গীতসংহিতা 62:4 - Chakma Bible

⁴ তার দাঙর্ পথ্‌তানত্তুন্ তারে তলেন্দি লামেই দেনা তারার বানা এক্কান ফন্দি; মিজে কধালোই তারার ফুত্তি। মুয়োন্দি তারা বর্ দুয়োন্ মাত্তর্ মনেদি অভিশাব্ দুয়োন।

গীতসংহিতা 62:4 ပူးပေါင်းရင်းမြစ်များ

গীতসংহিতা 119:163

মিজেগানরে মুই ঘিনাং, জঘন্য মনে গরং, মাত্তর্ তঅ উগুমানি মুই গম পাং।

গীতসংহিতা 28:3

যিগুনে পাজি, যিগুনে বজং কাম্ গুরি গুরি বেড়ান্, যিগুনে বেক্কুনো সমারে গমেডালে কধা কন্ অদচ ভান্ন্যেয়ানি মনত্ রাগান্, তারা লগে সাজা দিবাত্তে তুই মরে টানি ন-নেযেচ্।

গীতসংহিতা 5:9

মঅ শত্রুগুনোর কনঅ কধা বিশ্বেজ্ গরা ন-যায়, তারা মনত্ আগেদে ভস্ত অইদে মনভাব, তারা মুয়োনি যেন মেল্যে গোর ধোক্ক্যেন্, জিল্লোই তারা থেঝেরামাজ্যে কধা কন্।

গীতসংহিতা 51:6

তুই মনান ভিদিরে সত্যগান দেগিবাত্তে চাজ্; তুয়ই মর্ মনানর্ গভীনোত্ জ্ঞানান্ দে।

গীতসংহিতা 52:3

তুই গমত্তুন্ ভান্ন্যেইয়ান কো্চ্‌পাজ্, আর কোচ্‌পাজ্ সত্যত্তুন্ মিজে কধা কনাগান।

গীতসংহিতা 55:21

তার মুয়ো কধানি মাখনত্তুন বেশ্ নরম, মাত্তর্ তা মনানত্ রোইয়্যেদে যুদ্ধো; তা কধানি কিয়্যেত্ গুল্যে তেলত্তুন বেশ্ আরামর, মাত্তর্ সিয়েনি যেন থৈল্যেত্তুন টানি নিগিল্যেয়ে তলোয়ার।

গম্ উপদেজ্ 13:5

গোজেন ভক্তগুনে মিজে কধানিরে ঘিনেন্, মাত্তর্ পাজি মানুচ্চুনে লাজত্ আর দুন্নামর ভাগি অন্।

গম্ উপদেজ্ 6:17

বার্বো বার্বো চোগ, মিজেকধা কোইয়্যে জিলান্, গম্ মান্‌জ্যরে খুন্‌গোজ্যে যে আঢ্‌তানি,

যিশাইয় 30:13

সেনত্তে এ পাপ্‌পান তমাত্তে এক্কান অজল্, ফাদা মারা আর ভাঙি পুড়িবোদে দেবাল ধোক্ক্যেন্ অবঅ, যিয়েন অদাদত্ এক সময়ো ভিদিরে ভাঙি পুরিবো।‌‌

হোশেয় 7:3

তারার্ পাজিগানিলোই তারা রাজারে আর মিজে কধালোই রাজার্ কামগুরিয়্যেগুনোরে হুজি গরন।

মথি লেখ্যে গম্ হবর্ 2:16

পন্ডিত্‌তুনে তারে ঠোগেয়োন দেগিনে হেরোদে জদবদে রাগ্ তুলিলো। সেই পন্ডিত্‌তুনোত্তুন্ যে সময়ো কধাগান তে জানি লোইয়্যে সে সময় ইজেব মজিম দ্বিবজর্ আর তাত্তুন্অ কম বয়জর্ যিদুক্কুন্ পুয়ো বৈৎলেহম আর সিয়েনর কায়কুরে জাগায়ানিত্ এলাক্ বেক্কুনোরে মারে ফেলেবাত্তে উগুম দিলো।

মথি লেখ্যে গম্ হবর্ 22:15

সেক্কে ফরীশীগুনে গেলাক্কোই আর কেধোক্ক্যেন্ গুরি যীশুরে তা কধা ফালত্ ফেলা যায় সে সল্লাগান্ গরা ধুরিলাক্।

মথি লেখ্যে গম্ হবর্ 22:23

সেদিন্নোত্ কয়েক্কো সদ্দূকী যীশু ইধু এলাক্। সদ্দূকিগুনো সুদোমে মরাগুনোর্ জেদা ওই উদোনা বিলি কিচ্ছু নেই।

মথি লেখ্যে গম্ হবর্ 27:1

বেন্যেমাদান্ আজল্ ধর্মগুরুগুনে আর বুড়ো নেতাগুনে বেক্কুনে যীশুরে মারে ফেলেবার্ কধাগান্ ঠিগ্ গুরিলাক্।

লূকে লেখ্যে গম্ হবর্ 11:39

প্রভু তারে কলঅ, সালে শুনো, তুমি, অত্তাৎ ফরীশীগুন থাল্ আর কদরা বারেদিগান্ তেল্‌তেল্যে গুরি রাগঅ, মাত্তর্ তমা ভিদিরেদিগান্ লুভে আর ভান্ন্যেয়দি ভরা।

লূকে লেখ্যে গম্ হবর্ 20:20

সেনত্যে তারা যীশুরে চোগে চোগে রাগেলাক্ আর এস্পাই পাধেই দিলাক্। যীশুরে তার্ নিজো কধা ফালত্ ফেলেবাত্যে সেই এস্পাইয়ুনে গম্ মান্‌‌‌‌জ্যর ভান্ গরা ধল্ল্যাক্, যেন তারা তারে আঝল্ শাসনগুরিয়্যেবোর্ বিচেরত্ ফেলেই পারন্।

যোহন 8:44

শদানে তমা বাপ্ আর তুমি তার্ পুয়ো-ছা; সেনত্তে তুমি তা আওজ্‌চান্ পুরেবাত্তে চঅ। শদানে পৌইল্যাত্তুন্ ধুরি খুনী। তে কনদিন্অ সত্যত্ বজত্তি ন-গরে, কিয়া তা ভিদিরে সত্য নেই। তে যেক্কে মিজে কধা কয় সেক্কে তে সিয়েন্ নিজোত্তুন্ কয়, কিয়া তে মিজে কধা মাদিয়্যে আর বেক্‌ মিজে কধার্ জর্ম তা ভিদিরেত্তুন্ ওইয়্যে।

রোমীয় 1:32

গোজেনর্ এ বিচেরর্ কধানি তারা গমেডালে হবর্ পান্ যে, এবাবোত্যে কাম্ যিগুনে গরন্ তারা মরণর্ সাজা পেবার্ কধা। এ কধাগান্ কোই পারিনেয়ো তারা যে বানা ইয়েনি গুরি থান্ সিয়েন নয়, মাত্তর্ অন্য যিগুনে সিয়েনি গরন্ তারারেয়ো অজেই দুয়োন্।

রোমীয় 7:22

মঅ মনানে গোজেনর্ রীতি-সুদোমে হুজি অয়;

ফগদাং পেইয়্যে 22:15

কুগুরো ধোক্ক্যেন জঘন্য মানুচ্, যাদুকর, পর্‌পাগোল্যে, খুনী, মূত্তি পূজোগুরিয়্যে, আর যিগুনে মিজে মাদানা কোচ্‌পান্ আর মিজে কধালোই চলন্, তারা বেক্কুনে বারেদি পড়ি আঘন্।