গীতসংহিতা 64:7 - Chakma Bible

⁷ মাত্তর্ গোজেনে তারা উগুরে সেল মারিবো; আদিক্ক্যেন্‌গুরি সেল্লো ফুদিনে তারা পড়ি যেবাক্।

গীতসংহিতা 64:7 ပူးပေါင်းရင်းမြစ်များ

১ রাজাবলী 22:34

মাত্তর্‌ ইক্কো মান্‌জ্যে ন টাগিনে তা ধনুগানরে টানিনে ইস্রায়েল রাজার বুগোত্‌ আর পেদঅ সংমধ্যে ফাক্কানত্‌ আঘাত্‌ গুরিলো। সেক্কে রাজা তার রথ চালেয়্যেবোরে কলঅ, “রথ্‌তান্‌ ঘুরেইনে তুই যুদ্ধোর্‌ জাগানত্তুন্‌ মরে বারেন্দি নেযা। মুই আঘাত্‌ পেইয়োং।”

ইয়োব 6:4

বেগত্তুন্‌ খেমতাবলা গোজেনর সেল্‌লো মইদু ফুট্যে, মঅ পরাণানে সিবের্‌ বিষছান্‌ খার্‌; গোজেনর দর্‌গরেপারা কামানিয়ে মঅ বিরুদ্ধে সুর্‌ বুদিনে থিয়্যেইয়্যে।

গীতসংহিতা 18:14

তে সেল্ মারিনে শত্রুগুনোরে ছিদি দিলো, আর ঝিমিলেনে তারারে ছিত্রিভংগ গুরিলো।

গীতসংহিতা 64:4

যেনে হবর্ ন-পেইয়্যে জাগাত্তুন নিদ্দুযি মান্‌জ্যন্দি সেই সেলুন তারা মারি পারন্; তারা আদিক্ক্যেন্‌গুরি সিগুন্ মারন, ন-দরান।

গীতসংহিতা 73:19

কেজান্‌গুরি অদাঢত্ তারা ভস্ত ওই যান আর দর্‌বুক লাগেয়্যে দজাত্ এক্কুবারে শেজ্ ওই যান।

গম্ উপদেজ্ 29:1

ভালোক্‌‌বার সংশোধনর কধা শুনিনেয়ো যে মানুচ্চো গত্তনাবো দরমর গুরি রাগায় তে যে কনঅ সময়োত ভস্ত ওই যেবঅ; তে আর উদি ন-পারিবো।

গম্ উপদেজ্ 6:15

সেনত্তে আদিক্ক্যেন্‌গুরি তা উগুরে দজা এবঅ; যে কনঅ সময়োত্ তে ভস্ত ওই যেবঅ, তে আর্ উদি ন-পারিবো।

উপদেশক 9:3

বেলান তলেদি যিয়েনি ঘদে সিয়েনি ভিদিরে দুঘোর্ বেপারান্ অলঅ ইয়েন, বেক্কুনোর্ এক্কুই দজা ঘদে। ইয়েনিবাদেয়ো মান্‌জ্যর্ মনানি দুঘে ভরা আর যেদকদিন্ তে বাঁজি থায় সেদকদিন তা মনানত্ বিচের বুদ্ধি ন-থায়, আর সে পরেদি তে মুরি যায়।

যিশাইয় 30:13

সেনত্তে এ পাপ্‌পান তমাত্তে এক্কান অজল্, ফাদা মারা আর ভাঙি পুড়িবোদে দেবাল ধোক্ক্যেন্ অবঅ, যিয়েন অদাদত্ এক সময়ো ভিদিরে ভাঙি পুরিবো।‌‌

যিরমিয় 17:9

মনান্ বেগত্তুন্ বেশ ঠগ্, তারে কনঅ বাবদে গম্ গরা ন-যায়। কনজনে মান্‌‍‌‍‍জ্যর্ মনানি বুঝি ন-পারে।

মথি লেখ্যে গম্ হবর্ 24:40

সেক্কে দ্বিজন্ মানুচ্ মাদত্ কাম গুরিবাক্; একজনরে নেযা অবঅ আর একজনরে ফেলেই যাহ্ অবঅ।

দ্বি’লম্বর বিররণ 32:23

“মুই বেক্‌ দযাগানি আনিনে তারা উগুরে এগত্তর গুরিম; মর্‌ বেক্‌ সেলুন মুই তারা উগুরেই শেজ্‌ গুরিম্‌।

দ্বি’লম্বর বিররণ 32:42

মারে ফেলেইয়্যে আর বন্দী মানুচ্চুনোর লো হেইয়্যে মর্‌ সেলুনোরে মুই মাত্তল্‌ গুরি তুলিম্‌; মর্‌ তলোয়ারানে য়েরা হেবঅ, লাম্বা-চুলবলাবো শত্রুর মাদাবোর যেরা হেবঅ।”