গীতসংহিতা 62:9 - Chakma Bible

⁹ সমাজর তলেন্দি মানুচ্চুন মেঘ ধোক্ক্যেন্, আর উগুরে মানুচ্চুন বাজে বাবোত্যে; পাল্লাত্ মাবিলে তারা বেক্কুনে মিলিনে বোইয়্যেরত্তুন বেশ্ পাদল।

গীতসংহিতা 62:9 ပူးပေါင်းရင်းမြစ်များ

২ শমূয়েল 15:31

সেক্কে দায়ূদোরে কন্না কলঅ, “অবশালোম লগে কুজুরোমিগুরিয়্যে গুনোর ভিদিরে অহীথোফলেয়ো আঘে।” এ কধাগান শুনিনে দায়ূদ ইয়েন কোইনে তবনা গুরিলো, “ও লগেপ্রভু, তুই অহীথোফলর্‌ সল্লাগানরে ফোলেই ন-দিচ্।”

২ শমূয়েল 15:6

ইস্রায়েলীয়গুনোর যিদুক্কুন মানুচ্‌ রাজা ইদু বিচেরত্তে এদাক্‌ অবশালোমে তারার্‌ লগে এধোক্ক্যেন্‌ বেবহার গুরিদো। এধোক্ক্যেনগুরিনে তে ইস্রায়েলীয়গুনোর মনানি জয় গুরিলো।

২ রাজাবলী 19:14

হিষ্কিয় দূত্‌তুনো আঢত্তুন্‌ চিদিগান নেযেইনে পড়ি চেলঅ। সে পরেন্দি তে লগেপ্রভুর ঘরত্‌ যেইনে লগেপ্রভুর মুজুঙোত্‌ চিদিগান্‌ মিলিলো।

গীতসংহিতা 116:11

মুই দোরেইনে কোইয়োং, “বেক মানুচ্চুন্ মিজে কধা কন্।”

গীতসংহিতা 118:9

দাঙর্ পোজিশন মানুচ্চুন উগুরে বিশ্বেজ্ গরানাত্তুন্ লগেপ্রভু ইদু আশ্রয় নেযানা উজিত্।

গীতসংহিতা 142:3

যেক্কেনে মুই আজা নেইয়্যে অং সেক্কেনে তুয়ই মর্ জিংকানির পথ্‌তান পৌইদ্যেনে হবর্ পাজ্; মর্ যেবার পদথ্ মান্‌জ্যে মত্তে ভিদিরে ভিদিরে ফাল্ পাদি রাগেয়োন্।

গীতসংহিতা 39:11

পাপত্তে তুই যেক্কেনে মান্‌জ্যরে দরমর গুরিনে কধালোই শাজন্ গরচ্, সেক্কেনে পুক্-যুগো ধোক্ক্যেন গুরিনে তারার দোলান্ তুয়ই বর্‌বাদ্ লাগেই দুয়োচ্; মানুচ্ দঅ এক্কো নিজেস ধোক্ক্যেন্।

গীতসংহিতা 39:5

তুই মর্ আয়ুগান বানা চের্ আঙুলো সং গোজ্যচ্; তর্ চোগেন্দি মর্ জিংকানিগান কিচ্চু নয়। মানুচ্ তার্ বেক্কানিন্দি সয়সাগোজ্যে অবস্থাদ্‌অ বানা এক্কো নিজেস্ বাদে আর্ কিচ্চু নয়।

গীতসংহিতা 46:2

যুনিয়ো পিত্‌থিমীগান গির্‌গিরে উদে, মুড়ো-মুড়িগুন সাগরর্ সংমোধ্যে যেইনে পড়ন্দোই, যুনিয়ো বা পানিগান গুজুরি উদে আর ফেনালোই ভুরি উদে আর তার তুবলানর্ ঠেলালোই মুড়ো-মুড়িগুন জাগা লড়ন্, তো আমি ন-দোরেবং।

