গীতসংহিতা 60:2 - Chakma Bible

² তুই দেজ উগুরে ভূজোল্ আন্যচ্, ফাদা মারা ধোরেই দুয়োচ্; তুই সিয়েনর ফাদামারাগান নাঢি দে, কিত্তেই দেজ্‌ছান তলে পড়ের্।

গীতসংহিতা 60:2 ပူးပေါင်းရင်းမြစ်များ

২ শমূয়েল 22:8

সেক্কে পিত্তিমীগানে গির্‌গিরে উদিলো আর লরা ধোজ্যে, গির্‌গিরে উদিলো আগাজর্‌ গোড়াগান; তা রাগে সিয়েনি গির্‌গিরা ধুরিলো।

২ শমূয়েল 8:1

পরেন্দি দায়ূদে পলেষ্টীয়গুনোরে ওদেই দিইনে তারার্‌ নিজো অধীনোত্‌ আনিলাক্। তে পলেষ্টীয়গুনোর আঢত্তুন্‌ মেথেগ-আম্মাাগান্ গজক্ গুরি নেযেল।

১ বংশধর 18:12

সরূয়ার পুয়ো অবীশয়ে নুন্‌-কিজিঙোত্‌ আটার আজার্ ইদোমীয়রে মারে ফেলেল।

১ বংশধর 18:3

পরেন্দি সোবার রাজা হদদেষরে যেক্কে ইউফ্রেটিস গাঙান সং তা জাগায়ানিত্‌ আরঅ তার্‌ খেমতাগান থিদেবর্ গুরিবাত্তে গেলঅ সেক্কে দায়ূদে তা লগে যুদ্ধো গুরিবাত্তে হমাৎ সং গেলঅ।

১ বংশধর 18:5

দামেস্কর অরামীয়গুনে যেক্কেনে সোবার রাজা হদদেষররে বল্‌ দিবাত্তে এলাক্‌ সেক্কে দায়ূদে তারার্‌ বেইশ্‌ আজার্ মান্‌জ্যরে মারে ফেলেল।

২ বংশধর 7:14

সেক্কে মঅ মানুচ্চুনে, যিগুনোরে মর্‌ মানুচ্‌ বিলিনে ডাগন্‌ তারা যুনি নম্র ওইনে তবনা গরন্‌ আর মর্‌ মেইয়্যে চান্‌ আর ভান্ন্যেই পধত্তুন্‌ ফিরোন্‌, সালে স্বর্গত্তুন্‌ সিয়েনি শুনিনে মুই তারার্‌ পাপ্পানি খেমা গুরিম্‌ আর তারার্‌ দেজ অবস্থাগান্‌ ফিরেই দিম্‌।

ইয়োব 5:18

কিত্তেই তে ঘা গুরি দে, আরঅ‌ বানিয়ো দে; তে আঘাত্‌ গরে, আরঅ‌ তা আত্‌তানে সিয়েন্‌ গম্‌ গরে।

ইয়োব 9:6

তে পিত্‌থিমীগানরে তা জাগানত্তুন্‌ ইজেরে দে, তা খুদোগুনোরে গির্‌গিরে তুলে।

গীতসংহিতা 104:32

তে পিত্‌থিমীর ইন্দি রিনি চেলে সিয়েনে গির্‌গিরেই; তার্ আত্ বাজেলে মুড়ো-মুড়িত্তুন্ ধূমো নিগিলে।

গীতসংহিতা 114:7

ও পিত্‌থিমীগান, প্রভুর মুজুঙোত, যাকোব গোজেন মুজুঙোত্ গির্‌গিরে উদো।

গীতসংহিতা 18:7

সেক্কে পিত্‌‌‌থিমীগান গির্‌গিরে উদিলো আর লুরিলো, গির্‌গিরে উদিলো বেক্ মুড়োগুনোর্ গড়াগানি; তা রাগে সিগুন্ গির্‌গিরেলাক্।

গীতসংহিতা 89:40

তার রোক্ষ্যে গরেদে-দেবালান্ তুই ভাঙি দুয়োচ্; তার বেক্ তাম্বুলানি ভস্ত গোজ্যস্।

যাত্রা 15:11

“ও লগেপ্রভু, দেবেদাগুনো ভিদিরে কন্না আঘে তঅ‌ ধোক্ক্যেন্? কন্না আঘে তঅ ধোক্ক্যেন এমন্‌ পবিত্রতালোয় দাঙর্ আর মহিমালোই দর্‌‌‌‌গরেপারা? এধোক্ক্যেন আমক্‌ কাম গুরিরার্‌ বল্‌ কার্‌ আঘে?

