গীতসংহিতা 61:4 - Chakma Bible

⁴ তর্ তাম্বুলোত্ যেন মুই জিংকানিবর বজত্তি গুরি পারং; তর্ ডুয়োগান তলে যেন আশ্রয় পাং।

গীতসংহিতা 61:4 ပူးပေါင်းရင်းမြစ်များ

গীতসংহিতা 15:1

ও লগেপ্রভু, তর্ থেবার্ তাম্বুলানত্ কন্না থিয়্যেবার্ যগাজ্যে? তর্ পবিত্র মুড়োবোত্ কন্না বজত্তি গুরিবার্ যগাজ্যে?

গীতসংহিতা 17:8

চোগো মানেগ ধোক্ক্যেন গুরি তুই মরে রোক্ষ্যে গর্; যিগুনে মঅ উগুরে অত্যেচার্ গরন্ সে পাজিগুনোত্তুন্, যিগুনে মারে ফেলেবাত্তে মরে ঘিরি আগন্ সে শত্রুগুনোত্তুন্, তুই মরে তর্ ডুয়োগানি ছাবালোই রাগা।

গীতসংহিতা 23:6

মুই হবর্ পাং সারা জিংকানিবর্ তর্ ভালেদি আর অমকদ কোচ্‌‌পানা মর্ পিজে পিজে এবঅ; আর মুই জিংকানিবর্ লগেপ্রভুর ঘরত্ বজত্তি গুরিম।

গীতসংহিতা 27:4

লগেপ্রভুর ইদু মুই এক্কান কোজোলী গরঙর্; মুই যিয়েন্ চাঙর্ সিয়েন্ অলদে- মুই সারা জিংকানিগান যেনে লগেপ্রভুর ঘরত্ বজত্তি গুরি পারং, যেনে মুই তার্ দোলান্ চেই পারং আর সেই থেবার ঘরানত্ তা বেপারান্দোই ধ্যান গুরি পারং;

গীতসংহিতা 57:1

মঅ উগুরে দোয়্যে গর্; ও গোজেন, মঅ উগুরে তুই দোয়্যে গর্, কিত্তেই তইদু মুই আশ্রয় নেযেয়োং। তর্ ডুয়োনির ছাবাত্ তলে মুই থেম যেদকদিন সং মঅ উগুরেত্তুন এ দযাগানর ঝড়ান্ সুরি ন-যায়।

গীতসংহিতা 61:7

তে জিংকানিবর গোজেনর মুজুঙোত্ বজত্তি গুরিবো; তারে রোক্ক্যে গুরিবাত্তে তর্ অমকদ কোচ্‌পানা আর বিশ্বেজ্‌ছানরে তুই কামত্ লাগা।

গীতসংহিতা 62:7

মর্ উদ্ধোর আর মান-সর্মানান গোজেন উগুরে নির্ভর গরের; গোজেনে মর্ বল্, মর্ অজল মুড়ো, তেয়ই মর্ আশ্রয়র জাগা।

গীতসংহিতা 63:7

কিত্তেই তুই মর্ এজালদিয়্যে; তর্ ডুয়োগানির্ তলেদি মুই গান গাং।

গীতসংহিতা 90:1

ও প্রভু, বংশর পর বংশ ধুরি তুয়ই আমার থেবার জাগা।

গীতসংহিতা 91:1

দাঙর্ গোজেনর আশ্রয়ত্ যে বজত্তি গরে তে বেগত্তুন্ খেমতাবানর ছাবাত্ থায়।

গীতসংহিতা 91:4

তার ডুয়োনিলোই তে তরে ঢাগি রাগেব, তার ডুয়োগানির তলে তুই আশ্রয় পেবে; তার বিশ্বেজ্‌ছান তর্ ঢাল আর কিয়্যে রোক্ষ্যেগুরিয়্যে ঢাল অবঅ।

গীতসংহিতা 92:13

আমা গোজেন লগেপ্রভুর ঘরত্ যিগুনোর লাগা ওইয়্যে তারা তা উদোনত্ দাঙর্ অবাক্।

গম্ উপদেজ্ 18:10

লগেপ্রভুর দরমর ঘর ধোক্ক্যেন্; গোজেন ভক্ত মান্‌জ্যে সিয়েনত্ যেইনে রোক্ষ্যে পায়।

মথি লেখ্যে গম্ হবর্ 23:37

“যিরূশালেম! হায় যিরূশালেম! তুই ভাববাদীগুনোরে খুন্ গুরি থাচ্ আর তমা ইধু যিগুনোরে গোজেনর্ হবর্ কোইয়্যে দিপাদা অয় তারারে পাত্তর্ মারি থাচ্। কুরো শর্মা যেবাবোত্যেগুরি ছগুনোরে তা ডুয়োনিলোই এগত্তর্ গরে সেবাবোত্যেগুরি মুই তঅ মানুচ্চুনোরে কয়বার্ মইধু এগত্তর্ গুরিবাত্তে চেইয়োং, মাত্তর্ তুমি রাজী ন-অ।

ইব্রীয় 6:18

গোজেনর্ এগেম্ আর শমথ্‌তান কনদিন্অ ন-বদলায়। গোজেন, যিবের্ পৌইদ্যেনে মিজে মাঢানা সম্ভব নয়, তেয়ই এ এগেমান্ আর শমথ্‌তান গোজ্জ্যে, যেনে আমা মুজুঙোত্ যে আজাগান আঘে সিয়েন গমেডালে ধুরিবাত্যে ধাবা দিবাত্যেই আমি বোউত্ উচ্চোমি পেই।

ফগদাং পেইয়্যে 3:12

যে জিদিবো তারে মুই মর্ গোজেন ঘরর্ এক্কো খুদো বানেম; তে আর কনদিন্‌অ বারেদি ন-যেবঅ। মুই তা উগুরে মর্ গোজেনর্ নাঙান্ আর মর্ গোজেনর্ শঅরানর্ নাঙান লিগিম। নুয়ো যিরূশালেমানই সেই শঅরান্। স্বর্গ ভিদিরেত্তুন্ মঅ গোজেন ইত্তুন এ শঅরান্ লামি এবঅ। যে জিদিবো মুই তা উগুরে মর্ নুয়ো নাঙান্অ লিগিম।

রূত 2:12

ইয়েনত্যেই লগেপ্রভু যেনে তরে বর্‌ দে। ইস্রায়েলীয়গুনোর গোজেন্‌ লগেপ্রভু, যিবের্‌ ছাবাত্‌ তলে তুই ঝিরেবাত্তে এচ্ছোস্‌, তে যেনে তরে তর্‌ পাওনাগান পুরোপুরিই দে।”