গীতসংহিতা 60:12 - Chakma Bible

¹² গোজেনর বলে আমি জিদিবোং; আমা শত্রুগুনোরে তে টেঙোই মাড়িবো।

গীতসংহিতা 60:12 ပူးပေါင်းရင်းမြစ်များ

২ শমূয়েল 10:12

ন-দোরেয়ো; আমা মানুচ্চুনোত্তে আর আমা গোজেনর শঅরানিত্তে এজঅ, আমি ন-দোরেইনে যুদ্ধো গুরিই। লগেপ্রভুর চোগোত্‌ যিয়েনি গম্‌ তে সিয়েনিই গোরোক্‌।”

১ বংশধর 19:13

সাহস গরঅ; আমা মানুচ্চুনোত্তে আর আমা গোজেন শঅরানিত্তে এজঅ, আমি সাহস নিইনে যুদ্ধো গুরিই। লগেপ্রভুর চোগেন্দি যিয়েন্‌ গম্‌ তে সিয়েনোই গোরোক্‌।”

গীতসংহিতা 118:16

লগেপ্রভুর খেমতাবলা আঢ্‌তানিয়ে জিদেই দিয়্যে; লগেপ্রভুর খেমতাবলা আঢ্‌তানিয়ে দোল্ কাম গোজ্যে।

গীতসংহিতা 144:1

লগেপ্রভুর বাঈনী ওক্, তে মর্ আশ্রয়-মুড়ো; তে মঅ আঢ্‌তানরে যুদ্ধো গুরিবাত্তে শিগেয়্যে, মঅ আঙুলুনোরে লড়াই গুরিবাত্তে শিগেয়্যে।

গীতসংহিতা 44:10

শত্রুগুনোর মুজুঙোত্তুন তুই আমারে পিজেন্দি এবাত্তে বাধ্য গোজ্যস্; আমা বিপক্ষগুনে আমারে লুদেয়োন্।

গীতসংহিতা 44:5

আমা শত্রুগুনোরে আমি তর্ বল্লোই পিজেন্দি ওদেবং; যিগুনে আমা বিরুদ্ধে উদিবাক্ তর্ জোরে তারারে টেঙোই মারিবোং।

যিশাইয় 10:6

মুই তারে গোজেন উগুরে ভোক্তিনেইয়্যে এক্কো জাদ বিরুদ্ধে পাদাঙর্ আর যিগুনে মঅ রাগ্‌‌কান তুলি দুয়োন্ তারা বিরুদ্ধে পাদাঙর্ যেন তে লুদেই পারে আর কাড়ি নেযেই পারে আর পদ কাদা ধোক্ক্যেন্ গুরি তারারে টেঙোই মাড়ি পারে।

যিশাইয় 63:3

“মুই গায় গায় আংগুর মাজ্যং; জাদ্‌তুনো ভিদিরে কনজনে মঅ সমারে ন-এলঅ। মুই অমকদ বেজার্ ওইনে তারা টেঙানিলোই দোল্যং আর রাগে তারা টেঙানিলোই মাজ্যং; তারার লো ফুদোগুন মঅ কাবড়ানিত্ পোজ্যে আর বেক্ কাবড়ানিত্ দাগ্ লাক্যে।‌

সখরিয় 10:5

সেক্কে যিহূদার মানুচ্চুনে এমন বোলী মান্‌‌‌জ্য ধোক্ক্যেন অবাক্ যিগুনে যুদ্ধোত্ গাড়া-যেয়্যে পধত্ শত্রুগুনোরে টেঙোই মাড়ন। মুই তারা সমারে টেইম্ বিলিনে তারা যুদ্ধো গুরিনে ঘোড়া চালেয়্যেগুনোরে ওদেই দিবাক্।

মালাখি 4:3

সে পরেদি তুমি পাজিগুনোরে টেঙোই মাড়িবা, কিত্যেই যেদিন্যে মুই এই বেক্ কামানি গুরিম সেদিন্যে তারা তমা টেঙত্ তলে পোজ্যে ছেইয়ো ধোক্ক্যেন্ অবা। মুই বেগত্তুন খেমতাবলা লগেপ্রভু এ কধাগান কঙর্।

যিহোশূয় 1:9

মুই তরে উগুম দুয়োঙর, সেনত্তেই তুই বোলী অ আর মনত্‌ সাহস আন্‌। ন-দোরেচ্‌ বা ঝিমেয়্যে ন-ওস্, কিত্যে তুই যিয়োদোই যেদে সাৎ তর্‌ গোজেন লগেপ্রভু তঅ‌ লগে থেবঅ‌।”

যিহোশূয় 14:12

ইয়েন যে মুড়ো-মুড়ি চাগালাগান্‌ দিবার এগেম্ লগেপ্রভু মইদু গোজ্যে সিয়েন তুই মরে দে। সে সময়োত্‌ তুই নিজেই শুন্যচ্‌, অনাকীয়গুনে সিয়েনত্‌ বজত্তি গুরিদাক্‌ আর তারার্‌ শঅ‌রানিয়ো বেশ্‌ দাঙর্‌ দাঙর্‌ আরঅ‌ দেবাল্লোই-ঘিজ্যে। মাত্তর্‌ লগেপ্রভু মঅ‌ লগে থেলে তা কধা মজিম মুই তারারে ধাবেই দিম্‌।”

ফগদাং পেইয়্যে 19:15

তে যেন বেক্‌ জাদ্‌‌তুনোরে আঘাত্ গুরি পারে সেনত্যে তা মুয়োত্তুন্ এক্কান ধারেয়্যে ছুরি নিগিলি এজের্। তে লুয়োর্ লুদিক্কোই বেক্‌ জাদ্‌‌তুনোরে শাসন গুরিবো আর আঙ্গুর মাড়িবার গাঢত্ তে আঙ্গুর টেঙোই মাড়িবো। এই আঙ্গুর মাড়িবার গাঢ্‌‌তো অলঅ বেগত্তুন্ খেমতাবলা গোজেনর্ দর্‌‌গরেপারা রাগ্‌‌কান।