গীতসংহিতা 60:1 - Chakma Bible

¹ ও গোজেন, তুই আমারে এলাফেলা গোজ্যস্, আমারে গুড়ি গোজ্যস্; তুই অমকদ বেজার্ ওইয়োচ্, মাত্তর্ এবেরা তুই আমারে আগ অবস্‌তাদ্ ফিরেই আন।

গীতসংহিতা 60:1 ပူးပေါင်းရင်းမြစ်များ

২ শমূয়েল 10:16

রাজা হদদেষরে মানুচ্‌ পাদেইনে ইউফ্রেটিস গাঙর্‌ উপারত্‌ বজত্তি গোজ্যে অরামীয়গুনোরে আনিলো। তারা হেলমত্‌ এলাক্। হদদেষরর্‌ সৈন্যগুনোর্‌ সেনাপতি শোবকে তারারে পরিচালনা গুরিনে অানিলো।

২ শমূয়েল 5:20

দায়ূদে সেক্কে বাল্‌-পরাসীমোত্‌ গেলঅ আর সিদু তারারে ওদেই দিলো। তে কলঅ, “লগেপ্রভু মঅ মুজুঙোত্‌ গোদা পানি ভাঙি যাইদে ধোক্কেন্‌ মঅ শত্রুগুনোরে ভাঙি ফেলেয়্যে।” ইয়েনত্তে সে জাগায়ানর নাঙান্‌ অলঅ বাল্‌-পরাসীম।

২ শমূয়েল 8:14

ইদোম দেজর্‌ বেক্‌ জাগানিত্‌ তে নিজো সৈন্যদলুন রাগেল আর সেক্কে ইদোমীয়গুনে তা অধীনোত্‌ অলাক্। দায়ূদে যে কনঅ জাগাত্‌ গেলে লগেপ্রভু সিয়োদোই তারে জিদেই দিদো।

২ শমূয়েল 8:3

পরেন্দি সোবার রাজা রহোবর পূঅ হদদেষরে যেক্কে ইউফ্রেটিস গাঙান সং তা জাগায়ানিত্‌ আরঅ তার্‌ খেমতা থিদেবর্ গুরিবাত্তে গেলঅ সেক্কে দায়ূদে তা লগে যুদ্ধো গুরিলো।

২ রাজাবলী 14:7

অমৎসিয় নুন-কলগত্ দশ আজার ইদোমীয়রে মারে ফেলেল আর যুদ্ধো গুরিনে সেলা গজক্ গুরিনে তা নাঙান্‌ রাগেল যক্তেল; সে নাঙান্‌ এজঅ আঘে।

১ বংশধর 18:3

পরেন্দি সোবার রাজা হদদেষরে যেক্কে ইউফ্রেটিস গাঙান সং তা জাগায়ানিত্‌ আরঅ তার্‌ খেমতাগান থিদেবর্ গুরিবাত্তে গেলঅ সেক্কে দায়ূদে তা লগে যুদ্ধো গুরিবাত্তে হমাৎ সং গেলঅ।

১ বংশধর 28:9

“আর তুই, মর্‌ পুয়োবো শলোমন, তুই তঅ বাপ্পো গোজেনরে মুজুঙোত্‌ রাগেইনে চলিবে আর তঅ মনান্‌ ঠিগ্‌ রাগেইনে আর মন আওজে তারে সেবা গুরিবে, কিত্তে লগেপ্রভু পত্তিজনর্‌ মনানি গমেডালে চায় আর চিদে গরানার্‌ পত্তিজন উদ্দেশ্যগানি বুঝে। তাহ্ আওজ্‌সানি জানিবাত্তে চেলে তুই সিয়েনি জানি পারিবে, মাত্তর্‌ যুনি তুই তারে ছাড়ি যাচ্‌ সালে তেয়ো তরে উমরত্তে এলাফেলা গুরিবো।

২ বংশধর 25:11

অমৎসিয় মনত্‌ সাহস নিইনে নুন্‌ কিজিঙোত্‌ তার্‌ সৈন্যদল্লোরে পরিচালনা গুরিলো। সিয়েনত্‌ তে সেয়ীরোর্‌ দশ আজার মান্‌জ্যরে মারে ফেলেল।

গীতসংহিতা 108:11

ও গোজেন, তুই কি আমারে বাদ ন-দুয়োচ্? আমা সৈন্যগুনো সমারে তুই দঅ আর্ ন-যাচ্।

গীতসংহিতা 44:9

মাত্তর্ ইক্কিনে তুই আমারে ছাড়ি যেইয়োচ্ আর লাজত্ ফেলেয়োচ্; যুদ্ধোত্ আমা সৈন্যদলুনোর সমারে তুই আর্ ন-থেচ্।

গীতসংহিতা 59:1

ও গোজেন, মঅ শত্রুগুনো আঢত্তুন্ তুই মরে উদ্ধোর গর; মর্ বিপক্কগুনোত্তুন্ তুই মরে অজলত্ তারার নাগাল বারেদি তুলি রাগা।

গীতসংহিতা 59:11

ও প্রভু, আমা ঢাল, মঅ শত্রুগুনোরে তুই মারে ন-ফেলেচ্, নলে মঅ মানুচ্চুনোর ইয়েনি মনত্ ন-থেবঅ। তুই বরং তঅ বল্লোই তারারে এবাবোত্যে গর্ যেনে তারা ইদু-উদু ঘুরি বেড়ান; তুই তারারে ওদেই দে।

গীতসংহিতা 60:10

ও গোজেন, তুই কি আমারে বাদ ন-দুয়োচ্? আমা সৈন্যগুনো সমারে তুই দঅ আর্ ন-যাচ্।

গীতসংহিতা 74:1

ও গোজেন, তুই উমরত্যে কিত্তে আমারে ফেলেই যেয়োচ্? তর্ চড়েদে জাগানর্ ভেড়াগুনোর বিরুদ্ধে কিত্তে তর্ রাগর আগুনান্ ধূমেই উদের্?

