গীতসংহিতা 64:8 - Chakma Bible

⁸ তারার জিলান্‌দোই তারা নিজোর দজাগান্ ডাগি আনিবাক্; তারারে চেইনে বেক্কুনে ঈচ্ গুরিনে মাঢা লাড়েবাক্।

গীতসংহিতা 64:8 ပူးပေါင်းရင်းမြစ်များ

ইয়োব 15:6

মুই নয়, মাত্তর্‌ তঅ নিজো মুয়োনে তরে দুযি গোজ্যে; তুই তর্‌ নিজো বিরুদ্ধে সাক্ষি দুয়োর্‌।

গীতসংহিতা 140:9

যিগুনে মরে ঘিরিনে ধোজ্যন্ তারার মুয়োনি যেদক্কানি অন্যেয় গোজ্যে সিয়েনি তারা মাঢা উগুরে পোড়োক্।

গীতসংহিতা 144:6

তুই ঝিমিলেনি পাধেইনে শত্রুগুনোরে ছিদি দে; তঅ সেলুন্ মারিনে তারারে ওলোমত্য গুরি দে।

গীতসংহিতা 22:7

যিগুনে মরে রিনি চান্ তারা বেক্কুনে মরে ঠাট্টা গরন্। তারা মরে মু ভেঙান্, আর মাধাবো লাড়েইনে কন্,

গীতসংহিতা 31:11

শত্রুগুনে মরে চোগোশাল্ ইজেবে দেগদন্, মর্ সমাজ্যেগুনো ইদু সিয়েনি গোজ্যন্। চিনে পরিচয় মানুচ্চুনো ইদু মুই এক্কো দর্‍গরেপারা; মানুচ্চুনে মরে পদথ্ দেগিলে ধেই যান্।

গীতসংহিতা 52:6

ইয়েনি দেগিনে গোজেন ভক্তগুনোর্ পরাণত্ ভোক্তিবলা দর্ লাগিবো; তারা তরে ঠাট্টা গুরিনে কবাক্,

গীতসংহিতা 59:12

তারার মুয়ো পাপ্পোই আর ঠুদো কধালোই যে অভিশাপ্পান্ আর মিজে কধানি আঘে, সিয়েনত্তে তারার বার্‌বোগানিলোই তারা ধরা পোড়োদোক্।

গীতসংহিতা 9:3

মর্ শত্রুগুনে ফিরি যেইয়োন্; তঅ মুজুঙোত্ তারা পড়ি যেয়োন্ আর ভস্ত ওই যেইয়োন;

গম্ উপদেজ্ 12:13

বজং মানুচ্ তা পাপে ভরা কধাবাত্তালোই ফালত্ পড়ে, মাত্তর্ গোজেন ভক্ত মানুচ্ দুঘোত্তুন্ রেহাই পান্।

গম্ উপদেজ্ 18:7

বিবেচনানেইয়্যেবোর মুয়োন তার দজার্ কারন; তা কধালোই তা জিংকানিগান ফালত্ পড়ে।

যিরমিয় 18:16

সেনত্তে তারা দেজ্‌চান পুরি থেইয়্যে ভূই আর এক্কান জনমর্ ঈচ্ গরেদে জিনিস ওইনে থেবঅ; যিগুনে সে কুরেদি যেবাক্ তারা আমক্ ওইনে মাঢাবো লারেবাক্।‌‌‍‍

যিরমিয় 48:27

ও মোয়াব, ইস্রায়েলে কি তর্ আজি-ঠাট্টার্ মানুচ্ ন-এলঅ? তে কি চুরুনো ভিদিরে ধরা পোজ্যস্, তুই যেদকবার তা কধা কচ্ সেদকবার ঈচ্ গুরিনে মাঢাবো লাড়াচ্?

নহূম 3:7

মান্‌জ্যে তরে দেগিনে মুয়োন্ ফিরেবাক্ আর কবাক্, ‘নীনবীগান ভস্ত ওই যেইয়্যে, কন্না তাত্তে আবিলেচ্ গুরিবো?’ মুই তত্তে কুদু বুঝেইয়্যে মানুচ্ তোগেইনে পেইম্?”

গণাণা 16:34

তারার কাঁনা-কুদিলোই চেরোকিত্তে বেক্‌ ইস্রায়েলীয়গুনে জগার্‌ পারিনে এই কধাগান্‌ কদে কদে দাবা দিলাক্, “পিত্‌থিমীগানে অয়ত আমারেয়ো গিলি ফেলেব।”

মথি লেখ্যে গম্ হবর্ 21:41

সেই ধর্ম-নেতাগুনে যীশুরে কলাক্, “তে সেই পাজি মানুচ্চুনোরে এক্কুবারে ভস্ত গুরিবো আর যে চাষাবলাগুনে তারে সময় মজিম্ ফসলর্ ভাগ্ দিবাক্ তারা ইধু সেই আংগুর খেদ্‌তান বাগা দিবো।”

লূকে লেখ্যে গম্ হবর্ 19:22

সেক্কে তে তারে কলঅ, তুই পাজি চাগর্ ! তঅ মুয়ো কধালোই মুই তর্ বিচের্ গুরিম্। তুই দঅ কোই পারচ্, মুই আঘাত্যে মানুচ্; যিয়েন্ ন-থুবাং সিয়েন লোই থাং আর যিয়েন ন-লাগাং সিয়েন্ কাবং।

ফগদাং পেইয়্যে 18:10

তারা তার্ যন্ত্রণা দেগিনে দরে দূরোত্ থিয়্যেই থেইনে কবাক্, “হায় বাবিল, হায়! সেই নাঙ্-গোজ্জ্যে শঅরান্, খেমতালোই ভরা সেই শঅরান্। এদক্ কম সময়ো ভিদিরে তর্ সাজা লুম্মেগি!”

ফগদাং পেইয়্যে 18:4

সিয়েন পরেদি মুই স্বর্গত্তুন্ আর একজনরে কধে শুনিলুং, “মঅ মানুচ্চুন, তুমি বাবিলোত্তুন্ নিগিলি এজঅ যেন তার্ পাপর ভাগীদার তুমি ন-অ, আর যেদক্কানি আঘাত্ তা উগুরে পড়িবো সিয়েনর্ কনগান যেন তমাত্তুন্ ভুগো ন-পড়ে।