গীতসংহিতা 68:25 - Chakma Bible

²⁵ পত্তমে যাদন্ গীদ্ গেইয়্যেগুনে, তারার্ পিজেন্দি যাদন বাজনা বাজেয়্যেগুনে; ঝোন্‌যোনি-বাজেয়্যে মিলেগুনোর সংমধ্যে তারা যাদন্।

গীতসংহিতা 68:25 ပူးပေါင်းရင်းမြစ်များ

১ বংশধর 13:8

দায়ূদ আর বেক্‌ ইস্রায়েলীয়গুনে লগেপ্রভুর মুজুঙোত্‌ তারার্‌ বেক্‌ বলান্‌ দিইনে নাজি নাজি গান গেইয়োন্‌ আর সুরবাহার, বীণা, খঞ্জনী, করতাল আর তূরী বাজেয়োন।

গীতসংহিতা 63:3

তর্ অমকদ কোচ্‌পানা পানাগান্ বাঁজি থানাত্তুন্‌অ বেশ্ গম; মর্ মুয়োনে তর্ বাঈনী গুরিবো।

গীতসংহিতা 77:14

তুয়ই সেই গোজেন যিবে আমক্ অবার্ কামানি গুরি থাচ্; বেক্ জাদ্‌তুনো ইদু তর্ খেমতার পরিচয় তুই দুয়োচ্।

গীতসংহিতা 87:7

যিগুনে গান গেবাক্ আর যিগুনে নাজিবাক্ তারা কবাক্, “মর্ বেক রংগ-ফুত্তির আওজ্‌ছান তইদু।”

যাত্রা 15:20

হারোণর বোন্নো মরিয়মে এলদে এক্কো মিলে-নবী। তে চিগোন্‌ ঢুল্‌ আঢত্‌ নেযেল, আর তার্‌ পিজে পিজে অন্য মিলেগুনেয়ো চিগোন্‌ ঢুল্‌ আঢত্‌ নেযেনে নাচ্যে নাচ্যে নিগিলি এলাক্‌।

যিরমিয় 31:13

গাবুজ্যে মিলেগুনে নাজিবাক্ আর ফুত্তি গুরিবাক্, গাবুজ্যে আর বুড়ো মানুচ্চুনেয়ো বাদ ন-যেবাক্। মুই তারার মনত্ দুঘ্‌কান হুজি ইজেবে বুদুলি দিম‍; দুঘোর্ বদলে মুই তারারে দিম মনসুখ্ আর হুজি।

যিরমিয় 31:4

ইক্কিনে তে কোইয়্যেদে, “ও গাবুরী ইস্রায়েল, মুই তরে আরঅ শিগেইনে তুলিম, সেক্কে তুই আরঅ কাবিল্ ওই উদিবে। তুই আরঅ তর্ ঝোন্‌‌‌ঝোনি নিবে আর ফুত্তিগুরিয়্যেনোর লগে নাজিবাত্তে যেবে।

বিচের গুরিয়্যেগুন 11:34

যিপ্তহ যেক্কে মিস্পাতদ্‌ নিজো ঘরত্‌ ফিরি এলঅ সেক্কে যে তারে আগ্‌বারেই নিবাত্তে এলঅ তে অলদে তা নিজোর্‌ ঝিবো। তে ঝোঞ্জনীর্‌ তালে তালে নাজি নাজি এজের্‌। তে অলদে যিপ্তহর বানা এক্কো ঝি, আর এ ঝিবো বাদে তার অন্য কনঅ পূঅ বা ঝি ন-এলঅ।

১ শমূয়েল 18:6

দায়ূদে সেই পলেষ্টীয় গলিয়াত্‌রে মারে ফেলানার পরেন্দি মানুচ্চুনে যেক্কে ঘরত্‌ ফিরি এত্তন্‌ সেক্কে ইস্রায়েলর বেক্‌ আদাম আর শঅরানিত্তুন্‌ মিলেগুনে নাজি নাজি হুজির্‌ গান গেইনে আর ঝোন্‌‌ঝোনী আহ্‌ তিনতারা বাজাদে বাজাদে রাজা শৌলরে ভালেদি জানেবাত্তে নিগিলি এলাক্।