গীতসংহিতা 66:3 - Chakma Bible

³ গোজেনরে কঅ, “তর্ কাম দেগিনে মনত্ কত্তমান দর্ আর ভোক্তি জাগে। তর্ দাঙর খেমতার মুজুঙোত্ তর্ শত্রুগুনে মাঢা লোঙেবার্ ভান গুরিবাক্।

গীতসংহিতা 66:3 ပူးပေါင်းရင်းမြစ်များ

ইয়োব 25:2

“রেজ্যগানি গোজেনর, ভোক্তিবলা দর্ তারই পাওনা; স্বর্গর অজল জাগানত্ তে সুগ্‌-শান্দি থিদেবর্ গরে।

গীতসংহিতা 18:44

মঅ কধানি শুনিলে তারা মঅ অধিনতা স্বীগের্ গরন্; উল্লোমি মনভাব্‌পোই বিদেশিগুনে মর্ বাধ্য অন্।

গীতসংহিতা 18:45

তারা আজা নেইয়্যে ওইয়োন্; তারা গির্‌গিরেদে গির্‌গিরেদে ঘরত্তুন্ নিগিলোন্।

গীতসংহিতা 47:2

দাঙর লগেপ্রভু ভোক্তিবলা দর্‌বুগ্ লাগায়; পুরো পিত্‌থিমীগান উগুরে তেয়ই দাঙর্ রাজা।

গীতসংহিতা 65:5

ও আমার উদ্ধোর্ গুরিয়্যে গোজেন, তর্ ন্যায্য ভোক্তিবলা দর্‌বুক লাগাইদ্যে কাম্বোই তুই আমা ডাগনিলোই শমক্ দিবে। পিত্‌থিমীর বেক্ মানুচ্চুন, এমন কি, বেগত্তুন দূরোত্ আর দূরো গাঙ পাড়র মানুচ্চুনেয়ো তঅ উগুরে বিশ্বেজ্ গরন।

গীতসংহিতা 68:30

তারার আন্যে রূবোর কট্টানি ঠেঙোই দুলিনে খাগাড়াবন ঝার্‌বো য়েমান ধোক্ক্যেন সেই মিসররে তুই ধমক্ দে; ধমক্ দে গোরু ছঅ আর বলদ দল ধোক্ক্যেন সেই জাদ্‌তুনোরে। যিদুক্কুন জাদে যুদ্ধো গম পান গোজেনে তারার দলুন্ ভাঙি দিয়্যে।

গীতসংহিতা 76:12

শাজন্‌গুরিয়্যেগুনোর সাহস্‌ছানি তেয়ই দোঙেই দে; পিত্‌থিমীর রাজাগুনে তারে দরান্।

গীতসংহিতা 81:15

“শত্রুগুনে মঅ মুজুঙোত্ মাদা নিগিরোদে বাধ্য অবাক্, তারার সাজাগান্ অবদে উমরত্ত্যে।

যাত্রা 15:21

মোশির্‌ গীদ্‌তোর্‌ জোবত্‌ মরিয়মে এই গান্নো গেলঅ; “তুমি লগেপ্রভুর্‌ নাঙে গীদ্ গঅ, কিত্তে মানেইয়ুনোর চোগোত্‌ তাঁর্‌ মহিমাগান্ বাড়িলো। ঘোড়া আর ঘোড়াবাহিনীগুনোর দলুনোরে তেয়ই‌ ফেলেই দিলো বড়গাঙ পানিত্।”

যিশাইয় 2:19

লগেপ্রভু যেক্কে পিত্‌থিমীর মানুচ্চুনোরে দর্‌বুক্ দেগেবাত্তে এবঅ সেক্কে তার্ দর্‌গরেপারা আর মহিমার্ জোল্‌জোল্যেগান আঢত্তুন্ রোক্ষ্যে পেবাত্তে মান্‌জ্যে সেদিন্যে মোন্-মুড়ো সেরে সুরুঙোত্ আর মাঢি গাদত্ ধেই যেবাক্।

যিশাইয় 25:3

সেনত্তে খেমতাবলা জাদ্‌তুনে তরে বাঈনী গুরিবাক‌্ আর চিৎগিলে নেইয়্যে জাদ্‌‌‌‌তুনোর শঅরানি তরে ভোক্তি গুরিনে দোরেবাক্।

যিশাইয় 40:26

তুমি চোগ্‌কুন্দোই আগাজ মোক্ক্যে রিনি চঅ;‌ কন্না ইয়েনি বেক্কানি বানেয়্যে? তেয়ই তারাগুনোরে এক্কো এক্কো গুরি নিগিলেই আন্যে; তেয়ই তারারে পত্তিজনরে নাঙ্ ধুরিনে ডাগে। তার দাঙর্ খেমতা আর দাঙর্ খেমতাত্তে তারার এক্কান্অ আজি ন-যায়।

যিশাইয় 64:3

আমি যিয়েন আজা ন-গুরিই সেবাবোত্যে দর্ আর ভোক্তি জাগেয়্যে আমক্ কাম্ যেক্কে তুই গোজ্যস্ সেক্কে লামি এচ্চ্যস্ আর মুড়ো-মুড়িগুন তর্ নাঙে গির্‌‌গিরেয়োন।

যিরমিয় 10:10

মাত্তর্ লগেপ্রভু সত্য সত্য গোজেন; তে জেদা গোজেন আর উমরর্ রাজা। তার রাগে পিত্‌থিমীগান গির্‌গিরেই; জাদ্‌তুনে তার রাগ্‌কান সোজ্য গুরি ন-পারন্।‌‍‌‍‍‌‍‌‍‍‌‍‌‍‍