গীতসংহিতা 68:13 - Chakma Bible

¹³ চেরোকিত্তে ভেড়া থাইদে ঘর সংমধ্যে তুমি যেক্কে পড়ি থাগ, সেক্কে তমারে এক বাবোত্যে কঅ ধোক্ক্যেন চাদে লাগে যিবের ডুয়োগানি রূবোলোই ঢাক্যে আর পোরানি সোনালোই বেড়েয়্যে।

গীতসংহিতা 68:13 ပူးပေါင်းရင်းမြစ်များ

পত্থম 49:14

ইষাখরে যেন এক্কো বোলী গাধা। তা ঘুম যেবার্‌ জাগায়ান অবঅ দ্বিয়েন ভেড়া ঘর সংমোধ্যে।

২ রাজাবলী 7:16

সেক্কে মানুচ্চুনে নিগিলি যেইনে অরামীয়গুনোর্‌ তাম্বুলান্‌ লুদেলাক্‌। সেক্কে লগেপ্রভুর কধামজিম্‌ ছয় কেজি মোয়দে বার গ্রাম রূবোলোই আর বার কেজি কেজ্‌বিজি বার গ্রাম রূবোলোই বেজা অলঅ।

গীতসংহিতা 105:37

তে সনা-রূবো সুদ্ধো ইস্রায়েলীয়গুনোরে নিগিলেই আনিলো; তারা গুট্টিগুনোত্তুন্ কনজনে বল্ পোজ্যে ন-অন।

গীতসংহিতা 149:4

কিত্তে লগেপ্রভু তা মানুচ্চুন্দোই হুজি অয়; তে নম্র মানুচ্চুনোরে উদ্ধোর্ গুরিনে সর্মান গরে।

গীতসংহিতা 74:19

তর্ এ কোচ্‌পানার কঅবোরে তুই ঝাড়্‌বো য়েমান আঢত্ তুলি ন-দিচ্; তর্ অত্যেচার ওইয়্যে মানুচ্চুনোর জিংকানির কধানি তুই কনদিন্ ভুলি ন-যেচ্।

গীতসংহিতা 81:6

লগেপ্রভু কলঅ, মুই তা কানাত্তুন্ বুধিবো সোরেই দিলুং; কাল্লোং বুয়োনাত্তুন্ তে বাঁজিলো।

যাত্রা 1:14

খেদর্ অন্য বেক্‌ কামানি সমারে তারা সিগুনো উগুরে সিবিদি আর ইট্‌দলা বুয়োনা অমকদ দুগোর্‌ কামানিয়ো জোর্ গুরি দিলাক্ আর তারার জিংকানিগানি তিদে গুরি দিলাক্। এদক্কানি দুগোর্‌ কাম্‌ খাদেবাত্তে যেইনে মিসরীয়গুনে তারা উগুরে অমকদ চিৎ-নপুজ্যে বেবহার গুরিদাক্।

যিশাইয় 33:23

ইক্কিনে তমা পাল হেবাগুন্ শস্ ওই যেইয়োন্; সিয়েনত্ মাত্তুলুন দরমর গুরি আক্‌‌সোয়ে নেই, পালান্অ টাঙা ন-যায়। পরেদি লুদেয়্যে বোউত্ পযাপিরা ভাগ্ গরা অবঅ; এমন্ কি, লেং-আদুড়ুনেয়ো লুদেয়্যে পযাপিরা নেযেবাক্।

গণাণা 31:27

লুদেয়্যে বেক পযাপিরানি দ্বিভাগ গুরিনে এক ভাগ দুয়ো সৈন্যগুনোরে যিগুনে যুদ্ধো গোজ্যন্‌ আর অন্য ভাগ দুয়ো সমাজর্‌ বাদবাগী মানুচ্চুনোরে।

লূকে লেখ্যে গম্ হবর্ 15:16

শুগরে যে আদার্ খেদাক্ তে সিয়েন হেইনে পেট্ ভোরেবার্ চেদঅ, মাত্তর্ কেঅ তারে সিয়েন-অ ন-দিদাক্।

লূকে লেখ্যে গম্ হবর্ 15:22

মাত্তর্ তা বাবে তা চাগরুনোরে কলঅ, যাদিমাদি গুরি বেগত্তুন্ গম্ সুলুম্মো আনিনে তারে উরে দো। তা আঢত্ আন্দিক্ আর ঠেঙত্ জদা পিনেই দুয়ো,

১ করিন্হীয় 12:2

তুমি কোই পারঅ, যেক্কে তুমি গোজেনর্ উবোসনা ন-গুরিদা সেক্কে এমন মূত্তিগুনো ইন্দি তমারে টানি নেযা অদঅ যিগুনে কধা কোই ন-পারন্।

তীত 3:3

আমিয়ো আগে বুদ্ধি-নেইয়্যে আর অবাধ্য এলং, ভুল্ পধেদি চলিদোং, সুগী আর নানান্ বাবোত্যে কামনা-বাসনার চাগর্ এলং। আমি অন্যরে ইংসে গুরিদোং আর ক্ষোতি গুরিবার চিন্তেলোই জিংকানি কাদেদং। নিজে অন্যগুনোত্তুন্ ঈচ্ গরা হেইয়্যে অলেয়ো আমি একজন অারেক জনরে ঘিনেদং।

যিহোশূয় 10:16

সে পাচজন ইমোরীয় রাজা ধেই যেইনে মক্কেদা শঅরর্‌ ইদু এক্কো গাদত্‌ পোল্ল্যেই রোইয়োন্‌।

বিচের গুরিয়্যেগুন 5:16

ও রূবেণর মানুচ্চুন, কিত্তে তুমি ভেড়া ছাগল ঘরর দ্বিয়েনর সংমধ্যে বোই এলা তুমি কি গরক্কুনোর বাঁশি শুনিবাত্তে চেইয়ো রূবেণর সৈন্যদলুনো ভিদিরে অমকদ কধালোই মিলেমিলি ন-অলঅ।

বিচের গুরিয়্যেগুন 5:19

রাজাগুনে, কনানর রাজাগুনে এইনে যুদ্ধো গুরিলাক্‌; মগিদ্দোর পানির কায়-কুরে তানকত্‌ তারা যুদ্ধো গুরিলাক্‌, মাত্তর্‌ কনঅ্‌ রূবো তারা লুদেইনে নি ন-পারিলাক্‌।