গীতসংহিতা 68:10 - Chakma Bible

¹⁰ তঅ নিজোর মানুচ্চুনে সিদু বজত্তি গুরিবার জাগা গোজ্যন্; তর্ ভালেদির আজায়, ও গোজেন, তুই তারার্ অভাব মিলেই দুয়োচ্।

গীতসংহিতা 68:10 ပူးပေါင်းရင်းမြစ်များ

১ রাজাবলী 8:36

মাত্তর্‌ তুই স্বর্গত্তুন্‌ সিয়েন্‌ শুনিজ্‌ আর তঅ চাগরুনোরে, অত্তাৎ তঅ মানুচ্‌ ইস্রায়েলীয়গুনোর পাপ্পানি খেমা গুরি দিচ্‌। জীংকানিগানত্‌ দোলেডালে চুলিবাত্তে তারারে শিক্ষ্যে দিচ্‌ আর সোম্বোত্তি ইজেবে যে দেজ্‌ছান তুই তারারে দুয়োচ্‌ সে দেজ্‌ছানর উগুরে ঝড় দি দিচ্‌।

গীতসংহিতা 65:10

চাজ্‌বাজ্ গোজ্যে ভূইয়োর ভাজ্‌ছুন তুই পানি ভুরি দে আর সিয়েনর দ্বিকিত্তেন্দি সং গরঅ; অমকদ ঝড়লোই মাদিগান নরম গরঅ আর সিয়েনত্ নুয়ো গোজেয়্যে চারাগুনোরে বর্ দে।

গীতসংহিতা 65:11

তুই বজরবোরে বোউত্ বর্ দিইনে ভালেদি গোজ্যস্; তর্ চলিবার পদথ্ বোউত্ আশিদ্‌বাদ ঝুড়ি পড়ে।

গীতসংহিতা 65:9

তুই পিত্‌থিমীর মাঢিগান উগুরে খিয়েল্ রাগাচ্ আর সিয়েনত্ পানি দি থাচ্; তুই তার বোলবোল্যেগান্ বোউত্ বাড়েই দে; তত্তুন্ ঝড়র ফুদোগুন লামি এজন্; তুই মান্‌জ্যরে খেত্-খেত্তি দি থাচ্- এবাবোত্যেগুরি মাঢিগান যুক্কোল্ গুরি রাগাচ্-

গীতসংহিতা 74:19

তর্ এ কোচ্‌পানার কঅবোরে তুই ঝাড়্‌বো য়েমান আঢত্ তুলি ন-দিচ্; তর্ অত্যেচার ওইয়্যে মানুচ্চুনোর জিংকানির কধানি তুই কনদিন্ ভুলি ন-যেচ্।

গীতসংহিতা 78:20

তে শিল্লোত্ আঘাত গুরিলো আর সিয়োত্তুন ঠেলা মাজ্যে পানি গঙার্ নিগিলি এলঅ; সিয়েন গরে বিলিনে কি তে আমারে রুটি দি পারিবো? তে কি তা মানুচ্চুনোত্যে য়েরা যুক্কোল্ গুরি পারিবো?”

যিশাইয় 40:29

তে বল্‌‌‌পোজ্যেগুনোরে বল্ দে আর বল্ নেইয়্যেগুনোরে বল্ বাড়েই দে।

গণাণা 16:3

তারা মোশি আর হারোণর বিপক্ষে দল বুদি এইনে কলাক্, “তুমি অমকদ বাড়াবাড়ি গরর্‌। গোদা ইস্রায়েলীয় সমাজ্‌সো পত্তিজনই লগেপ্রভুর নাঙে যুদো গোজ্যে আর লগেপ্রভুয়ো তারা সমারে আঘে। মাত্তর্‌ তুমি কিত্তে লগেপ্রভুর মানুচ্চুনো উগুরে নিজোরে তুলি ধোজ্য?”

মথি লেখ্যে গম্ হবর্ 11:5

তারে জানঅ, কান্ মানুচ্চুনে দেগদন্, আঢুরুনে আঢদন্, ফারাঙিবলাগুনে সিজি অদন্, বহ্‌রা মানুচ্চুনে শুনোদন্, মরা মানুচ্চুনে জেঁই উদোদন্ আর নাঢা মানুচ্চুনো ইধু গম্ হবর্ প্রচার গরা অর্।

লূকে লেখ্যে গম্ হবর্ 1:53

যিগুনোর্ অভাব আঘে, গম্ গম্ জিনিচ্চোই তে তারার্ অভাব্‌পানি পূরোণ গোজ্যে, মাত্তর্ তাগোয়্যেগুনোরে সুদো আঢে বিদেয় গোজ্যে।

দ্বি’লম্বর বিররণ 26:5

সে পরেন্দি তুমি বেক্কুনে তমার গোজেন লগেপ্রভুর মুজুঙোত্‌ কবাদে, আমার পুরোণি মানুচ্চো এলঅ এক্কো অরামীয় বেড়াজ্যে। তে বানা কয়েক্কো মানুচ্‌ নেযেইনে মিসর দেজত্‌ যেয়েগোই আর সিয়েনত্ বজত্তি গুরিবার অক্তত তা মাধ্যমে এক্কো দাঙর্‌ আর বোলী জাদর জর্ম ওইয়্যে যিবের মান্‌জ্যর সোংখ্যে এলাক ভালোক্কুন।

১ পিতর 5:3

তমা তলেদি যিগুনে আঘন সিগুনো উগুরে প্রভু ন-ওইয়ো, বরং এমন্‌ অ যেনে তমারে দেগিনে তারা শিগি পারন্।

১ শমূয়েল 2:8

তে নাদামান্‌জ্যরে ধুল্যেত্তুন তুলে, আর অভাবীরে তুলে ছেইয়োর কুরোত্তুন্। দাঙর্‌ পোজিশন মান্‌জ্যর্ লগে তে তারারে ববাত্তে দে, আর সর্মানর সিংহাসন দে; কিত্যে পিত্‌থিমীর খুদো বেক্কুন লগেপ্রভুরই, তে সিগুনো উগুরে দুনিয়েগানরে থিদেবর্ গোজ্যে।