গীতসংহিতা 60:3 - Chakma Bible

³ তঅ মানুচ্চুনোরে তুই দুঘোর দিন দেগেয়োচ্; তুই আমারে এমন্ আংগুরো-রস হাবেয়োচ্ যিয়েনত্তে আমি মাত্তল ধোক্ক্যেন আদির্।

গীতসংহিতা 60:3 ပူးပေါင်းရင်းမြစ်များ

নহিমিয় 9:32

ও আমা গোজেন, তুই দাঙর্, বোলী আর দর্‌বুগ্‌ জাগেয়্যে গোজেন। তর্‌ শেজ্‌ ন-ওইয়্যে কোচ্‌পানার্‌ সুদোমানি তুই রোক্ষ্যে গুরি থাচ্‌। আসিরিয়ার রাজাগুনোর্‌ সময়ত্তুন্‌ ধুরি আরাম্ভ গুরিনে এচ্ছ্যে সং যে দুখ্‌কানি আমা উগুরে আর আমা রাজাগুনোর্‌, নেতাগুনোর্‌, ধর্মগুরুগুনোর্‌, ভাববাদীগুনোর্‌, আমা পূরোণিমানুচ্চুনোর্‌ আর তমার্‌ বেক্‌ মানুচ্চুনো উগুরে চলের্‌ সিয়েনি তঅ চোগেন্দি যেনে চিগোন্‌ বিলিনে মনে ন-গরচ্‌।

গীতসংহিতা 71:20

যুনিয়ো তুই মঅ উগুরে বোউত্ দুঘ্ আর দযা আন্যচ্, তো তুই আরঅ মঅ পরাণান জেদা গুরি দিবে; মাদি তলেত্তুন্ তুলি আনেদে ধোক্ক্যেন গুরি আরঅ তুই মরে তুলি আনিবে।

গীতসংহিতা 75:8

লগেপ্রভুর আঢত্ এক্কো গলস আঘে, সিয়েনত্ ফেনা উত্যে মজলা মিজেয়্যে আংগুর-রস আঘে। তে সেই গলস ইত্তুন ঢালি দে; পিত্‌থিমীর বেক পাজি মানুচ্চুনে সিবের্ তলাগান সং হেই পেবাক্।

গীতসংহিতা 80:4

ও বেগত্তুন খেমতাবলা লগেপ্রভু গোজেন, তঅ মানুচ্চুনোর তবনাগানিলোই আর কয়দিন তুই বেজার ওই থেবে?

গীতসংহিতা 80:8

তুই এক্কান আংগুর লুদি ধোক্ক্যেন্ মিসর দেজত্তুন্ আমারে আনিলে; অন্য জাদ্‌তুনোরে ধাবেই দিইনে তুই সিয়েনরে লাগেলে।

গীতসংহিতা 85:5

উমরত্যে কি তুই আমা উগুরে তর্ রাগ্‌কান অদে অদে রাগেবে? বংশর পর বংশ ধুরি কি তুই জদবদে গুরি বেজার্ ওই থেবে?

গীতসংহিতা 89:39

তঅ চাগরবোত্যে যে সুদোমান থিদেবর্ গোজ্যস্ সিয়েন তুই টেঙোই মাজ্যচ্; তা মুকুট্‌তো তুই মাদিত্ ফেলেইনে অসিজি গোজ্যস্।

যিশাইয় 51:17

ও যিরূশালেম, জাগি উঠ্, থিয়্যে। তুই দঅ লগেপ্রভুর আঢত্তুন্ তার রাগর গলচ্চোলোই হেইয়োচ্; মান্‌জ্যে যে গলচ্চোত্তুন্ হেইনে টলে পড়া ধোজ্যন্ সেই গলচ্চো তলা সং তুই লেই লেই হেইয়োচ্।

যিশাইয় 51:22

তর্ প্রভু লগেপ্রভু, তর্ গোজেন, যিবে তা মানুচ্চুনোর তপ্পে থায় তে এ কধাগান কোইয়্যেদে, “চাহ্, যে গলচ্চোত্তুন্ হেইনে তুই মাত্তল্ অদে সিবে মুই তঅ আঢত্তুন্ নেযেয়োং; মর্ রাগর সেই গলচ্চোত্তুন্ তুই আর কনদিন্‌অ ন-হেবে।

যিরমিয় 25:15

ইস্রায়েলর গোজেন লগেপ্রভু মরে কোইয়্যেদে, “তুই মঅ আঢত্তুন আংগুর রস, অত্তাৎ মর্ রাগে ভরা এ গলস্‌চো নেযা আর যিদুক্কুন জাদ ইধু মুই তরে পাদেম্ তারারে সিয়েন হেবাত্তে দে।‌‌

আবিলেচ্ 4:21

ঊষ দেজত্ বজত্তি গুরিয়্যে ও ইদোম-ঝিবো, তুই ফুত্তি গর্, হুজি অ; মাত্তর্ তরেয়ো সেই গলচ্‌সো দিয়্যে অবঅ; তুই মাত্তল্ আর লাংটা-বাংটা অবে।

দানিয়েল 9:12

আমার আর আমার শাজন্‌গুরিয়্যেগুনোর্ বিরুদ্ধে তুই যে কধানি কোইয়োচ্ সিয়েনি পূরোণ গুরিবাত্তে তুই আমা উগুরে দাঙর্ দযা আন্যচ্। যিরূশালেম উগুরে যিয়েনি গরা ওইয়্যে গোদা পিত্‌‌‌থিমীত্ আর কনজাগাত্ সেবাবোত্যে গরা ন-অয়।

হবক্‌‌‌‌কূক 2:16

তুই সর্মানর্ বদলে লাজে পরিপূরোণ অবে। এবেরা তর্ পালা। তুই মদ হেইনে লাংটা-বাংটা অ। লগেপ্রভুর ডেন্ আঢর্ রাগর্ গলস্‌‌‌‌‌ছো তন্দি এজের্; অসর্মানে তঅ সর্মানান্ ঢাগা যেবঅ।

ফগদাং পেইয়্যে 16:19

সেই নাঙ্-গোজ্জ্যে শঅরান তিন ভাগে ভাগ ওই গেলঅ আর নানান্ জাদর্ শঅরানি ভাঙি পড়ি গেলঅ। যেরেদি সেই নাঙ্-গোজ্জ্যে বাবিল কধা গোজেনর্ মনত্ পড়িলো, আর তে তার্ রাগে দর্‌গরেপারা মদ গলচ্চো ভোরেইনে বাবিলরে হেবাত্যে দিলো।

ফগদাং পেইয়্যে 18:16

তারা কানি কানি দুঘ্ পেইনে কবাক্, “হায়, হায়! নিগুজ্ মসীনা কাবড় আর বিগুনী আর রাঙা কাবড় পিন্ন্যে আর সনা, মংগা পাথর আর মুক্তোলোই সাজেইয়্যে সেই নাঙ-গোজ্জ্যে শঅরান্!