গীতসংহিতা 68:20 - Chakma Bible

²⁰ আমা গোজেনে এবাবোত্যে গোজেন যিবে উদ্ধোর্ গরে; প্রভু লগেপ্রভু মরণত্তুন্ রোক্ক্যে গরে।

গীতসংহিতা 68:20 ပူးပေါင်းရင်းမြစ်များ

গীতসংহিতা 56:13

কিত্তেই মরণত্তুন তুই মঅ পরাণান রোক্ক্যে গোজ্যস্ আর পড়ানাত্তুন্ মরে বাজেয়োচ্, যেনে জিংকানির পহ্‌রলোই মুই গোজেন মুজুঙোত্ আঢা-উদো গুরি পারং।

যাত্রা 15:2

লগেপ্রভুই মর্‌ বল্‌, তেয়ই মর্‌ গীদ্; মর্‌ উদ্ধোরান্ তা ভিদিরে আঘে। লগেপ্রভুই‌ মর্‌ গোজেন; মুই‌ তাঁরই‌ বাঈনী গরেদে-গীদ্ গেইম্। তে মর্‌ বাবার্‌ গোজেন; মুই তাঁর মহিমার্ গীদ্ গেইম্‌।

গম্ উপদেজ্ 4:23

বেক্কানিত্তুন্ তঅ মনানরে বেশ্ চুগি দিইনে রাগেচ্, কিত্তে মনত্তুন্ তঅ জিংকানিগানর বেক্কানি নিগিলি এজে।

যিশাইয় 12:2

ঘেচ্চেক্‌গুরি, গোজেনে মর্ উদ্ধোরগুরিয়্যে; মুই তা উগুরে বিশ্বেজ্ গুরিম, ন-দোরেম্। লগেপ্রভু, লগেপ্রভু মর্ বল্ আর মর্ গান; তেয়ই মর্ উদ্ধোরগুরিয়্যে ওইয়্যে।”

হোশেয় 1:7

মাত্তর্ যিহূদার মানুচ্চুনোরে দোয়্যে গুরিম আর তারারে উদ্ধোর্ গুরিম। সেই উদ্ধোর ধনুগান, লাম্বা ছুরিগান্ বা যুদ্ধো বা ঘোড়াবলা দিইনে ন-অবঅ, বরং মুই তারার্ গোজেন লগেপ্রভু তারারে উদ্ধোর্ গুরিম।”

যোহন 4:22

তুমি যিবেরে ন-চিনো সিবের্ উবোসনা গুরি থাগঅ, মাত্তর্ আমি যিবেরে জানিই তার্ উবোসনা গুরিই, কিয়া পাপত্তুন্ উদ্ধোর্ পেবার্ পথ যিহূদীগুনোর্ মাধ্যমে এচ্চ্যে।

যোহন 5:21

বাপ্পো যেবাবোত্যেগুরি মরাগুনোরে জিংকানি দিইনে তুলে ঠিগ্ সেবাবোত্যেগুরি পুয়োবোয়ো যিবেরে আয়োচ্ গরে তারে জিংকানি দে।

যোহন 5:23

যেন বাবরে যেবাবোত্যেগুরি বেক্কুনে সর্মান গরন্ সেবাবোত্যেগুরি পুয়োবোরেয়ো সর্মান গরন্। পুয়োবোরে যে সর্মান ন-গরে, যে তারে দিপাধেয়্যে সেই বাপ্পোরেয়ো তে সর্মান ন-গরে।

দ্বি’লম্বর বিররণ 32:39

এবেরা তুমি চিদে গুরি চঅ, মুয়ই সিবে; মুই বাদে আর কনঅ গোজেন নেই। মরানা-বাজানা মরই আদত্‌, মুই আঘাত গোজ্যং, মুয়ই গম্‌ গুরিম; মঅ আদত্তুন বাঁজেই পারন্‌ এধোক্ক্যেন কনঅ জন নেই।

ফগদাং পেইয়্যে 1:18

মুয়ই উমরত্যে জেদা। মুই মোজ্জ্যং আর চঅ, ইক্কিনে মুই যুগ যুগ ধুরিনে উমরত্যে জেদা আঘং। মইধু মরণান্ আর মরণ জাগার চাবি আঘে।

ফগদাং পেইয়্যে 20:1

ইয়েন পরেদি মুই এক্কো স্বর্গদূতোরে স্বর্গত্তুন্ লামি এত্তে দেগিলুং। তা আঢত্ এলদে সেই সুরুঙো গাঢ্‌তোর্ চাবি আর এক্কান দাঙর্ শিগোল।

১ শমূয়েল 2:6

লগেপ্রভুই মারে ফেলে পারে আর লগেপ্রভুই বাঁজেই পারে; তেয়ই মরেদে জাগাত্‌ লামায় আর তেয়ই সিয়োত্তুন্ তুলে