহিতা 5:12

ও লগেপ্রভু, যিগুনে তর্ ভক্ত তারা উগুরে হামাক্কাই তর্ আশিদ্‌বাদ আঘে; তঅ দোয়্যেলোই তুই তারারে ঢাল ধোক্ক্যেন্ গুরি ঘিরি রাগেয়োচ্।

গীতসংহিতা 66:2

তার বাঈনী-গীদ্ গঅ; তারে যগাজ্যে নাঙ্ গিনিবার্ দান গরঅ।

গীতসংহিতা 66:4

দুনিয়ের বেক্ মানুচ্চুনে তরে তর্ যগাজ্যে সর্মান দিবাক্; তর্ নাঙে তারা নাঙ্ গিনেদে-গীদ্ গেবাক্; তারা তর্ নাঙ্ গিনেদে গীদ্ গেবাক্।”

গীতসংহিতা 67:4

জাদ্‌তুনে হুজি ওদোক্ আর হুজির-গীদ্ গাদোক্, কিত্তেই তুই গমেডালে জাদ্‌তুনোর বিচের গুরিবে আর এ পিত্‌থিমীত বেক জাদ্‌তুনোরে পরিচালনা গুরিবে।

গীতসংহিতা 68:33

তে সেই পুরোণ দিনোর আগাজ ভিদিরেন্দি রদথ্ চড়িনে আঢা-উদো গরে। শুন, তে রঅ ছাড়িনে কধা কর্।

গীতসংহিতা 83:18

তারা যেন হবর্ পান, তঅ নাঙান লগেপ্রভু, অয়, বানা তুয়ই গোদা দুনিয়াগানর দাঙর্ গোজেন।

গীতসংহিতা 97:11

গোজেন ভক্তগুনোর্ জিংকানিত পহর্ দিয়্যে অয়, আর যিগুনোর মনানি দোল্ তারার জিংকানিত্ হুজি দিয়্যে অয়।

যাত্রা 3:14

গোজেনে মোশিরে কলঅ, যিবে মুই আগং মুয়ই তে। তুই ইস্রায়েলীয়গুনোরে কবেদে, মুই আগং তমাইধু তারে পাদেইয়্যে।

যাত্রা 6:3

বেগত্তুন্‌ খেমতাবলা গোজেন ইজেবে মুই অব্রাহাম, ইস্‌হাক আর যাকোবরে দেগা দিদুং, মাত্তর্‌ লগেপ্রভু ইজেবে মুই যে কন্না, সিয়েন্‌ তারা ইধু ফগদাঙ্‌ ন-গুরিদুঙ্‌।

যাত্রা 6:8

যে দেজ্‌চান্‌ দিবার শমক্‌ মুই অব্রাহাম, ইস্‌হাক আর যাকোব ইধু গোজ্যং সে দেজ্‌চানত্‌ মুই তমারে নেযেম আর সে দেজ্‌চানর্‌ অধিকারান্‌ মুই তমারে দিম। মুয়ই লগেপ্রভু।’ ”

গম্ উপদেজ্ 10:28

গোজেন ভক্তগুনোর্ আজাগানিত্ ফুত্তি আঘে, মাত্তর্ পাজিগুনোর আজাগানিত্ ছেই পুরিবো।

যিশাইয় 19:1

মিসর দেজ্‌ছান পৌইদ্যেনে লগেপ্রভুর কধা ইয়েন:‌‌ চঅ, লগেপ্রভু এক্কান যাদিমাদি যাইদে মেঘত্ গুরিনে মিসর দেজত্ এজের্। তা মুজুঙোত্ মিসর মূত্তিগুন্ গির্‌গিরেবাক্, আর মিসরীয়গুনো মনত্ সাহস ন-থেবঅ।‌‌

যিশাইয় 40:3

একজনর রঅ দাঙর্ গুরি ফগদাং গরের্, “তুমি ধূল্যেচর চাগালাত্ লগেপ্রভুর পথ্‌তান ঠিগ্ গরঅ;‍‍ ধূল্যেচরত্ আমা গোজেনত্তে এক্কান পথ্ সোজা গরঅ।

যিশাইয় 62:10

তুমি উজেই যঅ, গেদো ভিদিরেদি উজেই যঅ, মানুচ্চুনোত্তে পথ যুক্কোল্ গরঅ। তুমি রাজপথ যুক্কোল্ গরঅ, যুক্কোল্ গরঅ। বেক্ পাত্তরুন সোরেই দুয়ো; জাদ্‌‌তুনোত্তে এক্কান বাবতা তুলো।‌

দ্বি’লম্বর বিররণ 33:26

তে কোইয়্যেদে, “যিশুরূণর গোজেন ধোক্ক্যেন আর কনজন নেই। তর্‌ সাহায্যকারী অবাত্তে মেঘঅ উগুরে চড়িনে নিজোর মহিমায় তে আগাজ-পদেন্দি যায়।