গীতসংহিতা 66:2 - Chakma Bible

² তার বাঈনী-গীদ্ গঅ; তারে যগাজ্যে নাঙ্ গিনিবার্ দান গরঅ।

গীতসংহিতা 66:2 ပူးပေါင်းရင်းမြစ်များ

নহিমিয় 9:5

পরেন্দি লেবীয়গুনো ভিদিরেত্তুন্‌ যেশূয়, কদ্‌মীয়েল, বানি, হশব্‌নিয়, শেরেবিয়, হোদিয়, শবনিয় আর পথাহিয় কলদে, “তুমি উদিনে তমার্‌ গোজেন্‌ লগেপ্রভুর বাঈনী গরঅ, যিবে পুরোণিকালত্তুন্‌ ধুরিনে জীংকানিবর্‌ আঘে।” সে পরেন্দি তারা ইয়েন্‌ কোইনে তবনা গুরিলাক্‌, ও লগেপ্রভু, তর্‌ মহিমাবলা নাঙর্‌ বাঈনী ওক্‌; আমার্‌ দিয়্যে বেক্‌ ভালেদিগানি আর নাঙ্ গিনেনাত্তুন্‌ তুই দাঙর্।

গীতসংহিতা 106:2

লগেপ্রভুর্ দোল্ দোল্ কামর কধানি কন্না কোই পারে? তার বাঈনী গরানালোই ভরা কধাগান ফগদাঙ্ গরে এবাবোত্যে সাধ্য কার্?

গীতসংহিতা 107:15

মান্‌জ্য ইদু লগেপ্রভুর আমক্ অবার্ কামানিত্তে আহ্ তার অমকদ কোচ্‌পানার কারনে তারা তারে ভালেদি জানাদোক্।

গীতসংহিতা 107:22

তারা ভালেদি জানেবার-উৎসর্ব গোরোদোক্, রঙ্গ-ফুত্তির্ গীদ্ গেইনে তার বেক কামানির কধা কোদোক্।

গীতসংহিতা 68:33

তে সেই পুরোণ দিনোর আগাজ ভিদিরেন্দি রদথ্ চড়িনে আঢা-উদো গরে। শুন, তে রঅ ছাড়িনে কধা কর্।

গীতসংহিতা 72:18

লগেপ্রভু গোজেন, যিবে ইস্রায়েলর গোজেন, তার বাঈনী ওক্; বানা তে আমক্ আমক্ অইদে কামানি গরে।

গীতসংহিতা 79:9

ও আমা উদ্ধোর গুরিয়্যে গোজেন, তর্ বাঈনী গুরিবাত্যে তুই আমারে এজাল্ দে; তর্ সুনাঙ্ রাগেবাত্তে আমারে উদ্ধোর গর্ আর আমা পাপ্পানি খেমা গর্।

যিশাইয় 42:12

তারা লগেপ্রভুর বাঈনী গোরোদোক্; দূরো দেজ্‌ছানি ভিদিরে তারে নাঙ্ গিনেনাগান্ ফগদাং গোরোদোক্।‌

যিশাইয় 49:13

ও আগাজ্‌চান, হুজিয়ে রঅ ছাড়্; ‌‍‍‍ ও পিত্‌থিমীগান, ফুত্তি গর্; ও মুড়ো-মুড়িগুন, দাঙর্ দাঙর্ গুরি হুজিয়ে গান গঅ; কিত্তে লগেপ্রভু তা মানুচ্চুনোরে বুঝেব আর তার অত্যেচার ওইয়্যে মানুচ্চুনো উগুরে মেয়্যে গুরিবো।

যিশাইয় 6:3

তারা একজন আর একজনরে ডাগিনে কদন্, বেগত্তুন্ খেমতাবলা লগেপ্রভু পবিত্র, পবিত্র, পবিত্র; তা মহিমালোই পুরো পিত্‌থিমীগান্ ভর্‌পুনং।

ফগদাং পেইয়্যে 5:13

সে পরেদি স্বর্গত্, পিত্‌থিমীত্, পিত্‌থিমীর মূঢ়োত্ আর সাগরত্ যিদুক্কুন পরাণবলা আঘন, এন্‌ কি, সিগুনো ভিদিরে আর যিগুনে আঘন বেক্কুনোরে মুই এ কধাগান কধে শুনিলুং: “সিংহাসন উগুরে যিবে বৈ আঘে তার্ আর সেই ভেড়া-ছবোরে নাঙ্ গিনেনা, সর্মান, বাঈনী গরানা আর খেমতা উমরত্যে থোক্।”