গীতসংহিতা 60:6 - Chakma Bible

⁶ গোজেনে তার পবিত্র নাঙে কোইয়্যেদে, “মুই হুজিয়ে শিখিমান ভাগ গুরি দিম, সুক্কোতর সংজাগায়ান জরীপ গুরিনে ভাগ গুরি দিম।

গীতসংহিতা 60:6 ပူးပေါင်းရင်းမြစ်များ

পত্থম 12:6

কনান দেজ ভিদিরেদি যাদে যাদে অব্রামে শিখিম শঅর ইধু মোরির পবিত্র গাজ্‌সো সং গেলঅ। সেক্কেয়ো কনানীয়গুনে সে দেজত্‌ বজত্তি গুরিদাক্।

২ শমূয়েল 3:18

ইক্কিনে সিয়েন গর্‌। লগেপ্রভু দায়ূদো পৌইদ্যেনে এগেম্ গোজ্যেদে, তে তার্‌ চাগর্‌ দায়ূদোরে দিইনে পলেষ্টীয়গুনোর আঢত্তুন্‌ আর তারার বেক্‌ শত্রুগুনোর্‌ আঢত্তুন্‌ তার্‌ মানুচ্‌ ইস্রায়েলীয়গুনোরে উদ্ধোর্ গুরিবো।”

গীতসংহিতা 119:162

যুদ্ধোত্ পেইয়্যে পযাপিরালোই মান্‌জ্যে যেবাবোত্যে হুজি অন, ঠিগ্ সেধোক্ক্যেন তর্ এগেমানিত্তে মুই হুজি অং।

গীতসংহিতা 132:11

লগেপ্রভু দায়ূদো ইদু এ শমক্তান্ গোজ্যে যিয়েন তে কনদিন্‌অ ন-ভাঙিবো, “তর্ এক্কো পুয়োরে মুই তঅ সিংহাসনানত্ বোজেম্।

গীতসংহিতা 56:4

যিবের কধানির গুণগান মুই গাং, সেই গোজেন উগুরে, অয়, সেই গোজেন উগুরে মুই বিশ্বেজ্ গরং; মুই ন-দোরেম, মান্‌জ্যে মরে কি গুরি পারন্?

গীতসংহিতা 89:19

একপল্লা তুই দর্শন দিইনে তর্ ভক্তগুনোরে কোইয়োচ্, মুই এক্কো বীরোরে সাহায্য গোজ্যং; মানুচ্চুনো ভিদিরেত্তুন একজনরে বেঈ নেযেইনে অজলত্ তুল্যং।

গীতসংহিতা 89:35

মঅ পবিত্রতাগান শমক্ গুরি মুই একপল্লা কোই রাগেয়োং- মুই দায়ূদো ইদু কনদিন্‌অ মিজে কধা ন-কোম;

যিরমিয় 23:9

যেরেদি ভাববাদীগুনো পৌইদ্যেনে লগেপ্রভুর কধানি শুনিনে মঅ মনান যেন ভিদিরে ভিদিরে ভাঙি পোজ্যে আর মর্ বেক আড়ুন গির্‌গিরেদন। লগেপ্রভু আর তার পবিত্র কধানিত্তে মুই মাত্তল ধোক্ক্যেন, আংগুর-রস হেইনে অমকদ মাত্তল ওইয়্যে মানজ্য ধোক্ক্যেন ওইয়োং।‍‍‍

আমোষ 4:2

প্রভু লগেপ্রভু নিজো পবিত্রতালোই শমক্ গুরি কোইয়্যেদে, সে অক্তত্ হামাক্কায় এবাক্ যেক্কে হেবা লাগেইনে তমারে টানিনে নেযা অবঅ; তমারে বেক্কুনোরে বুজ্জিলোই টানি নেযা অবঅ।

যিহোশূয় 1:6

“তুই বলী অ, মনত্‌ বল্‌ বান্‌, কিত্তেই যে দেজ্‌চান দিবার্‌ কধা মুই এ মানুচ্চুনোর পূরোণি মানুচ্চুনো ইদু শমক্‌ খেইনে কোইয়োং, সে দেজ্‌চান এ মানুচ্চুনোর অধিকার ইজেবপান্ তত্তুনোই ভাগ গুরি দিয়্যে পুরিবো।

যিহোশূয় 13:27

কিজিঙো ভিদিরে বৈৎ-হারম, বৈৎ-নিম্রা, সুক্কোৎ, সাফোন আর হিষ্‌বোনর রাজা সীহোনর রেজ্যর বাদবাগি ভাক্কান্‌ আর কিন্নেরত সাগরর দোগিণেন্দি সং যর্দন গাঙর পূগ দুযিগান ধুরিনে বেক্‌ চাগালাগান।

যিহোশূয় 17:7

মনঃশি-গুট্টির জাগায়ানর দুযির চিহ্নোগান আশেরত্তুন্‌ আরাম্ভ ওইনে শিখিম ইদু মিক্‌মথৎ সং গেলঅ‌। সে পরেন্দি সিয়েন দোগিনেন্দি গেলঅ‌, যিয়েনত্তে ঐন্‌-তপূহর আদাম্মেগুনে মনঃশি-গুট্টির চাগালা ভিদিরে পড়ি গেলাক্‌।

যিহোশূয় 20:7

সেনত্তেই ইস্রায়েলীয়গুনে আশ্রয়-শঅর্‌ ইজেবে নপ্তালি-গুট্টিগুনোর্‌ ভাগর্‌ মুড়ো-মুড়ি চাগালার গালীলর কেদশ, ইফ্রয়িম-গুট্টির ভাগর মুড়ো-মুড়ি চাগালার শিখিম আর যিহূদা-গুট্টির ভাগর মুড়ো-মুড়ি চাগালার কিরিয়ত-অর্ব, অত্তাৎ হিব্রোণান ফারক্‌ গুরি রাগেল।

যিহোশূয় 24:1

ইয়েনর্ পরেদি যিহোশূয় ইস্রায়েলীয়গুনোর বেক্‌ গুট্টিগুনোরে শিখিমোত্‌ এক্কান্‌ জাগাত্‌ এগত্তর্‌ গুরিলো। তে ইস্রায়েলীয়গুনোর বুড়ো নেতাগুনোরে, মুরুব্বীগুনোরে, বিচেরগুরিয়েগুনোরে আর কাম্‌গুরিয়েগুনোরে ডাগিলো। সেক্কে তারা গোজেনর্‌ মুজুঙোত্‌ আঝিল্ অলাক্‌।

যিহোশূয় 24:32

যোষেফর আড়ুন, যিগুন ইস্রায়েলীয়গুনে মিসর দেজত্তুন্‌ লোই এচ্ছো্‌ন্‌, সিগুন্‌ তারা শিখিমোত্‌ গোর্ দিইনে রাগেয়োন্‌। যাকোবে এ জাগায়ান শিখিমর বাপ হমোরর পূঅগুনোত্তুন্‌ একশঅ্‌ কসীতা দিইনে কিনি লোইয়্যে। এ জাগায়ান যোষেফর বংশধরুনোর সোম্বোত্তি ভিদিরে পোজ্যে।