যিশাইয় 30:26

যেদিন্যে লগেপ্রভু তা মানুচ্চুনোর্ আঘাত পেইয়্যে জাগানি বানি দিবো আর তার গোজ্যে ঘা গানি গম্ গুরি দিবো সেদিন্যে চানানে পহর্ দিবো বেলান ধোক্ক্যেন্, আর বেলান পহ্‌রান অবঅ পুরো সাত দিনোর পহ্‌‍‌‍‌র ধোক্ক্যেন সাতগুন বেশ্।

যিশাইয় 5:25

সেনত্তে লগেপ্রভুর রাগ্‌‌কান তা মানুচ্চুনো বিরুদ্ধে জুলি উঠ্যে; তে আঢ্ তুলিনে তারারে আঘাত্ গোজ্যে। মুড়ো-মুড়ি গির্‌‌গিরাদন্ আর মরাকিয়্যেনি পধত্ পেজা কুড়ো ধোক্ক্যেন্ পোজ্যে আঘে। ইয়েনর্ পরেদিয়ো তা রাগ্‌‌কান্ ন-থামায়, তে আঢ্ তুলি রাগেয়্যে।

যিশাইয় 7:8

কিত্তে অরামর মাঢাবো দামেস্ক বা কি আর দামেস্কর মাঢা রাজা রৎসীনই বা কন্না? পাচষট্টি বজর ভিদিরে ইফ্রয়িম এবাবোত্যেগুরি ভস্ত অবঅ, জাদ্ ইজেবে তে আর্ ন-থেবঅ।

যিরমিয় 10:10

মাত্তর্ লগেপ্রভু সত্য সত্য গোজেন; তে জেদা গোজেন আর উমরর্ রাজা। তার রাগে পিত্‌থিমীগান গির্‌গিরেই; জাদ্‌তুনে তার রাগ্‌কান সোজ্য গুরি ন-পারন্।‌‍‌‍‍‌‍‌‍‍‌‍‌‍‍

যিরমিয় 14:17

“তুই মানুচ্চুনো ইধু এ কধাগান কঅ, ‘মঅ চোগো পানি ন-থামেইনে দিন-রেদ মঅ চোগ্‌‍‍‍‍কুনোত্তুন উগুরি পোড়োক্, কিত্তে মঅ জাদর্ মানুচ্চুনে অমকদ আঘাত্, চুরমার-গোজ্যে আঘাত্ পেইয়োন।‍

যিরমিয় 30:17

মাত্তর্ তো মুই তর্ কিয়্যেগান ফিরেম্ আর তঅ ঘা গান গম্ গুরি দিম।’ ”

যিরমিয় 4:24

দাঙর্ দাঙর্ মুড়োমুড়ি ইন্দি রিনি চেলুং, সিগুনে গির্‌গিরেদন; বেক্ চিগোন চিগোন মুড়োমুড়িগুনে দুলোদন্।‌‍

যিরমিয় 48:38

মোয়াবর বেক্ ঘরানির ছাল উগুরে আর শঅর্ চক্কর্‌‌‌বোত্ আবিলেচ্ গরানা বাদে আর কিচ্চু শুনো ন-যায়, কিত্তে যে পিলেবো কনজনে ন-চান সে পিলেবো ধোক্ক্যেন মুই মোয়াবরে ভাঙি ফেল্যং।

আবিলেচ্ 2:13

ও যিরূশালেম-ঝিবো, মুই কি কধা কোইনে তর্ তপ্পে নেযেম্? কা লগে মুই তরে তুলনা গুরিম্? ও সিয়োন গাবুজ্যে-মিলে, তরে বুঝেবাত্তে মুই কা সমারে তরে সং গুরিনে চেম্? তঅ আঘাত্‌‌তান সাগর ধোক্ক্যেন দাঙর্; কন্না তরে গম্ গুরি পারে?

যিহিষ্কেল 34:16

যিগুনে আজি যেইয়োন্ মুই তারারে তোগেম্ আর যিগুনে ভান্ন্যেই পধেদি যেইয়োন তারারে ফিরেই আনিম। মুই আহতগুনোরে ঘা-গানি বানি দিম্ আর বল্‌‌পোজ্যেগুনোরে সবল্ গুরিম্, মাত্তর্ পক্তামক্তা আর বোলিবন্দগুনোরে মুই ভস্ত গুরিম, কিত্যে মুই ন্যায়বিচেরর্ মাধ্যমে মর্ পালুনোরে দেগাশুনো গুরিম।

হোশেয় 6:1

আঢঅ, আমি লগেপ্রভু ইধু ফিরি যেই। তেয়ই আমারে কট্টা কট্টা গোজ্যে, তে আমারে গম্অ গুরিবো; তেয়ই আমারে আঘাত্ গোজ্যে, তে আমারে ঘাগানি বানিয়ো দিবো।

আমোষ 8:8

ইয়েনত্তে কি দেজ্‌‌‌‌‌‌চান গির্‌‌‌‌‌‌নগিরেব? সিয়েন ভিদিরে বজত্তি গুরিয়্যে বেক্কুনে কি আবিলেচ্ ন-গুরিবাক্? পুরো দেজ্‌‌‌‌‌‌চান মিসরর্ য়্যাল্ গাঙ ধোক্ক্যেন ফুলি উদিনে অশান্ত অবঅ আর সে পরেদি লামিবো।”

হবক্‌‌‌‌কূক 3:10

মুড়ো-মুড়িগুন তরে দেগিনে গির্‌গিরে উদিলাক্। অমকদ পানি গঙার্ বেঈ গেলঅ; গভীন্ পানিগানে গুজুরি উদিলো আর তার্ তুবোলুন্ উগুরে তুলিলো।

মথি লেখ্যে গম্ হবর্ 27:51

সে পরেদি উবোসনা-ঘরর্ পর্দাগান উগুরেত্তুন্ ধুরি তলেদি সং ফাদিনে দ্বিভাগ্ ওই গেলঅ; ভূজোল্ বেলঅ আর দাঙর্ দাঙর্ পাত্তরুন ফাদি গেলাক্।