গীতসংহিতা 68:11 - Chakma Bible

¹¹ প্রভু মানুচ্চুনোরে উগুম দে; ভালেদির হবর্ ফগদাংগুরিয়্যে মিলেগুনে জনেদি ভালোক্কুন্।

গীতসংহিতা 68:11 ပူးပေါင်းရင်းမြစ်များ

গীতসংহিতা 40:3

তে মর্ মুয়োনত্ দিলো নূয়ো গান, আমা গোজেনর নাঙ্ গিনেদে-গান। ভালোক্ জনর চোগোত্ সিয়েন্ পড়িবো আর তারার্ মনত্ ভোক্তিবলা দর্ অবঅ; তারা লগেপ্রভু উগুরে বিশ্বেজ্ গুরিবাক্।

গীতসংহিতা 68:25

পত্তমে যাদন্ গীদ্ গেইয়্যেগুনে, তারার্ পিজেন্দি যাদন বাজনা বাজেয়্যেগুনে; ঝোন্‌যোনি-বাজেয়্যে মিলেগুনোর সংমধ্যে তারা যাদন্।

যাত্রা 14:15

ইয়েন পরেদি লগেপ্রভু মোশিরে কলঅ, “তুই মইধু কিত্তেই কানাকুদি গরর্‌? ইস্রায়েলীয়গুনোরে উজেই যেবাত্তে কঅ‌।

যাত্রা 15:20

হারোণর বোন্নো মরিয়মে এলদে এক্কো মিলে-নবী। তে চিগোন্‌ ঢুল্‌ আঢত্‌ নেযেল, আর তার্‌ পিজে পিজে অন্য মিলেগুনেয়ো চিগোন্‌ ঢুল্‌ আঢত্‌ নেযেনে নাচ্যে নাচ্যে নিগিলি এলাক্‌।

ইফিষীয় 4:11

তে কুদুক্কুন মান্‌জ্যরে দূত, কুদুক্কুন মান্‌জ্যরে ভাববাদী, কুদুক্কুন মান্‌জ্যরে গম হবর্ প্রচার গুরিয়্যে আর কুদুক্কুন মান্‌জ্যরে পালক আর মাষ্টর ইজেবে নেযেল।

ফগদাং পেইয়্যে 19:13

তা কিয়্যেনত্ এলঅ লো-ত্ বুড়েইয়্যে কাবড়, আর তা নাঙান্ অলঅ গোজেনর্ কধা।

বিচের গুরিয়্যেগুন 4:6

তে নপ্তালি দেজর্‌ কেদশ শঅ‌রত্তুন্‌ অবীনোয়মর পূঅ বারকরে ডাগিনে পাদেল আহ্‌ তারে কলঅ‌, “ইস্রায়েলীয়গুনোর গোজেন লগেপ্রভু তরে এ উগুমান দের্‌, ‘তুই নপ্তালি আর সবূলূন-গুট্টিত্তুন্‌ দশ আজার মানুচ্‌ সমারে নেযা আর তাবোর মুড়োবো ইন্দি তারারে নেযা।

১ শমূয়েল 18:6

দায়ূদে সেই পলেষ্টীয় গলিয়াত্‌রে মারে ফেলানার পরেন্দি মানুচ্চুনে যেক্কে ঘরত্‌ ফিরি এত্তন্‌ সেক্কে ইস্রায়েলর বেক্‌ আদাম আর শঅরানিত্তুন্‌ মিলেগুনে নাজি নাজি হুজির্‌ গান গেইনে আর ঝোন্‌‌ঝোনী আহ্‌ তিনতারা বাজাদে বাজাদে রাজা শৌলরে ভালেদি জানেবাত্তে নিগিলি এলাক্।