গীতসংহিতা 66:10 - Chakma Bible

¹⁰ ও গোজেন, তুই আমারে জগা চেইয়োচ্; রূবোর খাটিগান আগুনোত্ পুড়ি নিগিলেইদে ধোক্ক্যেন গুরি তুই আমারে জোক্‌জোক্যে গোজ্যস্।

গীতসংহিতা 66:10 ပူးပေါင်းရင်းမြစ်များ

ইয়োব 23:10

মাত্তর্ মুই কন্ পধেদি আঢঙর্ সিয়েন তে হবর্ পায়; তে মরে জগা চেলে মুই আজল্ সনা ধোক্ক্যেন্ ওম্।

গীতসংহিতা 17:3

তুই দঅ মঅ মনানত্ সুমিনে চেইয়োচ্ আর রেদোত্ মরে যগা চেইয়োচ্; মরে পুযোর্ গুরিয়ো চেইয়োচ্ মাত্তর্ কনকিজু ন-পাজ্। মুই ঠিগ্ গোজ্যংগে কনঅ পাপ কধা মর্ মুয়োন্ মুই বেবহার ন-গুরিম।

গম্ উপদেজ্ 17:3

রূবো পোরোক্ষ্যে গুরিবাত্তে গোলেবার পিলে আঘে আর সনাত্তে আগেদে চুলো, মাত্তর্ লগেপ্রভু মনান্ পোরোক্ষে গরে।

গম্ উপদেজ্ 25:4

রূবোত্তুন্ আজলান্ নিগিলেই ফেল, সালে বান্যেবো সিয়েনিলোই দোল্ জিনিস বানেই পারিবো।

যিশাইয় 48:10

চঅ, মুই তমারে আগুনোত্ ফেলেয়োং, মাত্তর্ তুমি রূবো ধোক্ক্যেন আজল্ ওইনে ন-নিগিলো; দুঘোর্ চুলোত্ মুই তমারে যগা চেইয়োং।

সখরিয় 13:9

এই তিন লম্বর্ ভাগ্‌‌‌‌‌‌কো মুই আগুনো ভিদিরেদি নেযেম; রূবো খাটি গরেদে ধোক্ক্যেন্ গুরি মুই তারারে খাটি গুরিম আর সনা যাচাই গরেদে ধোক্ক্যেন্ তারারে যাচাই গুরিম। তারা মরে ডাগিবাক্ আর মুই তারারে জোব্ দিম; মুই কোম্, ‘ইগুনে মঅ মানুচ্,’ আর তারা কবাক্, ‘লগেপ্রভুই আমা গোজেন।’ ”

মালাখি 3:3

যে মানুচ্চো রূবো গোলেইনে খাটি গরে তে তা ধোক্ক্যেন ওইনে বুঝিবো। তে লেবীয়গুনোরে সিজি গুরিবো আর সোনা আহ্ রূবো ধোক্ক্যেন গুরি তারারে খাটি গুরিবো। সে পরেদি তারা গম্ মনোভাব্‌পোই লগেপ্রভুর নাঙে উৎসর্বর অনুষ্ঠান গুরিবাক্।

দ্বি’লম্বর বিররণ 13:3

মাত্তর্‌ তুমি সে ভাববাদী বা স্ববনে-দেক্কে মানুচ্চোর কধানি ন-শুন্ন্য। তুমি তমার গোজেন লগেপ্রভুরে তমার বেগ্‌ মনান্‌-পরাণান্দোই কোচ্‌পঅ নাহি সিয়েনি তে তমারে পোরোক্ষেত্‌ ফেলেইনে দেগেই দের্‌।

দ্বি’লম্বর বিররণ 8:16

তে সে ধূল্যেচর-চাগালাত্‌ তমারে মান্না হেবাত্তে দিয়্যে যিবের্‌ কধা তমা পুরোণি মানুচ্চুনে কনদিনঅ ন-জানন্‌। তমারে পোরোক্ষে গুরিবাত্তে আর বার্বোগানি ভাঙি দিবাত্তে তে সিয়েনি দিয়্যে যেনে যেরেন্দি তমার্‌ ভালেদি অয়।

দ্বি’লম্বর বিররণ 8:2

মনত্‌ গুরি চঅ, তমা গোজেন লগেপ্রভু এ চোল্লিশ্‌সো বজর্‌ কিঙিরিনে ধূল্যেচর-চাগালার্‌ ভিদিরেন্দি গোদা পদ্‌থান্‌ তমারে চালেই আন্যে। তমা বাড়্ গরানাগানি ভাঙি দিবাত্তে আর তমা মনত্‌ কি আঘে, অত্তাৎ তুমি তার্‌ উগুমানি পালেবা নাহি, সিয়েন পোরোক্ষেত্‌ ফেলেইনে চেবাত্তে তে এ কামানি গোজ্যে।