গীতসংহিতা 68:21 - Chakma Bible

²¹ গোজেনে ঘেচ্চেক্‌গুরি তার শত্রুগুনোর মাদাগুন নিগুজ্ গুরি দিবো; যিগুনে পাপ পদথ্ থান সিগুন চুল্লোই ভরা মাদাগুন্ তে গুরি গুরি দিবো।

গীতসংহিতা 68:21 ပူးပေါင်းရင်းမြစ်များ

গীতসংহিতা 110:6

তে নানান্ জাদর্ বিচের গুরিনে রায় দিবো; তে পিত্‌থিমীগানরে মরা মান্‌জ্যলোই ভরেই দিবো; তে পিত্‌থিমীর বেক শত্রুগুনোর মাধাগুন গুড়ি গুরিবো।

গীতসংহিতা 55:23

মাত্তর্ ও গোজেন, তুই খুনি আর ছলনাগুরিয়্যেগুনোরে মরণর জাগাত ফেলেই দিবে, আর সিয়েন গুরিবাদে তারার আয়ুর অদ্দেক্ শেজ্ অবার আগেন্দি; মাত্তর্ মুই তঅ উগুরে বিশ্বেজ্ গুরিম।

গীতসংহিতা 68:18

যেক্কে তুই স্বর্গত উদিলে সেক্কে উদি যেইয়্যে বন্দিগুনোরে চালেই নেযেয়োচ্। মানুচ্চুনোর ভিদিরে, এমন কি, উল্লোমিগুনোর ইদু থাগদে তইদু বোউত্ দান এচ্চ্যে, যেনে তুই, ও লগেপ্রভু গোজেন, তারা ইদু থেই পারচ্।

গীতসংহিতা 7:12

অন্যেয়গুরিয়েবো যুনি ন-ফিরে সালে তে তার্ লাম্বা ছুড়িগান ধারেব আর তার্ ধনুগান লোঙেনে ঠিগ্ গুরি নেযেব।

গীতসংহিতা 91:3

তে তরে শিগেরিগুনোর ফালত্তুন্ আর মরেদে ভানা (সাজুরেদে পীড়ে) আঢত্তুন্ রোক্ষ্যে গুরিবো।

যাত্রা 14:13

মোশি তারারে কলঅ‌, “ন-দোরেয়ো। তুমি যিয়োত্‌ আগঅ‌ সিয়োদোই‌ থাগঅ আর লগেপ্রভুর উদ্ধোর্‌ গুরিবার্‌ কামান্‌ একবার্‌ চঅ। তে এইচ্যে তমাত্যে সিয়েন্‌ গুরিবো। যে মিসরীয়গুনোরে এইচ্যে তুমি দেগর্‌ ইয়েনর্ পরেদি তারারে আর কনদিন্‌‌অ ন-দেগিবা।

যিশাইয় 12:2

ঘেচ্চেক্‌গুরি, গোজেনে মর্ উদ্ধোরগুরিয়্যে; মুই তা উগুরে বিশ্বেজ্ গুরিম, ন-দোরেম্। লগেপ্রভু, লগেপ্রভু মর্ বল্ আর মর্ গান; তেয়ই মর্ উদ্ধোরগুরিয়্যে ওইয়্যে।”

হবক্‌‌‌‌কূক 3:13

তঅ মানুচ্চুনোরে উদ্ধোর্ গত্তে, তর্ অভিষেগ্ গোজ্যে মানুচ্চোরে রোক্ষ্যে গত্তে তুই নিগিলি এলে। তুই পাজিগুনোর্ দেজর্ নেতাবোরে আঘাত্ গুরিলে, তা দেজ্‌চানরে পুরোপুরি গুরিনে ভস্ত গুরি দিলে।

মার্ক 12:4

পরেদি গিরোজ্‌সো আর এক্কো চাগররে তারা ইধু পাধেই দিলাক্। চাষাবলাগুনে তা মাঢাবোত্ আঘাত্ গুরিলাক্ আর তা লগে অমকদ ভান্ন্যেই বেবহার গুরিলাক্।

লূকে লেখ্যে গম্ হবর্ 13:5

মুই তমারে কঙর্, সিয়েন নয়; মাত্তর্ পাপত্তুন্ মনানি ন-ফিরেলে তুমিয়ো বেক্কুনে ভস্ত অবা।”

ইব্রীয় 12:25

উজিয়ার্! যিবে কধা কর্ তা কধানি এলাফেলা ন-গোজ্জ্য। মোশি গোজেনর্ উজিয়ার কধা পিত্‌থিমীত্ জানানার্ পরেদি মানুচ্চুনে তা কধানি এলাফেলা গোজ্জ্যন বিলিনে যেক্কে খেমা ন-পান্, সেক্কে যিবে স্বর্গত্তুন্ আমারে উজিয়ার্ গরের্ তা কধানি এলাফেলা গুরিলে আমি যে কনঅ বাবদে খেমা ন-পেবং সিয়েনত্ কনঅ সন্দেহ নেই।