গীতসংহিতা 64:9 - Chakma Bible

⁹ সেক্কেনে বেক্কুনোর মনত্ দর্‌বুক লাগিবো; গোজেনে যিয়েন গোজ্যে তারা সিয়েন ফগদাং গুরিবাক্ আর সেই কধাগান ভাবিবাক্।

গীতসংহিতা 64:9 ပူးပေါင်းရင်းမြစ်များ

গীতসংহিতা 119:20

তর্ সুদোমানি হবর্ পেবাত্তে নিত্য মঅ পরাণানর আওজ্‌ছান বেশ্।

গীতসংহিতা 140:10

তারা উগুরে জোল্‌জোল্যে আঙারা পোড়োক্; আগুনো ভিদিরে, গভীন্ গাদ ভিদিরে তারারে ফেলেই দিয়্যে ওক্; যেন তারা আর্ কনদিন্‌অ উদি এই ন-পারন্।

গীতসংহিতা 40:3

তে মর্ মুয়োনত্ দিলো নূয়ো গান, আমা গোজেনর নাঙ্ গিনেদে-গান। ভালোক্ জনর চোগোত্ সিয়েন্ পড়িবো আর তারার্ মনত্ ভোক্তিবলা দর্ অবঅ; তারা লগেপ্রভু উগুরে বিশ্বেজ্ গুরিবাক্।

গীতসংহিতা 53:5

তর্ আক্রমণগুরিয়্যে গুনোর আড়্‌‌গড়াগুন তে সোড়েই রাগেয়্যে; আগে তারার দর্-ভর্ ন-এলঅ, তো তারা ইক্কিনে অমকদ দোরেলাক্; গোজেনে তারারে বাদ দিয়্যে, সেনত্তেই তুই তারারে লাজত্ ফেলেয়োচ্।

গীতসংহিতা 58:11

সিয়েন দেগিনে মান্‌জ্যে কবাক্, “গোজেন ভক্তগুনোর্ জিংকানিত্ ঘেচ্ছেকগুরি বক্‌শিজ্ আঘে; ঘেচ্চেকগুরি এক্কো গোজেন আঘে যিবে পাজিগুনোরে পিত্‌থিমীত বাঁজি থাগদে বিচের গরে।”

গীতসংহিতা 59:13

তুই রাগে তারারে ভস্ত গর্, ভস্ত গর্ যেনে তারা আর্ ন-থান; ইয়েন্দোই পিত্‌থিমীর শেজ্ দুযি সং বেক্কুনে হবর্ পেবাক্, গোজেনে যাকোবর বংশবো উগুরে রাজাগিরি গুরিবো।

যিশাইয় 5:12

তারার হানা অক্তত্ থেবদে সুরবাহার আর বীণা, আহ্ থেবদে ঝোন্‌ঝোনি, বাশি আর আংগুর-রস; মাত্তর্ লগেপ্রভুর কাম উগুরে তারার্ কনঅ মনযোগ নেই, তা আঢ কাম উগুরে কনঅ খিয়েল্ নেই।

যিরমিয় 50:28

শুনো, বাবিলত্তুন্ ধেই যেইয়্যে আর রোক্ষ্যে পেইয়্যে মানুচ্চুনে সিয়োনত্ এইনে ফগদাং গত্তন্দে, আমা গোজেন লগেপ্রভু কেধোক্ক্যেন গুরি তা ঘরানত্তে হেনা সুচ্যে।

যিরমিয় 51:10

আমি যে লগেপ্রভুর নিজোর্ মানুচ্ তে সিয়েন দেগেই দিয়্যে, আমা গোজেন লগেপ্রভু যিয়েনি গোজ্যে এজঅ, আমি সিয়েনি সিয়োনত্ কোই।

যিহিষ্কেল 14:23

তারার্ খাচ্চ্যত্ আর কামানি দেগিনে তুমি সান্তনা পেবা আর বুঝি পারিবা যে, এনেবাদে মুই কিচ্চু ন-গরং। মুই প্রভু লগেপ্রভু এ কধাগান কঙর্।”

হোশেয় 14:9

জ্ঞানী কন্না? তে ইয়েনি বেক্কানি বুঝোক্। বুদ্ধিবলা কন্না? তে ইয়েনি পৌইদ্যেনে হবর্ পোক্। লগেপ্রভুর পথ্‌‌‌‌‌‌তান সততার্ পথ; গম্ মান্‌‌‌‌‌‌জ্যে সেই পধেদি আঢন্, মাত্তর্ অন্যেয়গুরিয়্যেগুনে উজোত্ হান্।

ফগদাং পেইয়্যে 11:13

সেই অক্তত্ যদবদে ভূজোল্ বেলঅ আর সেই শঅরর্ দশ ভাগর এক ভাগ ভাঙি পড়ি গেলঅ। সেই ভুজোলত্ সাত আজার মানুচ্‌ মুরি গেলাক্। সিয়েন্দোই বাদবাগী বেক্কুনে দোরেইনে স্বর্গর্ গোজেনরে বাঈনী গরা ধুরিলাক্।