গীতসংহিতা 68:19 - Chakma Bible

¹⁹ ধন্য প্রভু, তে পত্তিদিন আমা ভারানি বুয়োর্; তেয়ই আমার উদ্ধোর্ গুরিয়্যে গোজেন।

গীতসংহিতা 68:19 ပူးပေါင်းရင်းမြစ်များ

গীতসংহিতা 139:17

ও গোজেন, তর্ এ সল্লাগানি মইদু কত্তমান্ মংগা! সিয়েনি বজমান্।

গীতসংহিতা 32:7

তুয়ই মর্ পৌল্যেই থেবার জাগা। তুই মরে দুঘোত্তুন্ রোক্ষ্যে গোজ্যস্। উদ্ধোরর হুজিয়ে-গানে তুয়ই মরে ঘিরি রাগেয়োচ্।

গীতসংহিতা 55:22

তর্ বেক্ কামানি তুই লগেপ্রভুর উগুরে ফেলেই দে, তেয়ই তর্ বেবস্থা গুরিবো; তা ভক্তগুনোরে তে কনদিন্‌অ তলে পরিবাত্তে ন দিবো।

গীতসংহিতা 65:5

ও আমার উদ্ধোর্ গুরিয়্যে গোজেন, তর্ ন্যায্য ভোক্তিবলা দর্‌বুক লাগাইদ্যে কাম্বোই তুই আমা ডাগনিলোই শমক্ দিবে। পিত্‌থিমীর বেক্ মানুচ্চুন, এমন কি, বেগত্তুন দূরোত্ আর দূরো গাঙ পাড়র মানুচ্চুনেয়ো তঅ উগুরে বিশ্বেজ্ গরন।

যিশাইয় 46:4

তমার বুড়ো বয়স সং মুই এক্কুই থেম্; তমা চুলান্ পাগিবার বয়স সং তমা ভারান্ বুয়োই দিম। মুয়ই তমারে বানেয়োং, মুয়ই তমা ভারান বুয়োম্; মুয়ই তমারে বুয়োম্ আর রোক্ষ্যে গুরিম।

আবিলেচ্ 3:23

পত্তিদিন বেন্যেমাদান্ সিয়েন নুয়ো ওইনে দেগা দে; তার বিশ্বেজ্‌চান দাঙর্।

ইফিষীয় 1:3

আমা প্রভু যীশু খ্রীষ্টর্ বাপ্পো আর গোজেনর্ বাঈনী ওক্। আমি খ্রীষ্ট সমারে মিজেয়্যেই বিলি স্বর্গর্ পত্তি আত্মিক আশিদ্‌‌বাদ গোজেনে আমারে দান গোজ্জ্যে।