গীতসংহিতা 67:1 - Chakma Bible

¹ ও গোজেন, তুই আমারে দোয়্যে আর আশিদ্‌বাদ গর্; তর্ দোয়্যে-মেয়্যেগান পহ্‌র ধোক্ক্যেন আমা উগুরে পোড়োক্;

গীতসংহিতা 67:1 ပူးပေါင်းရင်းမြစ်များ

গীতসংহিতা 119:135

তর্ দোয়্যে-মেয়্যেগানি পহ্‌র্ গুরি জ্বলেদে ধোক্ক্যেন্ তর্ এ চাগর্‌বো উগুরে পোড়োক্; তর্ বেক সুদোমানি মরে শিক্ষ্যে দে।

গীতসংহিতা 28:9

ও লগেপ্রভু, তঅ মানুচ্চুনোরে তুই রোক্ষ্যে গর্, তর্ সোম্বোত্তিগানরে তুই আশিদ্‌বাদ গর্; তুই তারার্ পালক অ আর উমরত্যে তারারে বুয়োই নেযা।

গীতসংহিতা 31:16

তর্ চাগর্‌বো উগুরে তর্ দোয়্যে পহর্ ধোক্ক্যেন গুরি পোড়োক্; তর্ থুম্ ন-ওইয়্যে কোচ্‌পানালোই তুই মরে রোক্ষ্যে গর্।

গীতসংহিতা 4:1

ও মর্ গোজেন, মুই যে তর্ আওজ্ মজিম চলঙর্ সিয়েন তুই দেগেই দুয়োর্; মুই যেক্কেনে তরে ডাগিম সেক্কে তুই মঅ ডাগনিলোই শুনিচ্। দযাগানে মরে ঝাবোদে ধোজ্যে, মাত্তর্ তুই মরে নিজেস্ ফেলেবার্ যু গুরি দুয়োচ্। মঅ উগুরে দোয়্যে গর্, মঅ তবনাগান শুন।

গীতসংহিতা 4:6

ভালোক্জনে কন্, “কন্না আমারে ভালেদি গুরি পারে?” ও লগেপ্রভু, তর্ দোয়্যের্ চোগেদি রিনি চানাগান পহ্‌র ধোক্ক্যেন্ গুরি আমা উগুরে পোড়োক্।

গীতসংহিতা 6:1

ও লগেপ্রভু, রাগ্ গুরিনে তুই মরে গেইল্ ন-দিচ্; বেজার্ ওইনে মরে শাজন্ ন-গুরিচ্।

গীতসংহিতা 76:1

যিহূদা-রেজ্যত্ বেক্কুনে গোজেনর কধা হবর্ পান; ইস্রায়েল-রেজ্যত্ তা নাঙান দাঙর্।

গীতসংহিতা 80:19

ও বেগত্তুন্ খেমতাবলা লগেপ্রভু গোজেন, তুই আগ অবস্তাদ আমারে ফিরেই নেযা; তর্ দোয়্যে-মেয়্যেগান পহ্‌র্ ধোক্ক্যেন আমা উগুরে পোড়োক্, আমি সেক্কে উদ্ধোর্ পেবং।

গীতসংহিতা 80:7

ও বেগত্তুন্ খেমতাবলা গোজেন, আমারে তুই আগ অবস্তাদ ফিরেই নেযা; তর্ দোয়্যে-মেয়্যেগান পহ্‌র্ ধোক্ক্যেন আমা উগুরে পোড়োক্, আমি সেক্কে উদ্ধোর পেবং।

২ করিন্হীয় 13:14

আমার্ প্রভু যীশু খ্রীষ্টর্ দোয়্যে, গোজেনর্ কোচ্‌পানা আর পবিত্র আত্মালোই উদো লো-লি তমার্ বেক্কুনোর্ রিবেঙত্ থোক্।

২ করিন্হীয় 4:6

আমি এ কধানি প্রচার গুরির্, কিয়া যে কোইয়্যে, “আন্ধারত্তুন্ পহ্‌র ওক্”, সেই গোজেনে আমা রিবেঙত্ জ্বোল্ল্যে, যেন তার্ মহিমাগান্ বুঝিবার পহ্‌রান ফগদাং পায়। এই মহিমাগান্ খ্রীষ্টর্ মুয়োনত্ আঘে।

ইফিষীয় 1:3

আমা প্রভু যীশু খ্রীষ্টর্ বাপ্পো আর গোজেনর্ বাঈনী ওক্। আমি খ্রীষ্ট সমারে মিজেয়্যেই বিলি স্বর্গর্ পত্তি আত্মিক আশিদ্‌‌বাদ গোজেনে আমারে দান গোজ্জ্যে।

দ্বি’লম্বর বিররণ 21:8

ও লগেপ্রভু, তর্‌ উদ্ধোর গোজ্যে ইস্রায়েলীয়গুনোরে তুই ক্ষেমা গর্‌। এ মানুচ্চোর্‌ লো-ঝড়ানাত্তে তুই তর্‌ মানুচ্চুনোরে দায়ী ন গুরিচ্‌। ইয়েনত্‌ সে লো-ঝড়ানার্ দুষছানি ক্ষেমা গরা অবঅ।