গীতসংহিতা 68:30 - Chakma Bible

³⁰ তারার আন্যে রূবোর কট্টানি ঠেঙোই দুলিনে খাগাড়াবন ঝার্‌বো য়েমান ধোক্ক্যেন সেই মিসররে তুই ধমক্ দে; ধমক্ দে গোরু ছঅ আর বলদ দল ধোক্ক্যেন সেই জাদ্‌তুনোরে। যিদুক্কুন জাদে যুদ্ধো গম পান গোজেনে তারার দলুন্ ভাঙি দিয়্যে।

গীতসংহিতা 68:30 ပူးပေါင်းရင်းမြစ်များ

২ বংশধর 9:14

ইগুনে বাদেয়ো বণিক আর বেপারীগুনে সোনা আনিদাক্‌ আর আরবর বেক্‌ রাজাগুনে আর দেজর্‌ শাজন্‌গুরিয়্যেগুনে শলোমন ইদু সোনা আর রূবো আনিদাক্‌।

২ বংশধর 9:24

যিগুনে এদাক্‌ তারা পত্তিজনে কিজু না কিজু বক্‌শিজ্‌ আনিদাক্‌। সিয়েনি ভিদিরে এলদে সোনা-রূবোর্‌ পিলে, কাবড়-চুগোড়, আত্যের্‌, তুম্বাজ্‌ মজলা, ঘোড়া আর খচ্চর। বজরর্‌ পর বজর এ বাবোত্যে চলিদো।

ইয়োব 40:21

বাব্‌লা গাজ তলে পুরি থায়; পানিজাগার নলবন ভিদিরে তে লুগি থায়।

গীতসংহিতা 120:7

মুই সুগ্-শান্দিরে গম্ পাং, মাত্তর্ যেক্কেনে মুই সুগ্-শান্দি কধা কং সেক্কেনে তারা যুদ্ধো গুরিবাত্তে চান্।

গীতসংহিতা 18:44

মঅ কধানি শুনিলে তারা মঅ অধিনতা স্বীগের্ গরন্; উল্লোমি মনভাব্‌পোই বিদেশিগুনে মর্ বাধ্য অন্।

গীতসংহিতা 2:12

তুমি সেই পুয়োবোরে সর্মান দেগেইনে চুমো, যেনে তে তমা উগুরে বেজার্ ন-অয় আর আঢি যাদে তুমি ভস্ত ওই ন-যঅ; কিত্যে চোগো মুজুঙোত্ তা রাগ্‌কান জুলি উদি পারে। বর্ পেইয়্যে সিগুন, যিগুনে তাইদু আশ্রয় নেযান।

গীতসংহিতা 72:10

তর্শীশ আর দ্বিব্‌পুনোর রাজাগুনে তারে খাজানা দেদোক্; শিবা আর সবা দেজর রাজাগুনেয়ো তার পাইদ্যে বক্‌শিজ্‌ছান তারে দেদোক্।

গীতসংহিতা 89:10

তুই রহবরে কট্টা কট্টা গুরি মারে ফেলেয়্যে মান্‌জ্য ধোক্ক্যেন গোজ্যস্; তর্ দরমর আঢ্‌তোই তর্ শত্রুগুনোরে তুই ছিদি দুয়োচ্।

যিশাইয় 34:7

সিগুনো লগে ঝার গোরু, বলদ গোরু আর দাঙর্ দাঙর্ গোরু কাবা অবঅ। তারা দেজ্‌ছান লো-লোই ভিজি যেবঅ, আর তেলানি ধূল্যেলোই নাঢা যেবঅ।‌

যিরমিয় 50:11

ও বাবিলীয়গুন, তুমি মর্ অধিকারান লুদেয়ো আর সিয়েন্দোই ফুত্তি গরর্, হুজি অর্। তুমি শোজ্য মারন্দে গোরু ধোক্ক্যেন্ নাজানাজি গরর্ আর তেজী ঘোড়া ধোক্ক্যেন্ ডাগর্;

যিহিষ্কেল 29:3

প্রভু লগেপ্রভু কোইয়্যেদে, ও মিসরর রাজা ফরৌণ, মুই তর্ বিপক্ষে। তুই নিজো গাঙ্ ভিদিরে পড়ি থেইয়্যে সেই দাঙর্ কুমোর্‌বো। তুই কোই থাচ্, নীল্ গাঙান্ তর্ আর তুই নিজোত্তে সিয়েন বানেয়োচ্।

সখরিয় 8:22

মর্ উবোসনা গুরিবাত্তে আর মর্ আশীদ্‌‌‌‌বাদ চেবাত্তে বোউত্ মান্‌‌‌‌জ্যে আর খেমতাবলা জাদত্তুন্ যিরূশালেমত্ এবাক্।

রোমীয় 7:22

মঅ মনানে গোজেনর্ রীতি-সুদোমে হুজি অয়;

যাকোব 4:1

তমা ভিদিরে কোল্-কোজ্যে আর মারামারি কুত্তুন্ এজে? যেদক্কানি কামনা-বাসনা তমা কিয়্যে ভিদিরে যুদ্ধো গরে সে ভিদিরেত্তুন্ কি সিয়েনি নিগিলি ন-এজে?