গীতসংহিতা 61:2 - Chakma Bible

² মুই যেক্কেনে নিরাজায়্ ভাঙি পড়ং সেক্কেনে পিত্‌থিমীর শেজ্ দুযিত্ থেলেয়ো সিয়োত্তুন্ মুই তরে ডাগিম। মরে তুই এন্ কনঅ অজল্ আশ্রয়-মুড়োত নেযেইনে রাগা যিয়েন মর্ নাগালর বারেন্দি।

গীতসংহিতা 61:2 ပူးပေါင်းရင်းမြစ်များ

গীতসংহিতা 142:3

যেক্কেনে মুই আজা নেইয়্যে অং সেক্কেনে তুয়ই মর্ জিংকানির পথ্‌তান পৌইদ্যেনে হবর্ পাজ্; মর্ যেবার পদথ্ মান্‌জ্যে মত্তে ভিদিরে ভিদিরে ফাল্ পাদি রাগেয়োন্।

গীতসংহিতা 143:4

সেনত্তে মুই আজা নেইয়্যে ওইয়োং; মঅ মনান্ বাজে ওই যেইয়্যে।

গীতসংহিতা 17:1

ও লগেপ্রভু, তুই ন্যায়র্ কধা শুনোচ্, মঅ কানানিগান কান্ পাত্; মর্ ছলনা নেইয়্যে মুয়োর্ তবনাগান শুন্।

গীতসংহিতা 18:2

লগেপ্রভু মর্ অজল্ মুড়ো, মর্ ঘর আর মর্ উদ্ধোর্ গুরিয়্যে; মর্ গোজেন মর্ অজল্ মুড়ো, তাইদু মুই আশ্রয় নেযাং। তেয়ই মর্ ঢাল, মর্ রোক্ষ্যেগুরিয়্যে শিং, মর্ অজল্ আশ্রয়-জাগা।

গীতসংহিতা 18:46

লগেপ্রভু জেদা। মর্ আশ্রয়-মুড়োবোর বাঈনী ওক্। মর্ উদ্ধোর্ গুরিয়্যে গোজেন সর্মানান্ বাড়োক্।

গীতসংহিতা 27:5

কিত্যে দযার্ দিনোত্ তার্ সেই আশ্রয়লোই তে মরে গমেডালে রাগেব, তার্ সে তাম্বুলানত্ মরে লুগেই রাগেব, আর মুড়ো উগুরে মরে তুলি রাগেব।

গীতসংহিতা 40:2

তে মরে তুলি আনিলো মুরি যাইদে গাঢত্তুন্, সেই এলাফেলালোই ভোজ্যে গাঢত্তুন্। তে মরে পাত্তর উগুরে থিয়্যেবাত্তে দিলো আর দর মাঢি উগুরে আঢিবাত্তে দিলো।

গীতসংহিতা 42:6

ও মর্ গোজেন, মর্ পরাণান আজা নেইয়্যে ওইনে পোজ্যে; সেনত্তে দঅ মুই যর্দন গাঙর্ গড়াগানত্ থিয়্যেইনে, হর্মোণ মুড়োবোর মাঢাত্ আর মিৎসিয়র মুরোবোত্ থিয়্যেইনে তর্ কধাগান ভাবঙর্।

গীতসংহিতা 43:5

ও মর্ পরাণান, কিত্তেই তুই আজা আরেয়োজ্? কিত্তেই এদক্ চুলুবুলু ওইয়োচ্? গোজেন উগুরে আজা রাগা, কিয়া মুই আরঅ তার্ বাঈনী গুরিম; তেয়ই মর্ উদ্ধোরগুরিয়্যে আর মর্ গোজেন।

গীতসংহিতা 55:5

মরে দর্‌বুগে আর গির্‌গিরেনিয়ে ধোজ্যে; অমকদ দরে মুই জুরো গুরি আগং।

গীতসংহিতা 62:2

বানা তেয়ই মর্ অজল্ মুড়ো আর মর্ উদ্ধোর; তেয়ই মর্ ঘর, মুই পুরোপুরি গুরিনে উদিই ন-যেম্।

গীতসংহিতা 62:6

বানা তেয়ই মর্ অজল্ মুড়ো আর মর্ উদ্ধোর; তেয়ই মর্ ঘর, মুই থির্ থেম।

গীতসংহিতা 77:3

মুই যেক্কেনে গোজেন কধা ইদোত্ তুলিদুং সেক্কে দুঘে ফোবেদুং; চিদে গত্তে গত্তে মুই আজা আরাং।

যিশাইয় 32:2

তারাত্তুন্ পত্তি জনে অবাক্কে যেন বোইয়্যেরত্তুন্ পোল্যেয়্যে জাগা আর ঝড়ত্তুন্ আশ্রয়জাগা, যেন ধূল্যেচরত্ গঙার পানি আর রোদ্ পোজ্যে ভূইয়োত্ দাঙর্ পাত্তর ছাবা।

যিশাইয় 54:11

লগেপ্রভু কত্তে, ও ঝড়ে আঘাত্ পেইয়্যে, সান্তনা ন-পেইয়্যে অত্যেচার ওইয়্যে শঅরান্, মুই তরে জোল্‌‍‌‌জোল্যে পাত্তর্‌লোই বানেবাত্তে যাঙর্ আর তর্ গড়াগান নীলকান্ত মণিলোই গাড়েম্।

লূকে লেখ্যে গম্ হবর্ 22:44

মনত্ দুঘে যীশু আরঅ এগামনে তবনা গল্ল। তা কিয়্যের্ ঘাম্ লো ফুদো ধোক্ক্যেন্ ওইনে মাদিত্ পরা ধল্ল।

দ্বি’লম্বর বিররণ 4:29

মাত্তর্‌ সিয়েনত্তুন্‌ তুমি তমা গোজেন লগেপ্রভু ইন্দি মন্‌ ফিরেবা আর সেক্কে তুমি তার্‌ কায়-কুরেত্তুন্‌ সাড়া পেবা, হামাক্কায়্‌ যেক্কেনে তুমি তমার্‌ বেক্‌ মন-পরাণানি দিইনে সিয়েনি গুরিবা।