গীতসংহিতা 68:17 - Chakma Bible

¹⁷ গোজেনর্ রথ আজার আজার, লাখ্ লাখ্; প্রভু সিয়েনির ভিদিরে পবিত্র জাগানত্ আঘে, যেধোক্ক্যেন তে সিনাই মুড়োবোত্ এলঅ।

গীতসংহিতা 68:17 ပူးပေါင်းရင်းမြစ်များ

২ রাজাবলী 2:11

তারা কধা কদে কদে আদদন্‌ এন্‌ সময়োত্‌ অদাদৎ এক্কান্‌ আগুনো রথ আর আগুনোর কয়েক্কো ঘোড়া এইনে তারার্‌ দ্বিজনরে ফারগ্ গুরি দিলো আর এলিয় এক্কান্‌ থুট্ট্যেবোইয়্যেরলোই স্বর্গত্‌ গেলগোই।

গীতসংহিতা 18:10

তে করূবোত্ চড়িনে উড়ি এলঅ, উড়ি এলদে বোইয়্যের ডুয়োলোই ভর্ গুরিনে।

গীতসংহিতা 9:12

কিয়া যিবে লো ঝরানার্ হেনা সুজে তে মারে ফেলেয়্যে মানুচ্চুনোরে ভুলি ন-যায়, দুঘি মানুচ্চুনোর্ কানানিগানি তে এলাফেলা ন-গরে।

যাত্রা 3:5

লগেপ্রভু কলঅ, “আর কায়-কুরে ন-এইচ্‌। তুই পবিত্র জাগানত্ ঠিয়্যেই আগচ্‌। তঅ টেঙর্‌ জদানি খুলি ফেলা।

যিশাইয় 2:2

শেজ্‌কালত্ বেক মুড়োমুড়িগুনো ভিদিরেত্তুন্ সেই মুড়োবোরে বেগত্তুন্ অজলত্ তুলো অবঅ যিয়েনত্ লগেপ্রভুর্ ঘর্ আঘে। চিগোন চিগোন মুড়োগুনোত্তুন্ সিবেরে অজলত্ তুলো অবঅ, আর বেক্ জাদ্‌তুনে পানি গঙার ধোক্ক্যেন তান্দি যেবাক্।

যিহিষ্কেল 43:7

তে কলঅ, ও মানজ্যর্ পুয়োবো, ইয়েন মর্ সিংহাসনর্ জাগা আর মর্ টেঙ্ রাগেবার জাগা। মুই ইধু ইস্রায়েলীয়গুনো ভিদিরে উমর সং বজত্তি গুরিম। ইস্রায়েলীয়গুনে আর কনদিন্‌অ মর্ পবিত্র নাঙান্ কলংকিত ন-গুরিবাক্। তারার্ বা তারার্ রাজাগুনোর্ মূত্তিপূজোলোই আর পূজোর্ অজল্ জাগানত্ তারার্ রাজাগুনোর মরাকিয়্যেনি নেযানালোই মঅ নাঙান্ কলংকিত ন-গুরিবাক্।

যিহিষ্কেল 43:9

ইক্কিনে তারা মত্তুন্ তারার মূত্তি পূজোগুন আর তারার্ রাজাগুনোর মরাকিয়্যেনি দূর্ গোরোদোক্; সেক্কে মুই উমর সং তারা ভিদিরে বজত্তি গুরিম।

দানিয়েল 7:10

তা মুজুঙোত্তুন্ এক্কান আগুনো গাঙ্ নিগিলিনে বেঈ যার্। আজার্ আজার্ মান্‌‌‌‌‌জ্যে তারে সেবা গত্তন্; লাখ্ লাখ্ মানুচ্ তা মুজুঙোত্ থিয়্যেই এলাক্। বিচের্ আরাম্ভ অলঅ আর বোইয়ুন খুলো অলঅ।

হবক্‌‌‌‌কূক 3:8

ও লগেপ্রভু, গাঙানি উগুরে কি তুই বেজার্ ওইয়োচ্? তঅ রাগ্‌কান কি গাঙানি উগুরে পোজ্যে? তুই কি সাগর উগুরে অমকদ কাঙেলেত্যে ওইয়োচ্? সেনত্তে কি তুই তর্ ঘোড়াগুনোত্ আর তর্ জিদি যেইয়্যে রথ্‌তানিত্ চড়ি বেড়র্?

মথি লেখ্যে গম্ হবর্ 26:53

তুই কি মনে গরচ্, মুই মঅ বাপ্পোরে ডাগিলে তে ইক্কিনে মরে আজার্ আজার্ স্বর্গদূত্ পাধেই ন-দিবো? মাত্তর্ সালে পবিত্র বোইবোর্ কধাগান্ কেধোক্ক্যেন্ গুরি পূরোণ্ অবঅ?

দ্বি’লম্বর বিররণ 33:2

লগেপ্রভু সিনাই মুড়োত্তুন এলঅ, তে সেয়ীরত্তুন তারা উগুরে পহ্‌র দিলো; তার পহ্‌রান পারণ মুড়োত্তুন ছিদি পুরিলো। তে লাখ্ লাখ্ পবিত্র স্বর্গদুদোর মধ্যেত্তুন্ এলঅ; তার ডেন আঢ্‌তান্ রোইয়্যেদে তারাত্যে আগুনে ভরা আইন।

ফগদাং পেইয়্যে 5:11

যেরেদি মুই দেগিলুং; আর মুই সেই সিংহাসন, জেদা প্রাণী আর নেতাগুনোর চেরোকিত্যে ভালোক্কুন স্বর্গদূতোর্ রঅ শুনিলুং। সেই স্বর্গদূত্‌তুনে এলাক্ জনেদি আজার আজার, কোটি কোটি।

ফগদাং পেইয়্যে 9:16

যেরেদি মুই শুনিলুং, ঘোড়া উগুরে সৈন্যর সোংখ্যে এলদে কুড়ি কোটি।