গীতসংহিতা 79:5

ও লগেপ্রভু, আর কয়দিন? তুই কি জিংকানিবর্ বেজার ওই থেবে? আর কয়দিন তর্ পাইদ্যে ভোক্তি ন-পানার জ্বালা আগুনো ধোক্ক্যেন জুলিবো?

গীতসংহিতা 79:9

ও আমা উদ্ধোর গুরিয়্যে গোজেন, তর্ বাঈনী গুরিবাত্যে তুই আমারে এজাল্ দে; তর্ সুনাঙ্ রাগেবাত্তে আমারে উদ্ধোর গর্ আর আমা পাপ্পানি খেমা গর্।

গীতসংহিতা 80:1

ও ইস্রায়েলর পালক, তুই আমা কধানি শুন; তুই যোষেফর বংশবোরে ভেড়া পাল ধোক্ক্যেন গুরি চালেই নেযর্। তুই করূবপুনো উগুরে আগচ্, তর্ পহ্‌রান তুই ছিদি দে।

গীতসংহিতা 80:3

ও গোজেন, তুই আগ অবস্তাদ আমারে ফিরেই নেযা; তর্ দোয়্যে-মেয়্যেগান পহ্‌র্ ধোক্ক্যেন গুরি আমা উগুরে পোড়োক্, আমি সেক্কে উদ্ধোর্ পেবং।

গীতসংহিতা 85:4

ও আমা উদ্ধোর গুরিয়্যে গোজেন, তুই আমারে আগ অবস্তাদ ফিরেই আন; আমা উগুরে তর্ বেজার্ অনাগান তুই থামা।

গীতসংহিতা 89:19

একপল্লা তুই দর্শন দিইনে তর্ ভক্তগুনোরে কোইয়োচ্, মুই এক্কো বীরোরে সাহায্য গোজ্যং; মানুচ্চুনো ভিদিরেত্তুন একজনরে বেঈ নেযেইনে অজলত্ তুল্যং।

গীতসংহিতা 89:3

তুই কোইয়োচ্যে, “মর্ বেঈ লোইয়্যে মানুচ্চোত্যে মুই এক্কান্ সুদোম থিদেবর্ গোজ্যং; মর্ চাগর দায়ূদো ইদু মুই এ শমক্তান্ গোজ্যং,

গীতসংহিতা 89:38

মাত্তর্ তুয়ই ফেলেই যেয়োচ্, টেঙোই ঠেল্যচ্; তর্ অভিষেগ্ গোজ্যে মানুচ্চো উগুরে তুই অমকদ বেজার্ ওইয়োচ্।

গীতসংহিতা 89:7

পবিত্র দূত্‌তুনোর তেম্মাঙত্ বেক্কুনে গোজেনরে দরান্ আহ্ ভোক্তি গরন্; তার চেরোকিত্যে বেক্কুনোত্তুন্ তেয়ই বেশ্ ভোক্তিবলা দর্ জাগায়।

গীতসংহিতা 90:13

ও লগেপ্রভু, আর কয়দিন? এবেরা তুই ফিরি চাহ্, তর্ চাগরুনো উগুরে তুই মেয়্যে দেগা।

সখরিয় 10:6

“মুই যিহূদার মানুচ্চুনোরে বোলী বানেম্ আর যোষেফর, অত্তাৎ ইস্রায়েলর মানুচ্চুনোরে উদ্ধোর গুরিম। মুই তারারে ফিরেই আনিম, কিত্যেই তারা উগুরে মর্ দোয়্যে-মেয়্যে আঘে। সেক্কে তারা এমন অবাক্ যেন মুই তারারে এলাফেলা ন-গরং, কিত্যেই মুই তারার গোজেন লগেপ্রভু; মুই তারার্ ডাগনিলোই শমক্ দিম।

১ শমূয়েল 13:11

শমূয়েলে তারে কলঅ, “তুই ইয়েন কি গোজ্যস্‌?” জোবত্‌ শৌল কলঅ, “মুই দেগিলুঙে, মানুচ্চুনে মঅ মুজুঙেত্তুন আঢি যাদন্‌ আর ঠিগ্ সময়োত্‌ তুইয়ো ন-এলে, আরঅ পলেষ্টীয়গুনেয়ো ইন্দি মিক্‌মসত্‌ এইনে এগত্তর্‌ ওইয়োন।

১ শমূয়েল 4:17

যে মানুচ্চো হবর্ আন্যে তে সেক্কে কলঅ, “পলেষ্টীয়গুনোর মুজুঙোত্তুন ইস্রায়েলীয়গুনে ধেই যেইয়োন আর বোউত্‌ মানুচ্‌ মারা পোজ্যন। তর্‌ দ্বিবে পূঅ হফ্‌নি আর পীনহসেও মুরি যেইয়্যে আর গোজেনর সুন্দুক্কো শত্রুগুনে নেযেয়োন।”