গীতসংহিতা 71:7

মরে চেইনে ভালোক্‌জনে আহ্ গুরি চেই থান্, মাত্তর্ তুই মর্ গভিন আশ্রয়।

যিশাইয় 26:4

তুমি উমরত্তে লগেপ্রভু উগুরে বিশ্বেজ্ গরঅ, কিত্তে লগেপ্রভু, সেই লগেপ্রভুই উমরত্তে আশ্রয়-মুড়ো।

যিশাইয় 40:15

চঅ, জাদ্‌‌তুনে যেন কুমো ভিদিরে পানি ধোক্ক্যেন্ এক্কো ফুদো; পাল্লার ধূল্যেকণা ধোক্ক্যেন্ তারারে মনে গরা অয়। দূর্ দেজ মানুচ্চুনে তাইদু মিহি ধূ্ল্যে ধোক্ক্যেন পাদল্।

যিশাইয় 40:17

বেক্ জাদ্‌‌‌তুনে তাইদু কিচ্ছু নয়; সিগুনোরে তে কিজু বিলিনে মনে ন-গরে; সিয়েনি তাইদু বাজে।

দানিয়েল 5:27

তকেল, অত্তাৎ মাবানা-পাল্লালোই তরে মাবা ওইয়্যে আর তুই কম্ ওইয়োস্।

মথি লেখ্যে গম্ হবর্ 21:9

যিগুনে যীশু মুজুঙোত্ আর পিজেদি যাদন্ তারা রঅ ছাড়িনে কুয়ো ধুরিলাক্, “হোশান্না, দায়ূদো গুট্টি! প্রভুর্ নাঙে যিবে এজের্ তার্ বাঈনী ওক্। স্বর্গত্অ হোশান্না!”

যোহন 19:15

সেক্কে তারা রঅ ছাড়িনে কলাক্, “দূর্ গর্, দূর্ গর্; তারে ত্রুুশোত্ দুয়ো।” পীলাতে তারারে কলঅ, “তমা রাজাবোরে কি মুই ত্রুুশোত্ দিম্?” আজল্ ধর্মগুরুগুনে জোব্ দিলাক্, “সম্রাট কৈসর বাদে আমার আর কনঅ রাজা নেই।”

রোমীয় 3:4

খামাক্কায় নয়। বেক্‌ মানুচ্চুন মিজে মাদিলেয়ো গোজেনে নিত্য সত্যবাদী। পবিত্র বোইবোত্ লেগা আঘে, “সেনত্তে তর্ রাইয়ান্ ঠিগ্, তঅ বিচেরান্ দোল্।”

১ শমূয়েল 1:15

জোবত্‌ হান্না তারে কলদে, “ও মর্‌ প্রভু, সিয়েন নয়। মুই অমহদ দুঃখী; মুই আংগুর-রসও ন-খাং, মদঅ ন-খাং। মুই লগেপ্রভুর মুজুঙোত্‌ মর্‌ মনান্‌ ঢালি দুয়ঙর্‌।

১ শমূয়েল 18:5

শৌল দায়ূদোরে যিয়েনত্‌ পাধেদ দায়ূদে সিয়েনত্‌ যেদঅ আর বুদ্ধির পরিচয় দিইনে সফলতা লাভ গুরিদো। সেনত্যেই শৌল তারে সৈন্যদলর এক্কো সেনাপতি বানেল। সেক্কে বেক্‌ মানুচ্চুনে হুজি অলাক্ আর শৌলর কামগুরিয়্যেগুনেয়ো হুজি অলািক্।

১ শমূয়েল 18:7

তারা নাজদে নাজদে এই গান্‌‌নো গেইয়োন, “শৌল মারিলোদে আজার আজার, আর দায়ূদে মারিলোদে অযুত অযুত।”

১ শমূয়েল 23:12

সেক্কে দায়ূদে আরঅ পুযোর্‌ গুরিলো, কিয়ীলার মানুচ্চুনে কি মরে আর মর্‌ মানুচ্চুনোরে শৌলর আঢত্‌ তুলি দিবাক্? লগেপ্রভু কলঅ, “অয়, দিবাক্।”